سؤال بخصوص بوجيهات الهوندا

**Hamdy Masria** · 11-05-2011 11:39 PM

عايز اعرف كود البوجيهات اللى ينفع للمكنة بتاعتى طبعا هى كربراتتير 1500 طبعا كود المكنة d15b3
طبعا لما عملت سيرفيس للعربية غيرت البوجيهات بس الميكانيكى حطلى بوجيهات bosh واحد شمعة هل فى اختلاف بينها وبين ال ngk ولو فى اختلاف فعلا الموضوع يستاهل اغير البوجيهات ولا اية ؟

**hondaman** · 12-05-2011 08:57 AM

احنا بنفضل بوجيهات ngk انا مركبهم عندى ونفس المكنة بس اتنين شمعة والحمد الله لحد انهاردة مفيش اى مشاكل فيهم والسحب تمام ومركبهم بقالى تلات سنين وكل ماجى اغيرهم الاقيهم مش محتاجين تغير خالص ولا تعريق ولا كربون ولا اى شئ الحمد الله اما بخصوص بوش مرة واحدة بس ومكملوش عشان غيرت المكنة كلها ومش هتصدق لما اقولك ان البوجيهات اللى راكبة فى المكنة ngk من ساعت لما اخدتها لحد انهاردة

**honda forever** · 12-05-2011 11:54 AM

ال ngk اللى موجود اليومين دول مرطب
أنا جبت طقم من عند مجدى دسوقى مكملش شهرين وغيرتهم عشان كانوا مرطبين
طبعا أنا كنت ولا زلت أكتر واحد مقتنع بال ngk بس بالصدفه ملقتش ngk فى المكان اللى كنت فيه فركبت نوع فرنساوى وشغالين بقالهم 3 شهور وحرقهم كويس (لحد دلوقتى)

**SAMEH_FOUAD** · 12-05-2011 03:34 PM

شوف ياحمدى كود البوجيهات الاصلى اللى بينزل بية ماتورك لbkre5-e11 دة احسن بوجيهات ليك وهية ngk وممكن تجيب احسن ودية الى انصحك بيها BKRE6-E11

**SAMEH_FOUAD** · 12-05-2011 06:07 PM

المشاركة الأصلية كتبت بواسطة hamdymsr

بسم الله ماشاء الله ربنا يبارك

فعلا الميكانيكى اللى غيرلى البوجيهات قالى نفس الكلام عشان كده اقتنعت وخليته ركب اللى عنده وقالى انها مفيهاش رطوبة وعليها سحب

طيب انت شايف اية يا سامح اغير البوجيهات البوش اللى لسة راكبة ولا امشى بيها شوية وفعلا فى فرق بينها وبين البوش اللى مركبها الميكانيكى ولا .... سؤال كمان معلش اية الفرق بين الكودين اللى انت كاتبهم .. ارجو التوضيح يعنى مثلا فى نوع واحد شمعة والتانى اكتر .. وكمان عايز اعرف اية الفرق فى عدد الشمعات اللى فى البوجيه هل كل لما عدد شمع البوجيه يكون احسن فى الحرق ولا العكس صحيح
وياسلام بقى لو تحطلنا شوية معلومات جامدة عن البوجيهات او تعمل موضوع مستقل يبقى مرجع تبقى فكرة جامدة اخر 25 حاجة

كمان عايز موضوع للبوجيهات لوحدها ماشى ياعم ربنا يسهل بس اخلص من موضوعات الاكورد لان مالهاش اى مرجع على المنتدى خالص

.... بالنسبة للفرق مابين الكودين هو فى قوة الشرارة فقط

.... الاتنين واحد شمعة ودية اللى كاتبهالك ماتورك الاتنين شمعة لو ماتورك مش مظبوط ممكن تبرجل الماتور

.... شوف ياباشا البوجية كدة كدة بيطلع شرارة بس بدل مالشرارة دية بتتوزع على شمعة واحدة لأ بقى بيوزعها على 2 و 3 و 4 ودة الافضلية لية فى حاجة واحدة من وجهة نظرى ان لو فية شمعة تعبت البوجية مش بيتأثر لان كدة كدة هيطلع الشرارة من باقى الشمعات , فبالتالى عمر اكتر لكن كاستهلاك للوقود كلة واحد وكمان دلوقتى بقى فية كسرة فى نص سن الشمعة عشان تقسم الشرارة الى نصين وتوزعها توزيع كويس

.... اهم حاجة يكون البوجية نظيف والكهرباء عندك مظبوطة والكربراتير سليم كدة هتلاقى السحب كويس ان شاء الله سواء بواحد او باتنين شمعة