الى الساده مالكى سيارات فيات سيينا

**motoxp** · 03-08-2008 08:25 PM

السيينا بتاعتى 1400 بلس مو 2001 وهى 67 حصان اللى اعرفه

**socobolos** · 11-08-2008 10:59 AM

صباح الخير معلش انا محتاجة اعرف سيينا موديل 2008 هلى افكر اجيبها ؟؟وهل عادلوا فيها موضوع الحرارة ده وقطع غيارها متوفرة؟؟
ولا اصرف نظر عنها واجيب فيرنا او لانوس؟؟

**socobolos** · 11-08-2008 11:00 AM

صباح الخير معلش انا محتاجة اعرف سيينا موديل 2008 هلى افكر اجيبها ؟؟وهل عادلوا فيها موضوع الحرارة ده وقطع غيارها متوفرة؟؟
ولا اصرف نظر عنها واجيب فيرنا او لانوس؟؟

**Mostafa** · 11-08-2008 08:48 PM

فيرنا او لانوس هتكون أحسن .. أنا مش مؤيد لصفقه سيينا 2008

**hanytahia** · 22-08-2008 10:41 AM

ألف شكر للي عمل الموضوع ده ثانياً أخوكم هاني معاه سينا 2001 موتور 1600سي سي هي مريحاني بس فيها عيب بشم ريحة البنزين حوه العربية وخصوصاً لما يكون التكييف شغال ولو بطلت العربية ورجعت شغلتها ألقيها مخنوقة خنقة سودة أرجع أبطلها وأشغلها تاني تبدأ تتحسن وده عيب مكرهني فيها في حساس فوق الموتور خارج منه خرطوم أخضر وداخل ليه خرطوم أسود تقريباً بايظ يعمل كده التوكيل لهف كل الفلوس اللي معايا والعربية زي ماهي ونفس العيب وبقيت بسمع تخبيط فى العفشة من قدام مش فاهم الدنيا خربت مرة واحدة هل من مفيد مع جزيل الشكر

**kouriem** · 30-08-2008 11:07 AM

السلام عليكم يا جماعه انا كان عندي مشكله ان العربيه كانت بتسخن و روحت لمركز الصيانه اللي عند المطار ده و محدش عرف يعمل حاجه و قالولي غير صباع الحراره و غيرته و نفس المشكله هي هي و ثانيا غالين جدا و الحاجه عندهم اغلي من بره حوالي 30 جينيه في اي قطعه غيار المهم اني روحت لواحد عملي اختراع كده و بصراحه من وقتها و العربيه زي الفل ولا في سخونيه ولا حاجه ركبلي مروحه كبيره تانيه قدام السربنتيه تسحب هواء من بره و بتشتغل مع التكيف او مع المروحه العاديه حتي كمان التكيف بتاع العربيه بقي زي الفل حتي و العربيه واقفه
و السلام عليكم
علي كريم

**MegaDeth** · 03-09-2008 02:33 AM

طيب باليو 2008 ايه رأيكم فيها ؟
عشان انا العربيه دى عاجبانى جدا فى كل حاجه
يا ريت بو حد عنده معلومات عنها يقول
و شكرا

مواصفات الباليو 2008 :

85 حصان
1461 Cc
مانيوال 5 غيار
تنك البنزين : 47 لتر
العرض : 3763
الأرتفاع : 1440
الطول : 1620
الأطارات : 175\70
جنط : 13

الكماليات :
باور ستيرينج
سنتر لوك
زجاج كهرباء
راديو CD
مرايات كهرباء
تكييف
مصابيح ضباب

**tiger_target** · 06-09-2008 03:46 PM

بجد نفسي اشكركم كلكم على كل المعلومات دي فعلا انا استفد اوي جزاكم الله كل خير و باركلكم كلكم......

اخوكم احمد.... انا محتاااااار جدااااااااااااااااا انا لسه متخرج و بدأت شغل و عايز اجيب عربيه عشان شغلي بعيد جدا عن سكني يعني العربيه لازم تكون تستحمل مشوار بعيد كل يوم ( العاشر من رمضان-اسماعيليه الصحراوي لحد المهندسين) كل يوم......عشان كده انا محتار جداااا(و اقصى مبلغ هدفعه 70000) فكرت في عربيات كتير

-الاسبرانزا 1600 و كنت مبهور بيها بس خايف جدا منها عشان صيني و ممكن متستحملش
-الفيرنا بس عرفت اخبار وحشه جدا عنها و خوفتني منها انها خفيفه جدا و انا نفس قطع الاكسنت القديمه ولكن تم تجميعها في الفيرنا والله اعلم اذا كان الكلام ده صح؟؟؟
-الأفيو بس مشكلتها انا صالونها ضيق و غاليه شويه
-الفيات باليو ومش عارف اذا كانت فعلا كويسه ولا لأ و خايف من الوكيل و الصيانه و قطع الغيار
-الفيات سيينا شكلها الجديد حلو اوي و امكانيتها كويسه بس برضه خايف منها بسبب الوكيل و الصيانه و قطع الغيار

وفيه ناس قالولي على كسر الزيرو بس نا مش بحب المستعمل

افيدوني افادكم الله انا مش عارف اعمل ايه خصوصا ان خبرتي في السيارات ضعيفه..............

**ahmed1981** · 06-09-2008 05:46 PM

الإصرار على الزيرو قرار سليم
أهم حاجة متستعجلش
ولو تقدر تزود المبلغ حاجة بسيطة وتشتري تويوتا ياريس
أظن هيكون أفضل

**tiger_target** · 06-09-2008 09:23 PM

اولا: متشكر جدا يا احمد على ردك - انا فعلا مقتنع ان مهما كانت العربيه مستعمله اكيد مش زي الزيرو......... بس ياريت تساعدني برأيك في نوع العربيه اما بالنسبه للمبلغ فياريت قدر بس فعلا صعب جداااا

و بجد متشكر اوي لأهتمامك......