الموضوع: معايا ساجا أوتوماتيك

المشاركة الأصلية كتبت بواسطة Mohtofy

ألف مليون مبروووووك ربنا يديك خيرها ويكفيك شرها ... على فكرة دى طبق الأصل من عربيتى بس أنا عربيتى أحمر مانيوال

الله يبارك فيك. ربنا بياركلك في عربيتك

المشاركة الأصلية كتبت بواسطة elmkaneeki

يا فندم دوس ولا يهمك
دة انا علقت نمر بعد لما عملت بالعربية 1100 كيلو
دوس يا فندم

حظك حلو بس لا قدر الله لو حد كان غلس عليك كانت هتبقى مشكلة ملهاش لزمة

المشاركة الأصلية كتبت بواسطة hossam_bonie1

الف مبروك ياباشا وربنا يكفيك شرها ويديك خيرها
الاعضاء اللي بيشتروها ويشكروا فيها بيشجعني كتير اني اشتريها
مبروك ليك

الصراحة عربية محترمة آخر حاجة و تحب تفضل راكب فيها. أنا لما بوصل بقول هو المشوار خلص بسرعة كده ليه. النهاردة ركبت معايا قريبتي عندها أوبترا أوتوماتيك و انبهرت بيها جدا جدا و أكتر حاجة علقت عليها السحب الشديد.

المشاركة الأصلية كتبت بواسطة أبومريم

يا أخي حرام عليك ممكن يقع في أيد ظابط مرور رخم و تبقى بهدلة
التوكيل بيبقى مديله جواب بتاع الاستلام و دا بيسمحله انه يمشي بالعربية بالجواب دا لمدة يوم واحد بس لو الجواب مفيهوش تاريخ الاستلام ممكن يمشي بالعربية وربنا يستر

فعلا ربنا يستر. و أنا هتجنن و أمشي بيها و أسافر و العب شوية لكن على رأي المثل: من خاف سلم

الحمد لله رخصت العربية أول امبارح في مرور الحدائق و اتكلف حوالي 1350 جنيه ترخيص 3 سنوات.

بعد كده رحت طالع على جينز كار حجزت فرش جلد للكراسي و الشنطة هيتكلف 1100 جنيه بعد الخصم و اشتريت طارة للدريكسيون ب50 جنيه و كنت هشتري استيكر نايل موتورز بس نسيت. إن شاء الله هروح النهاردة أركب الفرش و أشتري الاستيكر.
بعد كده رحت جبت طقم دواسات من سبير كار ب75 جنيه (مش عارف ليه مستريحتش لسبير كار... يمكن لأني رحتلهم بعد ما تعاملت مع الأستاذ أحمد المحترم في جينز كار؟؟؟ الصراحة معاملته ممتازة لأقصى درجة ) الصور إن شاء الله بعد ما أركب الفرش.

نسيت أقول حاجة و كنت هضيفها في المشاركة اللي لسة كاتبها بس كان فات 10 دقائق و معرفتش أعدلها.
بالنسبة لاستهلاك البنزين، هي عملت حوالي 9.5 كيلو للتر في أول تفويلة مع العلم أنا سواقتي هادئة بس مش طول الوقت. يارب يتحسن بعد كده أصل أنا عربيتي القديمة كانت عاملة رجيم و كانت بتعمل من 16 إلى 20 كيلو في اللتر حسب الطريق.

المشاركة الأصلية كتبت بواسطة amazingahmed

الله يكرمك يا أستاذ محمد. أنت أحد الناس اللي خلوني أختار الساجا.
سؤال: هو فعلا العفشة بتاعت الساجا هي نفس العفشة بتاعة اللانسر الكريستالة؟ أنا أكيد هتعود على العفشة مع الوقت و هي مش مضايقاني أوى بس أعتقد أن ده بسبب أن الكوري عفشته ناعمة و أنا اتعودت عليه. أنا بس ببقى خايف زيادة على العربية ليحصلها حاجة من المطبات اللي مالية الشوارع.
ربنا يستر في حكاية استهلاك البنزين و أنا أساسا سواقتي مبقيتش سريعة زي أيام الشقاوة لكن ده مايمنعش أني مستني أول 1000 بفارغ الصبر علشان أجرب الكيك داون.:b4_048:

متشكر على مساعدتك و أنا قبل نا أروح أستلمها فكرت فيك بس الوقت كان اتأخر و محبيتش أزعجك فتوكلت على الله و قلت آخد العيلة علشان هما كمان يفرحوا بيها و جربت كل حاجة معاهم.

اولا: بلاش استاذ احنا هنا كلنا اخوات ومافيش القاب بين الاخوه
ثانيا: يارب اكون سبب كويس لاختيارك العربيه ديه
ثالثا: حقيقي انا مش عارف عفشتها ايه بالظبت بس اللي اعرفه ان عفشتها ونظام التعليق بتاعها تصميم لوتس واكيد انت تعرف لوتس كويس
رابعا وده الاهم في اي وقت تعوز فيه اي حاجه بخصوص العربيه اوي اي حاجه تانيه تكلمني علي طول وانا تحت امرك في اي استفسار او اي سؤال وافتكر ان احنا اخوات ومافيش اي حاجه تمنع الاخوات من كلامهم مع بعض واقسم بالله لو كلمتني واحتجتني اروح استلم معاك العربيه ماكنتش هتاخر عليك بال بالعكس انا زعلان انك ماكلمتنيش عشان ده ولي عندك حق عرب
ماتقلقش من موضوع البنزين اينعم انت راكب عربيه 1300 بس مش هاتحش انها 1300 خالص هتحس انك راكب عربيه 1600 في القوه والاداء وبردو استهلاك البنزين
اما بقي بعد ما تعدي ال1000 اعمل بيها ما بدالك وامشي زي مانت عايز
انا بامشي بيها لغايه 160 ولا بحس وافتكرت دلوقتي كلمه قالهالي زميل لينا هنا في المنتدي قبل ما اشتري العربيه علي الثبات بتاعها قالي هتحس انك راكب فيل بس عايز اضيف عليها بقي اني فعلا راكب فيل برشاقه غراله
ربنا يباركلك فيها واسف علي الاطاله و التاخير في الرد عليك

يالله توكل على الله واعمل الفرش عشان حضرتك تبقى 4 ساجا من نايل موتورز عند جينز كار :d :d
احنا بسم الله ماشاء الله واحد عملوا احمر والتاني ازرق وانا بيج منتظرين لون حضرتك بقى :d

المشاركة الأصلية كتبت بواسطة mememsaid

اولا: بلاش استاذ احنا هنا كلنا اخوات ومافيش القاب بين الاخوه

ماشي كلامك يا محمد

ثانيا: يارب اكون سبب كويس لاختيارك العربيه ديه

ربنا يباركلك

ثالثا: حقيقي انا مش عارف عفشتها ايه بالظبت بس اللي اعرفه ان عفشتها ونظام التعليق بتاعها تصميم لوتس واكيد انت تعرف لوتس كويس

مكنتش بلعب غير بيها في نيد فور سبيد القديمة

رابعا وده الاهم في اي وقت تعوز فيه اي حاجه بخصوص العربيه اوي اي حاجه تانيه تكلمني علي طول وانا تحت امرك في اي استفسار او اي سؤال وافتكر ان احنا اخوات ومافيش اي حاجه تمنع الاخوات من كلامهم مع بعض واقسم بالله لو كلمتني واحتجتني اروح استلم معاك العربيه ماكنتش هتاخر عليك بال بالعكس انا زعلان انك ماكلمتنيش عشان ده ولي عندك حق عرب

لأ لأ لأ .... كله إلا الزعل. أنا مقدرش أزعل حد مني و حقك عليا.

ماتقلقش من موضوع البنزين اينعم انت راكب عربيه 1300 بس مش هاتحش انها 1300 خالص هتحس انك راكب عربيه 1600 في القوه والاداء وبردو استهلاك البنزين

بدون أي مبالغة: عندك حق. و الحمد لله عملت 9.5 كيلو للتر و زي ما قريت إن شاء الله يتحسن الاستهلاك

اما بقي بعد ما تعدي ال1000 اعمل بيها ما بدالك وامشي زي مانت عايز
انا بامشي بيها لغايه 160 ولا بحس وافتكرت دلوقتي كلمه قالهالي زميل لينا هنا في المنتدي قبل ما اشتري العربيه علي الثبات بتاعها قالي هتحس انك راكب فيل بس عايز اضيف عليها بقي اني فعلا راكب فيل برشاقه غراله
ربنا يباركلك فيها واسف علي الاطاله و التاخير في الرد عليك

مفيش داعي للأسف... إحنا اخوات

مبروووك الترخيص يا افندم ومستنين صور وتقرير الفرش