ملحوظة قد ترقى لدرجة المشكلة فى كاوتش بريدجستون My-01

**abdelaziz-waleed** · 21-04-2008 12:33 AM

اه حضرتك جيت في موضوع مهم جدا يا استاذ حسام.
انا داخل على تغيير الكاوتش ان شاء الله قريب

.

الصوت ده اكتر صوت مستفذ في العربية زي ما يكون واحد ماسك زلطيت وعمال يخبطهم في بعض في ودنك بسرعة شديدة.
انا عندي الميشلان

Energy مابيلمش كتير بس هي حصوة واحدة كفاية تخليك تكره نفسك.

انا فعلا فكرت اجيب ال Bridgestone Super silent بعد ما شكر فيه كريم ونصحني بيه بس لو طلع مش كويس هاخلي كريم يجيبلي ميشلان على حسابه

**CryptonX** · 21-04-2008 12:52 AM

انا اول مبسمع اصوات احس انها حتغرمني حاجة !!
شغل الكاسيت .. اقفل الزجاج و شغل التكييف و بعيش كاني راكب لانش في البحر و مش هاممني حاجة :)

**yaskhl** · 21-04-2008 01:18 AM

على فكرة كل الكاوتش اليومين دول بيعمل كده انا مركب Gt ونفس الحكاية وسألت كتير لاقيت ان المعطم بيعانى. أحسن حل بمفك رفيع وتنظف الكاوتش من الزلط كل فترة. زى ماعمل الراجل بتاع الكاوتش لما روحت له وبلاش حكاية تشيل الزلط بالمفتاح علشان مفتاح العربية بتاعتى اتكسر بسبب الحكاية دى مع الشكر.

**eng_mkhalaf** · 21-04-2008 10:13 AM

الواحد تاة يا جماعة أمال نجيب أية
البريدج الستون اليابانى غالى قووووى معدى 550 جنية وصعب أجيبة لأنى بغير كل سنتين الكاوتش وبكون عامل بالكتير قووووى 30 إلف كيلو فمش محتاج كاوتش يعمر كتير قوى زية
الصراحة أنا كنت ناوى على كاوتش زى بتاع حسام بس كدة أنا ترددت خالص

**NaderNabil** · 21-04-2008 11:34 AM

ياجماعة الكاوتش تحفة بكل المقايييس.......تماسك علي الأرض رهيييب
و ناعم و صوته مخفي علي السرعات.....و نقشته جميلة كمان...

من الاخر Good Value for Money

**ahmedfra** · 21-04-2008 09:09 PM

على فكرة يا حسام انا عندى نفس المشكلة فى الكومهو و ارفانى اخر ارف و كل شوية اجيب مفتاح و اقعد اشيلة بس بيتملى تانى . لدرجة انى عاوز ارصص خايف الزلط دا كله يفرق فى الترصيص و لما يقع الدريكسيون يغربل ؟؟؟؟؟؟؟؟؟؟؟؟؟؟؟

**Karim_Monir** · 21-04-2008 11:56 PM

المشاركة الأصلية كتبت بواسطة ابو سيف

غيرته عشان بيلم الحصى

طيب الحمد لله
انا كنت فاكر نفسي مريض نفسي و لا حاجة و كنت متردد اعمل موضوع اسأل فيه عن حل للموضوع دة

خير خير

بصراحة انا غيرتة عشان حاجتين الحصى وده كان ممكن استحملة شوية بس مش قوي لاني موسوس جدا في الاصوات وبيجيلي هسس وبنزل اكشف على العربية بسماعة الدكتور:p:p
لكن تاني حاجة ان التويل المعفن منزل العربية دي كلها بكاوتش 14 والارتفاع 70 فطبعا كان معوم العربية خاصة في الملفات والغرز
عشان كدة نزلت جيبت ال 15على 60 عرض 195 وطبعا ظبط العربية جدا
خاصة مع الجنط الاسبور ال 15 وبصراحة كانت خبطة وجعت جيبي كام شهر:(
وكمان اشترطت سوبر سايلانت قاللي موجود ولو لم حصى تعالى غيرة وفعلا معاه حق
اللي فهمتة كمان من المهندس بتاع بريدجستون ان الكاوتش اليابني هو اللي تصميماتة حديثة واول ما النقشة تقدم شوية ويبتكروا احدث منها بيبعتو التصنيع للدول التانية زي اندونيسيا وتايلاند وكدة
عشان كدة جزء من تمن الفردة اللي هو 520 جنية للمقاس بتاعي جزء كبير للنقشة والتصنيع الياباني
---------
وليد باشا انا اركبلك ميشلان على حسابي يا باشا ومايهمكش وفوسة وصلت من اسبوع كمان
-----
محمد خلف ما تستخسرش في الكاوتش وبعدين ده ما بيتغيرش على 30 ده بيتغير على 60 حد ادني او 80 زي ما توكيل الكاوتش نفسة قاللي وقاللي اقل من كدة انت بترمي فلوسك في الارض
واهم حاجة تتابع ترحيل الكاوتش وتبديل مكانة كل من 8 الى 10 الالاف كم

**ahmedezzat78** · 22-04-2008 03:06 AM

هيه تدايق شويه يس لا ترقى لدرجة مشكلة:p

اغلب الاشكال من كل ماركات الكاوتش بتعمل كده اول 10 الاف كم

السؤال: هل فيه Silent من باقى الماركات زى الكومهو مثلا؟

-

-

الموضوع: ملحوظة قد ترقى لدرجة المشكلة فى كاوتش بريدجستون My-01

LinkBack

أدوات الموضوع

عرض

-

-

-

-

-

المواضيع المتشابهه

تقرير عن كاوتش بريدجستون تورانزا gr90

طلب تسعير طقم كاوتش بريدجستون 14/185/60

محتار اجيب كاوتش ايه بريدجستون و لا جى تى و لا تويو

لأصحاب السيارات التي بها كاوتش بريدجستون

تصدقوا مصر كلها مفيهاش غير 14 كاوتش بريدجستون

الكلمات الدلالية لهذا الموضوع

المفضلات

المفضلات

ضوابط المشاركة