الموضوع: الى الساده مالكى سيارات فيات سيينا

ياجماعه ااخر رد 2008 ليه بس كدا

ياجماعه عندى مشكله فى التكييف ومحتاج اشترى ثلاجة تكييف لسيينا 1600 مو2001 محدش عنده فكره عن حد كويس او مكان لقطع غيار نضيفه وابن حلال ؟

السلام عليكم
اولا انا ماعرفش قوى فى العربيات و دى اول عربية ان شاء اللى أشتريها
قدامى فيات سيينا 1400 عاملة 87 الف كم موديل 2001 و مش عارف محتار اجيبها و لا لأ قريت كل اللى انتم كتبتوه بس للاسف كان من سنة 2008
أرجو الافادة اتوكل على الله و اجرب العربية دى و لا اخدها من قصيرها و اشوف حاجة تانية؟
و شكرا ليكم

اسعار السياره تبدامن35000-42000

بالنسبه لموضوع سخونه العربيه
في حاجتين مهمين اوي لازم تتاكد منهم
1- مروحه السينا بتشتغل علي سرعتين ومش كل الناس تعرف كده حتي الميكانيكيه
وبيلاقي المروحه شغاله ومع ذلك العربيه بتسخن ممكن تكون السرعه الاولي مش شغاله وده يخلي العربيه تسخن معاك وتلاقيها بردت شويه لو شغلت التكييف لان السرعه التانيه بتشتغل مع التكييف اتوماتيك
او تكون السرعه الثانيه مش شغاله معاك وها تلاقي العربيه بتسخن بسرعه اوي مع التكييف وتسخن براحه شويه في الحر
2- لازم تخرج الهواء من دائره التبريد لان دوره تبريد السينا مغلقه ولو فيها هواء ها تلاقي العربيه بتسخن معاك
وده عن طريق ان انت تدور العربيه وتسيبها فتره شغاله تسخن وبعد كده في محبس اسود صغير ها تلاقيه واصل بقربه المياه تفتحه ها يخرج الهواء اللي في الدايره كلها لغايه لما المحبس ينزل معاك مياه وبكده الهواء ها يكون خرج واوعي تزود مياه والعربيه سخنه حتي لو مدورها لان الهواء بيدخل للدائره من الحركه ديه

اتمني اكون ساعدتكم

المشاركة الأصلية كتبت بواسطة zamo_82

بالنسبه لموضوع سخونه العربيه
في حاجتين مهمين اوي لازم تتاكد منهم
1- مروحه السينا بتشتغل علي سرعتين ومش كل الناس تعرف كده حتي الميكانيكيه
وبيلاقي المروحه شغاله ومع ذلك العربيه بتسخن ممكن تكون السرعه الاولي مش شغاله وده يخلي العربيه تسخن معاك وتلاقيها بردت شويه لو شغلت التكييف لان السرعه التانيه بتشتغل مع التكييف اتوماتيك
او تكون السرعه الثانيه مش شغاله معاك وها تلاقي العربيه بتسخن بسرعه اوي مع التكييف وتسخن براحه شويه في الحر
2- لازم تخرج الهواء من دائره التبريد لان دوره تبريد السينا مغلقه ولو فيها هواء ها تلاقي العربيه بتسخن معاك
وده عن طريق ان انت تدور العربيه وتسيبها فتره شغاله تسخن وبعد كده في محبس اسود صغير ها تلاقيه واصل بقربه المياه تفتحه ها يخرج الهواء اللي في الدايره كلها لغايه لما المحبس ينزل معاك مياه وبكده الهواء ها يكون خرج واوعي تزود مياه والعربيه سخنه حتي لو مدورها لان الهواء بيدخل للدائره من الحركه ديه

اتمني اكون ساعدتكم

السلام عليكم انا اخدت بالي انك من الجيزة هل تعرف حد كويس فاهم فيها ويكون عندو ضمير في الجيزة او الهرم ولو امكن رقم تليفونك
مع الشكر

يا جماعة من فضلكم انا حابب اشترى سيارة سينا موديل 2000 او 2003 عاوز اعرف عيوبها و مميزتها و هل هى سيارة تمام
و لا لاء
برجاء الرد
و السلام عليكم و رحمة الله