اقتباس المشاركة الأصلية كتبت بواسطة samcar مشاهدة المشاركة
سيدنا عمر - رفض يوصى لابنه بالخلافه - رغم انعبد الله بن عمر كان من اتقى الناس- واعتبر الخلافه - رغم عدله بلاء من الله وانه رايح جهنم رايح لانه اكيد مش حيقدر يصون- على حد ظنه- كل حقوق الرعيه- دلوقت الناس بتستموت على الحكم-
الاساس فى الاسلام - طالب الولايه لا يولى -
مين فينا سيدنا عمر ؟؟؟؟ مين فينا سيدنا ابو بكر ؟؟؟؟؟ رضى الله عنهما

هى دى المشكلة ..... الأسلام الصحيح الوسطى ..... بدون افراط ولا تفريط ..... مين يقدر يقول عليه لأ

لكن فين دلوقتى اللى يقدر يطبق دولة الصحابة و الخلفاء الراشدين ؟؟؟؟

اللى قال قبل كده ..... طظ فى مصر و اهل مصر ...... ولما نوصل للحكم حنضرب المعارضين بالجزمة ...... ولا اللى كانوا بيوطوا يقبلوا ايده ؟؟؟؟؟

اللى معتبر بن لادن بطلا مجاهدا أسلاميا عظيما ..... و لا اللى حطنى فى فسطاط الباطل لمجرد انى قلت لأ فى الأستفتاء ؟؟؟؟

ولا اللى خاض فى الأعراض بالباطل ؟؟؟؟

ولا اللى واقفين بيسقفوا و يهللوا ...... لعبود الزمر قاتل الرئيس السادات ؟؟؟؟

ده فكرنى بمناظرة د. عمرو حمزاوى و أ. صبحى صالح

عمرو حمزاوى فضل يتكلم عن تنظيم العلاقة بين الدين و الدولة و الدين و السياسة ..... و شكل الدستور و شكل المجتمع .....

و صبحى صالح ...... يبخطب خطبة الجمعة ..... و يحكى عن الصحابة و الخلفاء الراشدين ...... طب ما انا عارف الكلام ده و طبعا مش معترض عليه ..... انا عايز اعرف الأخوان حيعملوا ايه ..... مش سيدنا عمر رضى الله عنه حيعمل ايه

بصراحة كمان مش متخيل ان صبحى صالح ...... اللى بيمثل الأخوان ......

مش قادر انسى لما شفت صبحى صالح من سنتين تلاتة .... فى كافيتريا half time اللى على البحر فى اسكندرية و هو قاعد بيشيش مع محمد مصيلحى نائب الحزب الوطنى ..... وهاتك يا ضحك بصوت اد كده

المشكلة ليست فى الأسلام .....

الأسلام الصحيح الوسطى ...... هو الحل

بس الأخوان و بعض السلفيين و الجماعة الأسلامية هم المشكلة (على رأى بلال فضل)

اقتباس المشاركة الأصلية كتبت بواسطة dr_hatem مشاهدة المشاركة
غطرسة وتعالى ايه بس امال كلام العلمانيين نقول عليه ايه
اما بالنسبة لتداول السلطة فان شاء الله مفيش تيار هينفرد بالسلطة
اقتباس المشاركة الأصلية كتبت بواسطة tlrsiap مشاهدة المشاركة
الاجابة تونس يا باشا
اهو نظام , مش كان علماني , ده كان علماني متطرف لدرجة محاربة الاسلام بصورة مباشرة
و برده كان مستبد ولا فيهوش تداول سلطة
نظام مبارك كان نفس النظرية بالظبط لكن مثال تونس اوضح عشان كده ذكرته

النقطة اللي بعدها , هاقول لك فيها حاجة لذيذة جدا , حالا كان فهمي هويدي على الجزيرة بيتكلم عن موقف (المثقفين) اللي هي كلمة محطوطة مكان كلمة العلمانيين و الليبراليين يعني , من اختيار واحد اخوان في وسط لجنة تعديل الدستور السابقة , و التنديد , و الاتهامات بالتحيز (عشان واحد بس) , بصراحة شيء فكرني باللي بيعمله اللوبي اليهودي في امريكا , في انهي جهة التعالي في رأيك ؟

تعال نبص الناحية التانية , الاخوان مثلا , انت بتتكلم عن مشاريعهم طويلة الأمد , هل تظن ان مشاريعهم دي مبنية على انهم في السلطة ؟ خليني افكرك , وقعة مشهورة من كام سنة , فيه مستشفى خيري اتبنى , كان مالكه اخواني, و الأمن هده !!! لمجرد ان مالكه اخواني ... فالناس اهي بتعمل مشاريع بعيدا عن السلطة خالص

كلمة في سرك , و الله انت خسارة في الليبرالية يابني, او على الأقل في ليبراليين مصر

نظام مبارك ولا كان علمانى ولا ليبرالى ولا اسلامى و لا مسيحى ولا يسارى ولا يمينى ولا وسطى ......

كان نظام الزبالة ..... فين الزبالة ...... مسكها مناصب

اما المشاريع .... ان لا اقصد المشاريع المادية العادية ...... مستشفيات او مساكن

انا اقصد ..... المشاريع السياسية ...... الولايات المتحدة الأسلامية ..... الخلافة الأسلامية

دى مش حاجة حتيجى فى 4 سنين مثلا ...... دى عايزة وقت طويل مستمر

تطبيق الحدود الشرعية ...... مين ممكن يخالف شرع ربنا ..... بس ازاى حطبقها ؟؟؟؟

انا كان فى تصورى المتواضع ..... ان قبل ما اتكلم على تطبيق الحدود .... اكلم عن العدالة الأجتماعية ...... عن كيفية التوزيع العادل للثروة ..... تخفيض عدد المواطنين اللى تحت خط الفقر ..... التعليم ...... التكنولوجيا ..... البحث العلمى .....

تنقيح القوانين و تعديلها ...... تحقيق اسقلالية القضاء ...... تفعيل دور الأحهزة الرقابية .....

عشان بعد كده ...... اعرف اجيب الحرامى الكبير الحقيقى بالقانون ..... وما حادش يبقى ليه حجة لما اقطع ايده

الحدود الشرعية ..... فى رأى اللى ممكن يبقى غلط ...... وسيلة لتنفيذ القصاص ..... مش غاية

انا عشان الكلمتين الحلوين دول منك انت يا هندسة تامر ...... من بكرة حربى دقنى و البس قفطان لو ده يرضيك :))))))))))))))))

اقتباس المشاركة الأصلية كتبت بواسطة otefa مشاهدة المشاركة
جربنا العلمانيين(مبارك)
نجرب من نفسنا الأخوان المسلمين
جرب اللى انت عايزه ..... اللى انا بنادى بيه و حافضل انادى بيه ...... ان لو انت جربت حد و ماعجبش او مانفعش (اقصد كشعب) يبقى فى ايديك انك تشيله و تجيب غيره سلميا

اقتباس المشاركة الأصلية كتبت بواسطة Ralliart مشاهدة المشاركة
الموضوع في الاول وفي الآخر بيكون راجع للشخصيات بعيداً عن التوجهات
فدولة الخلافة الاسلامية اللي جابت الخلفاء الراشدين جابت حكام امويين كانو قمة في الاستبداد
والدول العربية كانت بتدعي الديمقراطية كانت بتشغل اغنية اخترناه ويستمرو في الحكم
العبرة مش في نظام الحكم زي ما العبرة في الاشخاص نفسهم وطبيعة المجتمع
انما بالنسبة لسؤال هل التيارات الاسلامية تؤمن بتداول السلطة فالكلام متضارب في الموضوع ده بس من أغلب الآراء اللي سمعتها لأ لدرجة ان امام المسجد للاسف هو دكتور في حقوق القاهرة قال الديمقراطية دي كلام فاضي والاغلبية مش عارفة مصلحتها ولازم اهل الحل والعقد فقط همى اللي يستشارو (معرفش يعني ايه وهو مقالش يعني ايه) وان عامة الناس مبيفهموش حاجة
بالظبط كده الأشخاص ...... المطبقون لمفهوم دولة الأسلام ايام الخلفاء الراشدين

اما الجزء الأخير من كلامك ...... انا معاك فيه ..... اغلب اللى بسمعه انه لأ .....

ده اللى حصل بالظبط فى تشكيل قيادات حزب الأخوان الجديد ...... مجلس شورى الجماعة هو اللى اختار رئيس الحزب و النائب بتاعه ..... ماحدش اخد رأى باقى أعضاء الجماعة

دى اشكالية فى فكر التيار الأسلامى .....

الأشكالية هنا ...... ان تطبيق مبادىء الديموقراطية وعلى رأسها تداول السلطة و الأحتكام لصندوق الأنتخاب ..... ممكن يأدى فى النهاية لأزاحة حزب التيار الأسلامى عن السلطة ...... ده فى حد ذاته ممكن يكون فى و جهة نظر هذا التيار ..... ازاحة للأسلام و الشريعة عن السلطة ..... و ده طبعا مرفوض تماما فى نظر حزب التيار الأسلامى

مش هى دى الديموقراطية .... يعنى احزاب معارضة ..... مش ممكن يحصل فى اى انتخابات ان الحزب الدينى يخسر فى مقابل حزب ليبرالى مثلا ..... رد فعل السلفيين ايه لو كانوا هم الطرف الخاسر بعد ما كانوا فى الحكم ؟؟؟؟ .... رد فعل الجماعة الأسلامية ؟؟؟؟

تخوفى ان الديموقراطية او الشورى سيتم تطبيقها بين افراد التيار الواحد فقط ...... و لن تكون بين جميع اطياف الشعب


اقتباس المشاركة الأصلية كتبت بواسطة aif مشاهدة المشاركة
الاجابة ببساطة
الاخوان المسلمين نفسهم شالو المرشد السابق مهدي عاكف وانتخبو المرشد الحالي محمد مرسي بسلاسة ويسر
مش ده تداول سلطة ؟؟؟؟؟
وبعدين يبا استاذي سواء اخوان او غيرهم وصلو للسلطة واستبدو بها
خلاص الناس في مصر عرفت الطريق وحاجز الخوف انكسر في 25 يناير .... وميدان التحرير مش بعيد .... وانا اول واحد ح اتظاهر ضدهم لو لم يكونو على قدر المسئولية
محمد مهدى عاكف مشى بسبب أخطائه و زلات لسانه

اقتباس المشاركة الأصلية كتبت بواسطة SkyBird مشاهدة المشاركة
هل يؤمن ممثلو التيار الأسلامى بمبدأ تداول السلطة ؟؟؟
الاخوان نعم
السلفيين لا

الأخوان ممكن

السلفيين لاااا

الجماعة الأسلامية لااااااااااا