الموضوع: بفكر اخد عيالي وسافر

المشاركة الأصلية كتبت بواسطة yobaaa

أما تتفصل من شغلك و تقعد فى الييت و متعرفش تصرف على بيتك و أما تتسرق أو تتسبت أو عيل من عيالك يتخطف و متقدرش تعمل حاجة و أما يلاقى أن الشعب بينتحر فعليا من غباء مزمن فيه و بيضيع فرصة ذهبية إنه ينضف بجد ...هتعرف قصد الراجل اللى كاتب الموضوع إيه

على كده لو قامت حرب كلنا نسيب البلد, علشان بنخاف على نفسنا.

السلام عليكم ,

ان شاء الله يا ا/ وائل القادم أفضل لان مصر مش ممكن تكون فى وضع أسواء من اللى كانت فيه طول 30 سنة و كفاية ان سرقة البلد وقفت و بدل ما دخل البلد ما كان بيروح فى جيب النظام السابق دلوقتى هيتصرف على مصر .

يا جماعة مصر كانت محتلة من النظام السابق و اتحررت أخيرا و ان شاء الله القادم أحسن لينا و لأولادنا

اللى موافق يسيب البلد ويهاجر بيحسسنى انه كان عايش فى بلد الامن والامان فى ظل عصابه على بابا والاربعين حرامى
واللى مش فاهم بيقولك ادى نتائج الثورة
ونسى وتناسى ان يوجد ترس مهم فى مجموعه تروس غير مفعل بفعل فاعل خفى الا وهو جهاز الشرطة بجميع انظمته
افضل مثال لمجموعه تروس الساعه لو ترس عطل الساعه كلها بتقف
جهاز الشرطة مش عايز يشتغل بيقولك يرجع مثل الاول يبالاش مش راجع عايز يرجع بفكره السلطوى بفكر القوه من البطش والجبروت واللا مسائلة
ومعندزش استعداد للتغير
اللى عايز يسافر ويهاجر برحته بس مفيش انسان على وجه الارض بيرتاح بره بيته وينام مطمأن الا على سريرة فى مأمنه
انتى هنا بتقول رايك لكن برة انسى

المشاركة الأصلية كتبت بواسطة wael17

اعتقد ان جزء من المشكلة هو اقتناع ناس كتير ان كده كده نحن نتجه للافضل و كل حاجة هاتبقي زي الفل و مهما عملنا برده كل تمام و مش ممكن يكون في أسوأ من اللي فات

انا مقتنع ان مفيش سيء مطلق و جيد مطلق...اي بلد في الدنيا تحت اي ظروف ممكن تتجه للاسوأ و ممكن تتجه للافضل و ده يعتمد علي الناس ماشية في اي اتجاه...لكن الاقتناع بأن مهما مشينا في اي اتجاه و مهما عملنا يبقي أكيد احنا هانكون احسن من قبل كده هو ده مكمن الخطر و مش هانفوق من الثقة الزائدة دي الي بعد فوات الاوان

يا ريت كلامي يكون غلط و ممكن نقعد نتكلم و نتجادل الي ملا نهاية بس انا شايف ان الاحسن نستني و نشوف

المنتدي موجود و هو يمثل توثيق للتاريخ و الاحداث و المواقف...يا ريت بعد سنة مثلا حد يفتكر الموضوع ده و يرد عليه و يقولي شفت يا وائل انت كنت متشائم بزيادة ازاي.....بس اشك ان ده هايحصل

أعتقد مضمون المشاركة ألي مقتبسة تحت هي ألي قالقك وقلقاني برده بس أنا متفائل خير أن شاء الله وألي مديني التفاؤل
-وطنية المجلس العسكري
-تواجد الأخوان المسلمين بقوة على الساحة ومعتبرهم صمام أمان لحد كبير
-تحاورنا وكشفنا للأعلام الفاسد ومدى خطورته على أمن البلد ونجاح الثورة
نفسي الشعب كله يوصله توعية وتحاور زي ألي بيتم مابيننا نسبة السطحية والأنسياق وراء الأعلام المغرض لفئة غير قليلة من المجتمع هي سبب قلقي الحقيقي

المشاركة الأصلية كتبت بواسطة m.mosaad

يا جماعه البلد بقالها سنين و سنين عمال يتكون فيها طبقات و طبقات من الفساد و في ناس كتير جداااااااااااااا اخدت علي اكل الحرام و استسهلت المكاسب الحرام السريعه سيبكم من القشدة اللي علي الوش اللي مشرفه دلوقتي في طره في غيرهم ملايين عايشيين حياتهم علي الرشاوي و المحسوبيات و اكل السحت و مش عايزيين البلد تنضف علشان هما بمخهم الزباله فاكرين ان البلد ممكن ترجع زي قبل 25 يناير و هما سبب للي بيحصل دلوقتي في البلد من تخبط و تراخي امني و للاسف في ناس كتير غلابه بيمشوا وراهم و ورا اي مشكله صغيرة في اي مكان

لما نسبة المصريين اللي مقضينها اعتصامات و تظاهرات يفهموا ان صلاح حالهم و صلاح البلد هيبقي في انتشار الامن و عودة عجلة الشغل بقوة مش حتي زي ايام مبارك لا عودتها زي بلاد برة يعني انزل الصبح اشتغل بما يرضي الله و اصبر شوية لحد ما ربنا يفكها و البلد تقف شوية علي رجلها و بعدين هاخد حقي و حق ولادي و اعيش عيشة كريمه ساعتها مش هتفكر تسيب البلد و ممكن الحصول علي فيزا بتاعه مصر تبقي اصعب من الشنجن فيزا

المستقبل غامض و محدش عارفه غير ربنا

+1

المشاركة الأصلية كتبت بواسطة abo_anas

بما ان مصر هى امى
وبما ان مصر الان فى محنه
وبما ان مااقدرش اسيب امى وقت محنتها وابعد عنها
اذن مااقدرش اسيب مصر وقت محنتها وابعد عنها
اذن انا قاعد تحت رجل امى لحد ربنا مايعافيها من محنتها

وهو المطلوب اثباته

هو دا اللى انا كنت عاوز اقوله ، ربنا يباركلك يا ابو انس ، هو دا الكلام الصح