الموضوع: الى الساده مالكى سيارات فيات سيينا

ازيكم يا شباب ؟؟؟
أنا ان شاء الله ناوي أشتري سينا 2008 بس واحد صاحبي قلقني من التكييف بتاع السينا ، و بينصحني ألغي قكرة السينا و أجيب شيفروليه أفيو
أفيدوني بمقارنة بين الاتنين أفااااااااااااادكم الله
و لكم جزيل الشكر و يشرفني انضمامي لكم
أخوكم م. محمد بيبرس

اهلا بيك يا ميدو باشا فى قسم السيينا :D
بص يا سيدى اولا انت قبل ما تفكر فى عربية بتشوف كام حاجة كدة الاول اهمها قطع الغيار والتوكيل وامكانية اعادة البيع وانتشار العربية لان دول اهم حاجات
لو لاقينا الحاجات دى تمام نشوف بعد كدة امكانيات العربية زى بقى الثبات والسحب والراحة والوسع والتقفيل..
انا شايف يا ميدو ان السيينا دلوقتى بقت صينى مش ايطالى يعنى حرام انك تدفع فيها فلوس كتير دة غير ان توكيل فيات اجارك الله
وبعدين العربية مش منتشرة خالص وغير ان العربية قطع غيارها مش متوفرة بكثرة برة التوكيل ولو لاقيتها هتكون غالية دة غير ان العربية انتشارها ضعيف وتسويقها اضعف ومتلاقيش واحدة غير كل فين وفين عكس الموديلات القديمة ودة هيعكس عليك فى اعادة بيع السيارة بعد كدة لانك مش هتلاقى حد يشتريها ولو لاقيت هيكون سعرها قليل قوى قوى..
فانا شايف ودة من رايي الشخصى ان الافيو افضل فى حاجات كتير اوى من النقط اللى فاتت اقلها انها منتشرة وهتلاقى حد يعرف يصلاحها برة التوكيل لو احتجت...
بس يا سيدى دة رايى الشخصى زى ما قلتلك وانا شايف انك تسال كويس بردوا وتشوف راى الاخوة الاعضاء هيفدوك كتير بردو...
ومبروك مقدما يا سيدى ;)
بس لو جبت افيو هاتها لون رمادى غامق بجد اللون دة تحفه فيه :p
السلام عليكم ورحمه الله

ألف شكر ليك يا أخي mana9wafaie
أصل انا ( بيني و بينك ) خبرتي قليلة شوية في العربيات :o ... و بصراحة الاختيار صعب ، بس بجد انت أفدتني الى حد كبير
و ألف شكر مرة أخرى على ردك :)

يا باشا انت تأمر بس وانا تحت امرك فى اى حاجة
بس انا ممكن اسالك سؤال؟؟
انت لية مفكرتش فى الفيرنا لانى شايف انها افضل من الاتنين فى كل حاجة ماعدا بس التوكيل ومشاكلة الكتير غير كدة العربية دى ال1600 منها ملووووش حل بجد والله وعن تجربة واستهلكها للبنزين قليل جدا لانها اقتصادية وبجد عربية حكاية والامر الاول والاخير يرجع ليك بس انا شايف انها افضل منهم ولو هتزود شوية يبقى الاوبترا يا مان
ولو فى اى سؤال انا موجود سلام يا مان
اخوك محمد

و الله يا حمو مشكلة الفيرنا بالنسبة لي اني مش متقبل شكلها
بس انا حاسس انها أكبر من الأفيو ، مش كدى ؟؟؟
بس و الله انا ممكن أغير رأيي و أفكر في الفيرنا لو هي زي ما انت بتقول كدى
بس الأوبترا ................. صعبة علي أوي :(
هي وصلت كام دلوقت ؟؟؟

والله يا ميدو انا مش عارف الاوبترا وصلت كام بس هى بصراحة كلو بيشكر فيها بس انا مجربتهاش الصراحة بس مشفتش حد عاب فيها اما عن الفيرنا فا الفيرنا عن تجربة عربية مريحة وال 1600 منها موتور النترا دة غير ان مشاكلها قليلة..وانا اعرف ناس جابت بيها 200 بالوضع الاستندارد يعنى من غير ما يغيرو فى العربية اى حاجة دة غير ان تسارعها رهيييييييييب ملوش حل عشان متورها عفى وجسمها قليل فممكن تشد مع اتخن تخين وانت مطمن....
ولو فكرت فيها بردو هات لون رمادى:p مع زينون فى الفوانيس وزينون فى الفوج لايت العربية هتبقى حاجة تانية :D
واى خدمة انا سهران للصبح او ابعتلى ايميلك ع الخاص
سلام يا باشا

طيب يا شباب انا فيتاوى قديم اوى معايا 132 وعايز اغير وبفكر فى السيينا ال1400 وعايز اعرف ايه نظامها انا معروض عليا واحده كامله رشه بره ب39 كنت عايز اعرف ايه مشاكلها واستهلاكها فى البنزين لان كلنا طبعا عارفين موضوع البنزين
انا بصراحه كنت بفكر فى لانوس ولقيت قدامى السيينا قلت اشوف ايه نظامها يا ريت اى حد يفيدنى فى الموضوع ده لانى عايز انجز فيه بسرعه جدااااااااااا
وبصراحه انا ميال للفيات عن الدايو لانى فيتاوى من ايام 79 (ده الحاج)انما انا فيتاوى من 10 سنين بس
وشكرا جدا يا شباب

السلام عليكم ورحمة الله
اولا احب ان اشكر جميع الاخوة على المعلومات القيمة
انا عندى فيات سيينا 1400 رصاصي شاريها من 5 شهور وكانت عاملة 150000 كيلو ومش رشة خوارج ولا دواخل موديل 2002
المهم من اسبوعين لقيت العربية بتدخن شوية وديتها لميكانيكى قالى الموتور خفيف سألت واحد صاحبي قالى بيعها لان العمرة عمرها ما بتظبط تانى مع ان حاجه العمرة بتاعتها رخيصة سألت عليها عند الكيلانى
وعاوز نصيحتكم اعمل العمرة ولا لاء على العلم ان الميكانيكى بيقولى احتمال تبقي طقم شنبر وبس