الموضوع: عبير: نعم أسلمت وأطلب حمايتي

المشاركة الأصلية كتبت بواسطة meza

عندى تساؤل يا حاج أحمد و متردد إنى اسأله قلقاً من الإجابة بس هسأله بقى و خلاص

الحرية الدينية معناها أن يتم السماح بالتحول من ديانة لديانة أخرى بحرية تامة.
هل حضرتك هتوافق أو هتسمح إن شخص يحول دينه من الإسلام للمسيحية بدون مشاكل؟

أنا بجد معرفش الإجابة و متحير جداً خصوصاً مع وجود حد الردة اللى -حسب فهمى ليه- يعتبر عقبة كبيرة قدام الحرية الدينية اللى حضراتكم أساساً بتطالبوا بيها.

تحياتى

بص يا مينا
لو واحد مش عاوز يظل على دين معين سواء اسلام او مسيحية
يبقى مش ح ينفع اننا نبقيه على دينة بالعافية
لو واحد مسلم واعلن انه ح يبقى مسيحي .... يتفضل مع السلامة ....
لأنه ببساطة حتى لو ارغمته على العدول عن رأية باي اسلوب .... سواء ترغيب او ترهيب .... ح يبقى معتنق دين هو مش مؤمن بيه
العبرة مش بالعدد
العبرة بالايمان
....
انا ليا اصدقاء كتيييير مسيحين وابحبهم واحترمهم واقدرهم وانت واحد منهم
من اللي شفناه على مدار الايام الماضية
انا باقولك بقناعة .... ولو انت عندك اعتراض ياريت توضحه
انا لا انكر ان المسلمين اخطأو بلجوئهم لمحاولة حل الامر عرفيا وان كانو فعلوا ذلك بدون نية اعتداء
لكن تعالى للجانب الآخر
هل وجود اسلحة لدي الكنيسة شيء مقبول .... سواء في الكنيسة او في المباني التابعة لها او في بورسعيد زي ما سمعت في الفيديوهات ؟؟؟؟؟
هل اختطاف الكنيسة لمواطنين شيء مقبول ..... سواء كانو مسيحيين او مسلمين ؟؟؟؟
يعني حضرتك تقبل ان الكنيسة تختطفك وتحبسك فيها لأي سبب من الاسباب ؟؟؟؟ هل هذه هي تعليمات المسيح عليه السلام ..... الذي بعثه الله رحمة منه .... هل هذه هي روح التسامح التي نادى به سيدنا عيسى عليه الصلاة والسلام ؟؟؟؟
هل لما رأس الكنيسة يرفض تطبيق القانون على الكنيسة ده صح ؟؟؟
ولو رفض انه ينصاع للقانون ..... المفروض انا اعمل ايه كمسلم ...... آخد حقي بدراعي وتبقى غابة
هل يصح ان ينادي بعض المسيحين بتدخل اجنبي في مصر لحمايتهم ؟؟؟؟
ردا على سؤالك بوضوح انا عن نفسي لن اتمسك بمسلم تخلى عن دينه ...... يروح مطرح ماهو عاوز .... ح اكون حزين عليه ....لكن مش ح اخطفه عشان يرجع عن قراره
....
من شاء فليؤمن ومن شاء فليكفر ... زي اللآية دي ما بتقول ...... والحساب عند الله مش عند البشر

وَقُلِ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءَتْ مُرْتَفَقًا

للأسف يا مينا .... وانا باقول للاسف
مع تقديري لجميع زملائي واصدقائي المسيحين
العديد من القيادات المسيحية ........ القيادات وليس المسيحين عامة
العديد منهم ليس على قدر المسئولية التي استئمنهم رعاياهم عليها
ليسو حريصين على امن المسيحين في مصر .... ليسو حريصين على وحدة البلد
احنا كان عندنا شجاعة وكثير من المسلمين نادو بتغيير قيادات الازهر بعد الثورة
ياريت تعملو نفس الشيء ....
واضح جدا للعيان مدى العلاقة التي كانت ومازالت تربط هذه القيادات بالقيادات السابقة في مصر .... مبارك واعوانه
لا تنظر للامور بالعاطفة الدينية فقط ..... انظر للاحداث ... واحكم بعقلك مش بعاطفتك ... ح تشوف حاجات مختلفة

المشاركة الأصلية كتبت بواسطة maged

مرحبا اخى العزيز انا معاك فى بعض ما قلته ولست معك فى البعض الاخر وهو الاتى
1- لايوجد اى اسلحة فى اى كنيسة او مبنى تابع لها ومن حق النيابة تفتش جميع الكنائس ولاديرة والمبانى التابعة لها وموافقون على تطبيق القانون اذا ظهر خلاف ذلك اما بعض المسيحيين العاديين وعيدا عن الكنائس زى باقى المواطنين المصريين لديهم اسلحة مرخصه ومعظم الشعب المصرى اشترى اسلحة بعد الثورة لمواجهة الانفلات الامنى وهذا ليس له علاقه بالكنيسة لاننا نؤمن بأن الله هو الذى يحمى وليس البشر او السلاح

شهادات الشهود كلها بتؤكد ان اطلاق النار بدْ من الابنية المجاورة للكنيسة والتابعة لها
وشحنات الاسلحة بتاعة بورسعيد اللي كانت جاية من اسرائيل باسم ابن مطران بورسعيد ده بيؤكد الكلام ده ....
اما موضوع تفتيش الكنائس والمنشآت التابعة لها .... كما يحدث في المساجد فده اللي لازم يحصل .... فهل ستسمح الكنيسة بذلك ؟؟؟؟؟
اذا لم يحدث هذا .... بمنتهى الصراحة ...... سأسعى جاهدا - وده مش صعب - ان يكون لدي في بيتي سلاح آلي ..... طالما الكنيسة تصر على التسلح ... وده من حقي ... انا مش ح اقعد اتفرج ... لازم انا كمان احمي نفسي في ظل وجود سلاح في الكنائس التي هي دور عبادة وليست ترسانات اسلحة
انت متخيل لو سلاح واحد ظبطته الدولة في مسجد ايه اللي ح يحصل ..... عشرات من رواد المسجد لن يروا اهلم ثانية لمجرد انهم من رواد المسجد فقط ..... لكن لما ضبطو سفينة اسلحة باسم ابن مطران بورسعيد افرجو عنه بضمان ..... هل هذا عدل ؟؟؟؟؟


2- عبير ذكرت ان اللى خطفها اهلها وناسها ودول ناس صعايدة وبنتهم قاعدة عند واحد مش جوزها وزواجها الاول ما زال قائما انت لو مكانهم وصعيدى قفل تعمل ايه

بقالها شهور تتنقل من دير الى دير ومن كنيسة الى كنيسة دون ارادتها ..... هل دي حرية ؟؟؟؟
اهلهل يمنعوها من ان تعيش عند ناس تانية ده موضوعهم ..... ايه دخل الكنيسة في الموضوع ؟؟؟؟؟
احنا بنقول ان المسلمين اخطأوا عندما لم يلجأوا للقانون ولجأوا لبعض الشيوخ لحل المشكلة وديا .... يبقى الكنيسة تخطف واحدة بتاع ايه ؟؟؟؟؟ من امتى دور العبادة بيخطفوا ناس ..... كدة انت نفسك ما تضمنش ممكن تختلف معاهم في اي شيء يخطفوك ....
لو اي جامع خطف اي بني آدم انا لن اسكت عليه ..... دور العبادة لا يمكن تتحول لموساد او جوستابو ....
اعتقد ان ده موضوع مافيهوش فصال ..... مسلم او مسيحي او يهودي ..... ازاي تتحول دور العبادة لخطف الناس ..... انت موافق على كدة ؟؟؟؟؟؟؟ ترضي ان اي جهة تخطفك عشان رأيك مش على كيفهم ؟؟؟؟؟؟


3- الكنيسة رفضت تطبيق حكم المحكمة لان الحكم يلزم الكنيسة بأن تسمح لشخص بالزواج مرة اخرة رغم ان زواجه مازال قائم مما يعنى انه سيصبح متزوج من زوجتين وطبعا الشريعة المسيحية لا تسمح بتعدد الزوجات وسوف اعطى حضرتك مثال لو كانت مصر دوله عدد المسيحيين فيها اغلبية هل يجوز ان يصدر حكم يلزم المسلمين بعدم الزواج سوى زوجه واحدة فقط رغم ان شريعتهم تسمح بذلك طبعا انت كمسلم لا تقبل ذلك لان الزواج والطلاق امر دينى بحت واللى مش عاجبه احكام دينه يشوفله طائفه اخرى او دين تانى صح ولا غلط

يا استاذي راس الكنيسة على شاشات التلفزيون لما سألوه عن السيدة اللي اسلمت والكنيسة اختطفتها وقالو بنعملها غسيل مخ من غسيل المخ اللي اتعمللها ...... قال وانتو مالكم
ليه الناس دي مش بيحضروا امام النيابة والقضاء ...... لو ده كان حصل من اول الامر كان الموضوع انتهى
لكن لما تلاقي غموض وعدم وضوح .... اكيد الدنيا ح تولع
وبعدين واحد يجيب صورة .... وبعدين تسجيل ... وبعدين تطلع على قناه مسيحية ..... ده استخفاف بعقول الناس ...... ليه مايبقاش الامر قاطع ..... تطلع في النيابة ومؤتمر صحفي تقول هيا عاوزة ايه وتروح والموضوع يخلص

3 - فعلا نادى البعض بالحمايه الاجنبيه وده قمة الخطأ لان زى ما قلت الحامى ربنا لكن هم وجهة نظرهم ضغط الدول الاجنبية على الحكومة المصرية لمحاكمة المسئول عن التطرف وليس تركه وسأنه كما حدث فى كنيسة صول مع مراعاة ان دى تانى كنيسة تتحرق بسبب التراخى فى حل المشكله طبعا انا لا ابرر قيامهم بما فعلوه لكن صدقنى دول عقولهم ذهبت بهم الى ذلك العمل لكن باقى المسيحيين يريدون ان تحل المشكله بأيدى المصريين جميعا دون اى تدخل الذى سوف يضر المسيحيين قبل المسلمين
مسلم ومسيحى ايد ولحدة

مصر ستظل في امن الله ورعايته لأنها مهد الاديان وكنانة الله في ارضه
والله الذي نصرنا على التتار وعلى اليهود وعلى حسني مبارك .... ان شاء الله ح يحفظ مصر من كل الفتن
لكن لازم نتعلم من اللي حصل واللي بيحصل
يا عزيزي دي مش اول مرة لا آخر مرة ناس ح يدخلوا الاسلام .... الموضوع ده موضوع يومي ومتكرر في مشيخة الازهر ... اذا كان الاعلام لا يتداول ذلك فده مراعاة لمشار المسيحيين ولعدم اثارة اي فتن .... لكنه موجود رسميا وموثق ..... مش معقول كل ما يحصل حاجة زي دي القيامة تقوم ..... لازم يبقى فيه آلية قانونية لهذا الامر