الموضوع: ارجو المساعدة ضرورى جدا جدا فى لانسر شارك

المشاركة الأصلية كتبت بواسطة basemsaeed

و عليكم السلام و رحمة الله و بركاته

الشكرلله
انا الصراحة معرفش ايه الفرق بين الخليجي و الوكيل في فئة المانيوال
بس لما روحت المعرض,,كانت المانيوال الوكيل بواحد ايرباج بس
فممكن تكون عربية حضرتك خليجي
لا بش حكاية يفرق,,انا لما سألت حضرتك وكيل ولا خليجي,,عشان اعرف بس حضرتك لو وكيل تطلع على التوكيل علطول ,عشان لو فيه مشكلة في الكنترول او اي حاجة لا قدر الله,,هما يغيروها على حسابهم ضمن الضمان
اما الخليجي فملوش ضمان

حضرتك لو تعرف كهربائي كويس و فاهم,,ممكن تروحله ,,بس المهم يكون بيفهم كويس اوي
انما لو متعرفش يبقى روح التوكيل احسن و اضمن و ياريت تروح اللي في قليوب عند المهندس طارق زويل
و ان شاء الله تكون حاجة بسيطة

اشكرك جدا فعلا روحت لكهربائى نظفلى كام حاجة و بقت تمام

المشاركة الأصلية كتبت بواسطة kholio

يا باشا الكلام ده بالضبط حصل معايا عربيتك عايزة تغيير فلتر الهواء وتنظيف دورة الانجكشن والبوابة وهترجع زي الفل ومبتشتغلش بسرعة علشان فلتر الهواء جاب اخره

فعلا نظف الفلتر و الانجكشن و بقت تمام الحمد لله شكر للنصيحة
[quote=m_h;3873487799]بس يا فندم روح اكشف عليها في التوكيل ولو عجبك الكلام هناك توكل علي الله
انا حاسس ان المشكله هتطلع شياء بسيط ان شاء الله[/
quote]
فعلا الموضوع الحمدلله طلع بسيط

المشاركة الأصلية كتبت بواسطة m_marwan

تمام كده يا kholio

فلتر الهوا فى الشارك حساس جدا وأكيد حضرتك فكيته وركبته تانى غلط أو عاوز يتغير زى ما عملت أنا قبل كده

والموضوع ده بيخلى لمبه التشيك تنور والعربيه ما تسحبش

سيبك من موضوع الكنترول يونت ده باابنى دى عربيه يابانى 100 % ومحترمه

حضرتك تروح تنظف بوابه injection وتكشف على فلتر الهوا وتفصل كابل

البطاريه وتحطوا تانى عشان لمبه التشيك

العمليه كلفتنى 35 جنيه مصنعيه

و70 جنيه أسبراى تنضيف مصنوع فى أمريكا وأخدتوا معايا وأنا مروح

الحمد لله الكهربائى عمل كل ده و بقت تمام شكرا جددا للنصيحة

المشاركة الأصلية كتبت بواسطة drzezo0o

دي البوابه عايزه تتنضف او تتغير وديه سعرها 1500

شكرا للنصيحة

السلام عليكم ,كل الشكر للاخوه الاعزاء لاهتمامهم وانا كنت عايز استفسر عن مشكله شبه هذه المشكله انا معايا بومه 2009 اتوماتيك وكانت كل فتره تظهر لمبه الاعطال وسحب العربيه يقل جدا مع صوت كركبه زي ما اكون راكب موتوسيكل وكنت كل ما ابطل العربيه واشغل الامور تمشي كويس لفتره محدوده , لما كشفت علي العربيه بالجهاز عند الميكانيكي كان مكتوب ignition coil cylinder 1<4 بس الميكانيكي كان بيقول ده عيب كنترول . كشفت علي الكنترول عند واحد اسمه الهامي في الحرفيين وقلي مفيهوش حاجه ؟لما روحت ل ميكانيكي اخر غيرلي حساس الكرنك , ومن بعدها والعربيه فيها المشكله دي بصفه دائمه ولمبه الاعطال ساعا تنور وساعات لا, ارجو الافاده جزاكم الله كل خير