المشاركة الأصلية كتبت بواسطة hobiko
مين فينا سيدنا عمر ؟؟؟؟ مين فينا سيدنا ابو بكر ؟؟؟؟؟ رضى الله عنهما
هى دى المشكلة ..... الأسلام الصحيح الوسطى ..... بدون افراط ولا تفريط ..... مين يقدر يقول عليه لأ
لكن فين دلوقتى اللى يقدر يطبق دولة الصحابة و الخلفاء الراشدين ؟؟؟؟
سلام عليكم
انا عايز اعلق على بعض الجزئيات دي رغم ان الكلام مش موجه ليا انا
عايزين نتفق على حاجة , لازم لما نناقش منهج معين , المفروض نتجرد ممن يدعون انهم بينفذوا المنهج ده سواء بينفذوه صح او بينفذوه خطأ او بيستعبطوا و مش بينفذوه, و نحكم فقط على المنهج و تطبيقه
بمعنى , المنهج الفلاني الجزئية الفلانية , صحيحة ولا ؟ صحيحة , يبقى تمام , لأ لازم تتجرب عشان نحدد , طب حد جربها قبل كده و جربها صح ولا جربها غلط , اه حد جربها صح و نتايجها زي الفل , يبقى تمام , اه حد جربها صح بس نتايجها سيئة , يبقى ما تلزمناش (الكلام هنا مجرد كمنهج تفكير مش على الشريعة كشريعة عشان ماحدش يفهمني غلط) , اه حد جربها بس غلط في كذا و كذا ففشلت , ممكن نحاول نطورها و نتلافى اخطاء غيرنا طالما شايفين ان المبدأ صح
لكن طالما الاخوان و السلفيين مش عاجبيننا يبقى نسيبنا خالص من الشريعة و نبقى علمانيين , ده مش تفكير علمي بالمرة
مش عاجبنا اي منهج من المناهج الموجودة , لا سلفيين بقى ولا اخوان ولا حزب الوسط ولا حزب العمل ولا غيره ولا غيره , يا سيدي الواحد يقول انا اسلامي (طالما هو مقتنع ان المنهج الاسلامي صحيح و المشكلة في الأشخاص) و توجهي كذا كذا و يعمل الاتجاه بتاعه لوحده , و مش لازم خالص يعادي باقي الاتجاهات
دي الطريقة اللي انا فكرت بيها بالمناسبة
اللى قال قبل كده ..... طظ فى مصر و اهل مصر ...... ولما نوصل للحكم حنضرب المعارضين بالجزمة ...... ولا اللى كانوا بيوطوا يقبلوا ايده ؟؟؟؟؟
عايز اقول لك معلومة بخصوص النقطتين دول , انا وقتها تتبعتهم , و اكتشفت ان الراجل ده كلامه تم تحريفه اعلاميا بصورة حقيرة جدا
الراجل قال: "لو مصر هاتضحي عشان الامة العربية (ولا مش فاكر أمة الإسلام) يبقى طظ في مصر" , تم اقتطاع الكلام بصورة غير امينة و اتنشر اللي بتقوله , اللي الراجل قاله سواء اتفقنا او اختلفنا عليه , مش عيب خصوصا انه بيتكلم كمصري
و لما اتسأل عن لو وصلتم للحكم هاتعملوا ايه للي يخالفكم , قال : "احنا هانبقى بنطبق شرع الله, فساعتها اللي عايز يخالف شرع الله ... الناس هي اللي هاتضربه بالجزمة" , هوباااااااااااااااااااا , الاخوان هايضربوا اللي يعارضهم بالجزمة ..... برده انعدام امانة اعلامية بشعة
الراجل صدامي و مش متحدث كويس , لكن ده لا يمنع ان الكلام اللي اتنشر عنه هو ما قالوش
نظام مبارك ولا كان علمانى ولا ليبرالى ولا اسلامى و لا مسيحى ولا يسارى ولا يمينى ولا وسطى ......
كان نظام الزبالة ..... فين الزبالة ...... مسكها مناصب
طب ما نظام السعودية انا مش معتبره اسلامي , لا تعارض على فكرة لأن الزبالة دي حالة , انما علماني ولا اسلامي ده منهج , و اكيد كلنا فاكرين نظيف لما صرح ان مصر دولة علمانية , و كان رئيس الوزرا
اما المشاريع .... ان لا اقصد المشاريع المادية العادية ...... مستشفيات او مساكن
انا اقصد ..... المشاريع السياسية ...... الولايات المتحدة الأسلامية ..... الخلافة الأسلامية
دى مش حاجة حتيجى فى 4 سنين مثلا ...... دى عايزة وقت طويل مستمر
دي اهداف مش مشاريع , انا حتى مش عارف الخلافة من اهداف الاخوان ولا لأ , بس عموما لما قريت عنه من كام سنة لكاتب اسلامي لقيت انه متشوه خالص , او على الأقل له اكتر من تعريف منها تعريفات وحشة انتشرت اعلاميا , و فيها تعريفات كويسة جدا
تطبيق الحدود الشرعية ...... مين ممكن يخالف شرع ربنا ..... بس ازاى حطبقها ؟؟؟؟
انا كان فى تصورى المتواضع ..... ان قبل ما اتكلم على تطبيق الحدود .... اكلم عن العدالة الأجتماعية ...... عن كيفية التوزيع العادل للثروة ..... تخفيض عدد المواطنين اللى تحت خط الفقر ..... التعليم ...... التكنولوجيا ..... البحث العلمى .....
تنقيح القوانين و تعديلها ...... تحقيق اسقلالية القضاء ...... تفعيل دور الأحهزة الرقابية .....
عشان بعد كده ...... اعرف اجيب الحرامى الكبير الحقيقى بالقانون ..... وما حادش يبقى ليه حجة لما اقطع ايده
عايز اقول لك بأمانة ان الكلمتين اللي انت قلتهم دول قالهم لي واحد اخوان اعرفه من كام شهر, مش هازود عن كده
الحدود الشرعية ..... فى رأى اللى ممكن يبقى غلط ...... وسيلة لتنفيذ القصاص ..... مش غاية
و الشريعة الاسلامية مش حدود بس, و دراسة تاريخ الخلفاء الراشدين بتثبت ده
انا عشان الكلمتين الحلوين دول منك انت يا هندسة تامر ...... من بكرة حربى دقنى و البس قفطان لو ده يرضيك :))))))))))))))))
ههههههههههههههههههههههههه ههههههههههههههههههه , اذا كان انا لا مربي دقني ولا بالبس قفطان (مع ان لا الدقن عيب ولا القفطان عيب) , هاتلبسهم عشاني ليه ؟
عايز اقول لك على فكرة , الاخوان مش بيربوا دقونهم , او بيربوها قصيرة , و مش لازم خالص يلبسوا جلاليب
انا مش اخوان قبل ما تفهم غلط:Ka_che1[1]:
ثم هو انت يا تبقى ليبرالي يا تلبس قفطان ؟
أين الوسطية يا رجل ؟
هههههههههههههههههههه
جرب اللى انت عايزه ..... اللى انا بنادى بيه و حافضل انادى بيه ...... ان لو انت جربت حد و ماعجبش او مانفعش (اقصد كشعب) يبقى فى ايديك انك تشيله و تجيب غيره سلميا
متفق جدا جدا جدا جدا جدا