الموضوع: تقرير ... تركيب ليدات في باب العربية و الدرج .

البداية انا نزلت التوفيقية و قررت اني هاشتري 4 شرايط ليدات 2 30 سم لدرج الباب و 2 60 سم للباب من تحت و طبعا اخدت لفة في التوفيقية و لاقيت ان مفيش فرق غير جنيه او اتنين بس في الاسعار

و طبعا اخدت الليدات و روحت و جيت اجربهم في البيت على بطارية لاقيت واحد مش شغال و واحد لونه ابيض و اتنين اخضر مع العلم ان المفروض اني جايب ال 4 ازرق رحت نزلت للراجل تاني يوم بدلتهم و ممشتش غير لما جرب ال 4 قدامي ( و دة يعلمنا ان لازم نجرب اي حاجة قبل ما نشتريها حتى لو البياع مكنش راضي و اتنرفز زي ما حصل معايا )

و دي الليدات اللي جبتها ( دول واحد 30 و واحد 60 )


المهم عديت على الكهربائي بتاعي قولتلو انا عايز اعمل ايه راح قالي نعالى الجمعة الصبح عشان اشتغل بروقان

عديت عليه و ابتدي بفك مسامير الباب زي ما باين في الصور





و بعد ما فك الباب لزق شريط الليدات في الباب من تحت و بعد كدة عمل فتحة صغيرة جدا في الدرج من جوة عشان يعدي منها السلك و ربط الشريطين مع بعض و راح اشترى سلك كدة طويل و وصل الشريطين ببعض و بعدين فك عتب الباب و وصلهم على الزرار بتاع الباب

و عمل نفس الحركة في الباب التاني بس بدل ما يفك العتب راح وصلهم مع التوصيلة الاولى عند الباب التاني من تحت التابلوه

الصراحة شغل نضيف جدا و مفيش سلكة واحدة باينة خالص

الصور بعد ما خلصت و ركبت

الصور طبعا بليل عشان تبقى واضحة

دي صورة الباب الشمال






و دي صورة للدرج بس




و دي صورة للباب الشمال من قدام و هو مفتوح




و دي صور الباب اليمين ( معلش اصله كان ناحية الرصيف )







و دي صورة للدرج بعد الظهر




بس طبعا الصور في الحقيقة حاجة تانية



في انتظار رائيكم و اي استفسار انا موجود

لطيفة