ملحوظة قد ترقى لدرجة المشكلة فى كاوتش بريدجستون My-01

**Hossam_Hassan** · 20-04-2008 04:08 PM

من حوالى اسبوعين ركبت 4 فرد بريدجستون My-01 اندونيسى مقاس 14*60*185، المهم الكاوتش ده بجد محترم جدا، هادئ و بيفرق قوى فى ثبات العربية التحكم، بس فى ملحوظة لازم انبه ليها.

النقشة الرياضية بتاعة الكاوتش بتلقط الحصى الكبير نوعا ما و ده بيسبب صوت تكتكة بسيطة خصوصا لو ماشى جنب سور او رصيف عالى الصوت بيوضح، انا عارف ان كل الكاوتش بيلقط حصى، بس كل ما الحصوة كبرت، كل ما صوتها وضح و كمان ما بيقعش بسهولة، يعنى عادى قوى ان الحصوة تفضل تتكتك من المقطم للمطار، انا عارف ان ناس كتير مش هتفرق معاهم الحكاية دى مقابل كفائة الكاوتش اللى اشهدلها، بس بعض الناس - وانا منهم - بيجيلهم هسهس من اى صوت فى العربية و يمكن كمان اى صوت فى عربية تانية لغاية ما يتأكد انه مش من عربيته، عن نفسى ممكن اربط الكراسى كل ما اربط العفشة علشان الهسهس. :d

**مدحت منيب** · 20-04-2008 05:31 PM

الف مبروك ع الكاوتش الجديد استاذ حسام حسن ربنا يبارك فيه

جيت استاذ فى اختيار نوع و طراز الكاوتش ن كما فى اشياء كثيره

تحياتى و دمت بود

**ابو سيف** · 20-04-2008 05:35 PM

لا عادي متفرق ازاااااااااااااااااي

انا هتجنن في عربيتي بردو البريلي نفس الحكايه كدة

و بقلـــــــق جدااااااااا و بكون متنرفز جدا بالذات لما بكون ماشي جمب سور و لا حاجة

و ببهدل العفشه بتاعتي بجد في سبيل ان الحصى تنزل بحاول اخد كل المطبات و امشي بسرعه و ادوس فرامل مرة واحدة :d:d:d:d:d:d:d

اساسا انا كنت هكتب الموضوع دة عشان اشوف لو حد عنده حل الشوارع عندنا هنا مليانه و كل ما امشي يحصل كدة

**Karim_Monir** · 20-04-2008 05:38 PM

الحصى والنقشة !!!!
انا غيرت الكاوتش التويو الاصلي عشان بيلم الحصى قبل ما امشي 3 الالاف كم
وجبت 15 البيردجيستون وكان اهم شرط انه سوبر سايلانت
وفعلا ده حقيقي مش بيلم الحصى نهائي

**Karim_Monir** · 21-04-2008 11:56 PM

المشاركة الأصلية كتبت بواسطة ابو سيف

غيرته عشان بيلم الحصى

طيب الحمد لله
انا كنت فاكر نفسي مريض نفسي و لا حاجة و كنت متردد اعمل موضوع اسأل فيه عن حل للموضوع دة

خير خير

بصراحة انا غيرتة عشان حاجتين الحصى وده كان ممكن استحملة شوية بس مش قوي لاني موسوس جدا في الاصوات وبيجيلي هسس وبنزل اكشف على العربية بسماعة الدكتور:p:p
لكن تاني حاجة ان التويل المعفن منزل العربية دي كلها بكاوتش 14 والارتفاع 70 فطبعا كان معوم العربية خاصة في الملفات والغرز
عشان كدة نزلت جيبت ال 15على 60 عرض 195 وطبعا ظبط العربية جدا
خاصة مع الجنط الاسبور ال 15 وبصراحة كانت خبطة وجعت جيبي كام شهر:(
وكمان اشترطت سوبر سايلانت قاللي موجود ولو لم حصى تعالى غيرة وفعلا معاه حق
اللي فهمتة كمان من المهندس بتاع بريدجستون ان الكاوتش اليابني هو اللي تصميماتة حديثة واول ما النقشة تقدم شوية ويبتكروا احدث منها بيبعتو التصنيع للدول التانية زي اندونيسيا وتايلاند وكدة
عشان كدة جزء من تمن الفردة اللي هو 520 جنية للمقاس بتاعي جزء كبير للنقشة والتصنيع الياباني
---------
وليد باشا انا اركبلك ميشلان على حسابي يا باشا ومايهمكش وفوسة وصلت من اسبوع كمان
-----
محمد خلف ما تستخسرش في الكاوتش وبعدين ده ما بيتغيرش على 30 ده بيتغير على 60 حد ادني او 80 زي ما توكيل الكاوتش نفسة قاللي وقاللي اقل من كدة انت بترمي فلوسك في الارض
واهم حاجة تتابع ترحيل الكاوتش وتبديل مكانة كل من 8 الى 10 الالاف كم

**Hossam_Hassan** · 20-04-2008 10:35 PM

المشاركة الأصلية كتبت بواسطة Youssef_Mostafa

الف مبرووك استاذ حسام
بس ممكن اعرف الاسعار

الله يبارك فيك، الفردة كانت ب 363 جنيه

**modux** · 20-04-2008 07:12 PM

اولا الف مبرووك علي الكاوتش

انتم عارفين انا لما بسمع صوت الحصي ده في الكاوتش بتاعي ( كيلي فليبيني نقشه سرعات )
بقف علي جمب و اشيلو بمفتاح عشان صوتو بينزفز

**Ahmad Allawy** · 20-04-2008 09:14 PM

علي فكرة كلنا كده..
هتلاقي اللي مش بياخد باله اللي بيقفل قزاز العربية علي طول..
او بيشغل الكاسيت عالي..
او مش بيبقي مركز مع اي حاجة خارج العربية غير مع الدركسيون و الطريق قدامه و بس..

-

الموضوع: ملحوظة قد ترقى لدرجة المشكلة فى كاوتش بريدجستون My-01

LinkBack

أدوات الموضوع

عرض

العرض المتطور

ملحوظة قد ترقى لدرجة المشكلة فى كاوتش بريدجستون My-01 - انشر الموضوع فى :

-

-

-

-

المواضيع المتشابهه

تقرير عن كاوتش بريدجستون تورانزا gr90

طلب تسعير طقم كاوتش بريدجستون 14/185/60

محتار اجيب كاوتش ايه بريدجستون و لا جى تى و لا تويو

لأصحاب السيارات التي بها كاوتش بريدجستون

تصدقوا مصر كلها مفيهاش غير 14 كاوتش بريدجستون

الكلمات الدلالية لهذا الموضوع

المفضلات

المفضلات

ضوابط المشاركة