كل ده تمام و معظمها حلول حلوه لتغيير المود
... طب اللى عايز ينسى حاجه و الحاجه دى لازم تتنسى و فى نفس الوقت مش عارف اعمل ايه؟
عرض للطباعة
كل ده تمام و معظمها حلول حلوه لتغيير المود
... طب اللى عايز ينسى حاجه و الحاجه دى لازم تتنسى و فى نفس الوقت مش عارف اعمل ايه؟
معاك حق والله قعدت البحر جميلة جدا و التأمل فيه سبحان الله على قدرته بيشعرنى إنى شئ صغنن جدا جنبه لدرجة تنسى الواحد مشاكله
و كمان هوا البحر فيه شئ غريب فعلا بيروق المزاج و يهدى الأعصاب ...
بس بخاف واترعب من البحر بالليل هو حلو بالنهار بس .. إلا إذا كان بالليل فى أضواء كتير معكوسة على وش الميه بتكون مبهرة :16:
اكيد معاك حق و الأحلى إن الواحد يحاول يسعد غيره من المحتاجين .. فرحتهم و تخفيف الألم عنهم يسعد أى أنسان عنده رحمة
الجرى حقيقى بيفجر الطاقات و يهدى ... أنا فعلا نفسى أجرى بس الموضوع عايز مكان مخصص لكن المشى الرياضى متاح أكتر
أما حكاية الفجر دى عظيمة جدا زمان وأنا صغيرة كنت أحب أصحى الفكر و أفتح الشباك و أقعد أشم هوا الفجر المندى
لما جابلى جيوب أنفية ههههههه الحمد لله خفيت منها و مش عايزة ترجع لى تانى ههههههه :b4_611:
شوية طرق ممتازة:
1- تتوضأ وتصلي ركعتين
2- تمسك سبحة وتستغفر وتصلي على النبي (عليه الصلاة والسلام)
3- تنزل تخرج وتتمشى في مكان فيه ناس كتير (مول مثلا أو محلات)
السلام عليكم،
بسمع قرأن وبروح السينما اتفرج على أي فيلم يكون جامد وبيطلعني من المود، واتفرج على المحلات أو أكل في مكان لذيذ.
بروح دار الايتام اللعب مع العيال شوية
اللى عايز ينسى الزمن كفيل بس حسب قوة الحاجة هتاخد وقت
اقفل تليفوناتى واخد عربيتى واسافر اقعد عند قبر والدى الله يرحمه واتكلم معاه وارجع وماعديش على حد من قرايبنا كمان
الاقى نفسى وانا راجع عاوز اوصل بسرعه لانى حاسس ان كل حاجه اتحلت
فى مره رجعت لقيت الدنيا مقلوبه علشان كان فى شغل وكده لقيت واحد من صحابى خدنى على جانب وقالى انت سافرت لوالدك صح ؟
دلوقتى بقا مافيش حد بيحس بحد ولا بيعرف عن اقرب الناس اليه حاجه
خلاصه الموضوع لازم تقعدى مع حد بتحبيه تثقى فيه حتى لو انتى اللى هاتتكلمى وبس
ماليش أنا فى الحرق و القرص دا هههههه
طبيعى إننا نفكر فى الموقف أو المشكلة المحتاجة حل يا محمد لكن بعد الواحد ما يهدئ شوية عشان يفكر صح و يأخد قرار سليم
حلوة جدا الحاجات اللى بتقول عليها يا سيد ... ساعات باتبع نفس الأساليب دى و موضوع الفرجة من الشباك .. فكرنى ببلكونتنا !!
زمان كان قدام بيتنا شبة خرابة كدا و مكان واسع فاضى ... كنت أحب أفرش واقعد فى ركن البلكونة و أكون متدارية فى الصور بتاعها
وأقعد أتأمل فى السما و أشتكى لربنا و أكلم نفسى هههههههههه شغل مجانين :grin54: أو نفس القعدة و أقرا قصة أو كتاب
دلوقتى بقا مافيش حد بيحس بحد ولا بيعرف عن اقرب الناس اليه حاجه [/quote]
لأ لأ متجمعش
انا بعيش مشاكل الآخرين لدرجة المرض بس فى ناس كتييييييييير مبيتمرش فيها
هويات جميلة جدا .. بس دى للخروج من الملل زى ما حضرتك بتقول أنا بحب كتابة الخواطر و التريكو و الرسم :Ka_che1[1]:
لكن ساعة الزعل ما بيكونش فى مزاج و روح لها
و نعم النصايح :monkey1:
يعنى أيه تحتكر كل الغم اللى فى الكون هو الواحد ناقص !!!!!! والا قصد حضرتك تركز عليها أكتر عشان تحلها
ساعة الغضب أبليس بينسى الواحد الذكر للأسف لكنه فعلا بيهدى و يخلى الواحد يفكر بذهن صافى فى حل مشكلته :B4_611:
ما شاء الله فى إجماع على الشيكولاتة :16: خلاص هأشترى شكولاتة كبيرة بالحليب والبندق وأنا مروحة النهاردة هههههه :grin54:
حلوة الحاجات دى كمان وخصوصا الخروجات و تغيير الجو مع الأهل ... و الأصدقاء لو موجودين :Ka_che1[1]:
شكرا على أفكاركم الهايلة ربنا يكرمكم ويرضى عنا و يسعدنا جميعا يا رب
طبعاً مفيش حاجة تتقال بعد الي قالوه كل الزملاء بس انا بعمل حاجة من اثنين
1 - انزل اروح اي مكان علي النيل ويكون ضلمة شوية واقعد امام النيل وافكر في الي مدايقني لحد ما اضع حلول ليه وبعدين ارجع البيت حتي لو كلفني الامر ثلاثة او اربع او خمس ساعات
2 - لو مقدرش انزل من البيت
ادخل غرفة من غرف المنزل لوحدي واضلمها علي الاخر يعني مخليش فيها اي بصيص ضوء واقعد افكر في الي هاممني ومعكر مزاجي لحد ما احله
وطبعاً كل ده بعمله بعد الاستعاذة من الشيطان وذكر الله والصلاة علي حبيبنا رسول الله ( صلي الله عليه وسلم )
بأقرا قرآن (فيه شفاء لما في الصدور)
تصور أخويا الصغنن برضك كان غاوى الموضوع دا هههههههه
شكرا على ذوقك ..و ماشاء الله الناس نصايحها و أفكارها حلوة جدا ربنا يبارك فيهم و الله من كلامهم وأهتمامهم بدأت أشعر بالراحة فعلا
طبعا زى ما حضرتك بتقول لأزم نحل المشكلة أو السبب المسبب للزعل أو على الأقل نجد البديل المناسب :16:
عشان ما نقعدش نلف فى نفس الدايرة كتير و على الفاضى ... :angry06:
لكن لو عارض خارجى و بيزول لوحدة محتاج بس تغير المود و بعد كدا الواحد بيرجع تمام إن شاء الله
:16::16::16:
تصورى يا أزميرالدا الشرا فعلا متعة ههههههههه :16: بس المفروض فى حدود و ما يكونش تعويض لمشاكل تانية عمال على بطال
كدا هتفضل المشاكل من غير حل و تزيد عليها مشكلة الاسراف !!!!!!!! :angry06:
يا هلا برجل البحار .... :grin54:
أوحش حاجة فعلا إن الحزن والاكتئاب يتحول لطبع ... مشكلة كبيرة و حلها زى ما نصحتك نوال :16: ههههههه
برضك الأكل !!!! .... لأ يا عم أنا مش عايزة أبوظ الفتنس بتاعى هههههه :grin54: و الا الواحد يبقى بكرش لألألألألأ
أكل و مزيكا عالية وعربية !!!! كأنى بسمع أخويا الصغير بس هو بيبوظ فى العربية كمان هههههه :oops1:
أروح مسجد بحبه ...أمممممم .. نفسى أروح المسجد الحرام و الحرم النبوى و أحج ... عرضت على أخويا يجى معايا محرم يعنى
قالى أتكفل بمصاريف حجه لأن طالع معايا مخصوص !!!!! مع إنه لسه مقضاش الفريضة !!! حتى فى دى استغلال :untitled 1:
لذلك بفكر أطلع عمرة وأقنعة يطلع معايا و أهى أهون فى المصاريف شوية هههههههه :grin54:
هو علي حسب درجة الخنقة
يعني لو مخنووووووووقه اوي و قفلت في وشي بقعد استغفر ربنا شويه او اصلي علي رسول الله و بعدين اكلم اقرب صديقة ليا و افضفض معها و لو ماعرفتش اكلمها ادخل انام نووووووووووووم عميق و صباح الكوابيس بئي
لو الخنقان الطبيعي اللي بئي عادي في حياتنا تلاقيني طلبت اكل انا بحبه اووووي او نزلت علي السوبر ماركت و اشتريت حاجات حلوه بافتراء و طبعا اغلبها شوكولاته لدرجة اني بعدها بقعد لا يقل عن اسبوع ماقربش من اي حاجه حلوه لان نفسي بتكون جزعت منها و او ادخل اوضتي و اجيب كل مجلدات ميكي اللي عندي و امدد علي السرير و اقعد اقرا فيها :)
تشغل نفسك بحاجة تانية و يا حبذا لو كانت بديل يعنى من نفس نوع الحاجة اللى عايز تنساها عشان ما تحتاجهاش تانى
حلوة أوى :16:
بقعد مع نفسى واشتكى حالى لربنا و هو الكريم الرحيم
الفضفضة والشكوى لله بتريح جدا فعلا بس عايزة واحد مش منفعل و زعلان قوى عشان يتأدب مع الله عز وجل
الأطفال فى السن دى بالذات بيقوا سكر :chirol_boo: أحلى سن لهم قبل العند و الغلاسة ههههههههههه :glasses12:
و كل كلامك زين والله زين .:grin54:. نصايح و أفكار زى الفل... :16: ربنا يعينا و يسر لنا ونعمل كدا
متاااابع جدا
اكل ومصاريف بس طبعا ده مش حل
بتفرج على الأفلام الوثائقية :)
بالنسبة للشيكولاتة
احب اقولكم
ان تاثير الجلاكسي الكبيرة احلي واقوي من الكادبوري الكبيرة "مش بهزر انا بتكلم جد"
الكيت كات والسينكيرز والكلام التاني دا ماينفعش معانا
دي حاجت بتاعت طاقة
احنا عاوزين مهدئات
--------------
شغلي قران لشيخ بصوت عذب وانتي هاتحسي بفرق شديد
بلعب ضغط وسويدي ..اتهد وانام...
لو بتمارس رياضه بانتظام بيبقي صعب انك تتخنق
:16: حضرتك كدا بتجيب من الآخر و تدور على حلول للمشاكل بعد ما تحلل المواقف و توصل لسبب المشكلة
لكن ساعات يبقى فى أسباب للزعل من أطراف أخرى أو مشاكل حلها مش متاح فى الوقت الحاضر أو مش فى أيدينا
عشان كدا بنغيير المود بأى طريقة من أفكار الزملاء الهايلة دى و نسلمها لله وهو قادر على حلها و تفريج همومنا
ونعم بالله
و جزاك الله كل خير يا شيخ خالد
أدعيه جميلة جدا ... زمان كانت مامتى كاتبة الأدعية دى و كمان دعاء الاستعاذة من يوم السوء و جار السوء على ورقة
و حاطة الورقة دى فى المطبخ ، كنا أول ما ندخل نفطر نقرأها و ساعات بالليل كمان لحد ماحفظناها . :grin54:. جزاها الله عنا كل خير
أحنا عايزين نعمل زى الدكتور اللى بيحلق على المرض بكل الأدوية و العلاجات المحتملة والغير محتملة هههههههه :glasses12:
ونحلق على الزعل بكل الوسائل الدينية و الروحية - قرأن و ذكر - و البدنية و الثقافية - رياضة و فسح وأكل وقراءة :16:
الناس المتابعين جدا باهتمام .... إيه رأيكم و إيه أكتر حاجة عجبتكم من الأفكار الهايلة دى :Ka_che1[1]:
أحلى حاجة مجلدات ميكى دى :grin54: - بجد مش بهزر - و ممكن المجلات القديمه جداااااااااا لو محتفظة بيها
و تسرحى بقى فى أيام زمان وأيه الروقان اللى الناس دى كانت فيه ههههه :grin54:
و ممكن ألبوم الصور و ياسلام لو فيها صور مناسبات أو رحلات و يقعد الواحد يتفرج و يفتكر الذكريات الحلوة :16:
كدا ممكن تنتهى بسمنة مفرطة و إفلاس هههههههه :grin54: أختار حاجات تانية من افكار الزملاء الهايلة :16:
:16::16:
احنا كدا حنقعد بقى نجرب الشكولاتات كلها لحد ما نوصل للكيف بتاعنا هههههههه :grin54: و كل واحد و مزاجه بقى !!
ربنا يذهب همومنا بسماع القراءن ويحببه إلينا يا رب
معاك حق .. لكن ساعات بنكسل أو نبقى مشغولين فى حاجات تانية .. بس الواحد لازم يعود نفسة على الرياضة
ولو نص ساعة الصبح زى الأجانب و يبدأ بأسهل التمارين للذراعين و الجذع و المشى فى المكان
أو يمشى عشرة دقايق وهو رايح الشغل الصبح
حتفرق كتير فى التركيز و مواجهة المشاكل واتخاذه للقرارات و التصرف بحكمة ... وفعلا مجربة :16:
بس المداومة مطلوبة
موضوع جميل
و اقتراح .... توضأ و صلى ركعتين .... و اشكى الى الله فى سجودك كل همومك بالحرف الواحد و باللغة العامية كمان !!
و حاول تتذلل الى الله وكن على يقين بان الله وحده القادر على فك الكرب و تفريج الهم
و لا تنسوا الصدقة
" صنائع المعروف تقي مصارع السوء و الصدقة خفيا تطفيء غضب الرب ، و صلة الرحم زيادة في العمر ، و كل معروف صدقة "
الراوي: أم سلمة هند بنت أبي أمية المحدث: الألباني - المصدر: صحيح الجامع - الصفحة أو الرقم: 3796
خلاصة حكم المحدث: صحيح
بصراحة و عن تجربتى الشخصية لما كنت ببقى متضايق و مهموم من حاجه معينه من ايام الكلية كنت بسمع محاضرة الايمات بالقدر للدكتور ياسر برهامى
لا تتخيلوا كم الراحة النفسية بعد ما اسمع الكلام و ... يا ريت اللى عايز يجرب الرابط اهه
الإيمان بالقدر و أثره في السلوك
شكرا على الموضوع الجامد ده انا بسمع عمر خيرت مش ممكن تحفه بسرح معاها او بتفرج على توم و جيرى هههههه و الاخر بشرب كاركريه وانام
ماعرفش والله حتة رابع المستحيلات دي بس الحمد لله اهو موجود بس لو علي كده يبقي الواحد بقي خارق باين عليه انه عمل حاجه من رابع المستحيلات :nemoflow:
:Copy of majd(4): جوزائي حضرتك ولا ايه طيب
واضح طبعا تقلب المزاج اييييييييييييييييييييه حاجه لوووووز بس يبقي الكلام علي حسب المزاج و تشوفي مزاجك في التو و اللحظه عايز ايه و تعمليه علطول
ماهو ساعتها تدوري علي احد البدائل المتاحه زي نزول او صديق يعني خالي الموضوع في شئ من الليونه و المرونه و التأقلم علي الاوضاع لسهولة الخروج من الكأيه و الملل
فعلا الصدقة جميلة جدا يا دكتور أحمد و لا ينزل البلاء مع الصدقة و الدعاء فى السجود شئ عظيم
أنا كمان بحب الكركدية بس إيه لما بكتر منه بيهبط و بيعملى دماغ أنا جدع خالص ههههه :grin54:
تقريبا ساعتها مفيش دم هيروح للمخ عشان تفكر فى المشكلة ههههههه
أما الموسيقى لذيذ عمر خيرت و يا سلام لو عبد الوهاب و أم كلثوم ... و تتسلطن أخر سلطنة هههههه :16:
هههههههههههه لا والله مش مزاجى ولا جوزائى ههههههه
الضلمة حلوة وقت النوم بس عشان الواحد مايقلقش لكن بخاف من الجو المغيم و بأتخنق من البخور و الأدخنة:oops1:
و بعدين ضلمة و بخور ... ناقص أحضر شمهورش بقى ههههه دا بنام أحلم بالعفاريت أقوم أهئ لهم الجو المناسب كمان :angry06:
بص أنا ممكن أتبع الطريق الممتازة دى
الصلى و التسبيح بيهدى و الخروج والمشى كمان بيسهى و يغير الأفكار شوية
بطلع العده ( مفكات و كماشات و مفاتيح )
و افك أى احجه قدامى و انضفها و أركبها تانى
و احاول اصلح أى حاجه بيظه
بحس براحه نفسيه كبيره أوى
بس لو فشلت بضايق أكتر
بفكر فى حاجه متخنقش فى نفس الموضوع الى يخنق
لو فشلت دور على حاجة تانية فكها يا هندسة ههههههههه :grin54: ... أخبار الامتحانات إيه ؟؟ ربنا معاك
أممممممم قصدك بتفكر فى ايجابيات الموضوع بدل من التركيز على السلبيات ... طبعا شئ ممتاز :16:
و يا سلام لو اكتشفت إن الاجابيات اكتر من السلبيات أو إنها مناسبة لك أكتر أو تفتح لك مسار جديد مثلا ..
انا بصراحه بركب المترو من اوله لغايه اخره وبحاول اخرج من المود
-----منقول ----
البكاء لتحسين الحالة النفسية و الصحية
يعلم الجميع أن البكاء من أهم الأمور للتنفيس عن المشاعر و تحسين الحالة النفسية إلا أن ما لا يعلمه البعض هو أن البكاء مفيد أيضا للحالة الصحية للإنسان. و أفادت الأبحاث أن الجسم يفرز موادا سامة قد يتخلص منها عن طريق البكاء ذلك إضافة إلى أن المخ في هذه الحالة-اي البكاء- يفرز موادا كيميائية مسكنة للألم كل ذلك إضافة إلى أن البكاء يعتبر تمرينا جيدا للحجاب الحاجز و للصدر و الكتفين كما أنه مفيد لعضلة القلب لأنه يعمل على زيادة الخفقان ثم بعده يعود القلب إلى خفقانه الطبيعي و تحدث حالة جديدة من الشعور بالراحة.
ومن ناحية أخرى يعتبر كبت البكاء أقصر طريق نحو عدة أمراض غير هينة منها اضطرابات المعدة و الصداع و آلام المفاصل وصولا إلى الأزمات القلبية و لا يختلف في ذلك الرجل و المرأة. أما دموع المرأة التي يعتبرها بعض الرجال زائدة عن اللزوم فهي أيضا لا تعود إلى طبيعتها النفسية فقط بل ترجع إلى أسباب صحية ايضا فهرمون "البرولاكتين" الذي يفرزه جسم المرأة عند الشعور بالتوتر مرتبط ارتباطا وثيقا بالبكاء و كلما زادت حدة توترها إرتفعت نسبة هذا الهرمون في الجسم مما يسبب البكاء لأقل الأسباب.
لأزم تجرب الموضوع دا يمكن يعجبك :16: و نطلق حملة ياللا نعيط :grin54: :grin54:
أنا زمان كنت بعيط على اقل حاجة و بعدين عملت جدعة و بطلت عياط !!! معدتى تعبت ... عالجتها و قررت أبطل زعل !!!
لقيت نفسى كل ما أجى أعيط أضحك .. كل ما أجى أزعل أضحك بهستيريا لأنى خايفة أزعل قوم أتعب !!!!
قررت إنى أرجع للعياط أحسن ما أروح الخانكة :angry06: :16: :grin54:
ايه المشاكل الكتير دي :Ka_che1[1]:
صعب اوي الموضوع دا افتكر علي الرجاله انها تعيط اصل العياط دا بيحسسني بالضعف فاكيد اكيد مش هالجأ للموضوع ده ابدا و بحسه اخر اخر اخر اخر الحلول و لو اني بيجيلي احساس ساعات اني عايز اعيط بس بممسك نفسي (محدش يعرف بقي بالموضوع ده)