مخنوق من حياتى كلها ومش عارف اعمل اية؟

**husseinsalah** · 13-05-2011 03:32 AM

طب تقول اية بقى للى شوفتة النهاردة امام وزارة الداخلية واللى عدى من قدامها هيلاقى ان الباب الرئيسى مقفول بجواجز للسيارات فقط مع كام مدرعة جيش متمركزة امام الباب المهم

فرد امن لابس بدلة هو اللى واقف على الحواجز وبيفتح الطريق لعربيات معينة فقط وهوب سواق تاكسى كبير فى السن معدى الخمسين مش شاب ياعنى راسة والف سيف يعدى من الشارع المقفول دة فالراجل والله بكل ادب قالة ممنوع فرد سواق التاكسى بكل بجاحة اشمعنى اللى عدى دة فرد علية دة من المنطقة ودى تعليمات اننا نعدى سكان المنطقة والعاملين فى الوزارة فسواق التاكسى ما قتنعش ومصمم انة يفتحلة الحواجز ويعدى قيرد فرد الامن ويقولة ياراجل مش انت مسلم فالتانى يجحش (اسف على اللفظ اصل استفزنى) وقالة انا كافر يا اخى وهعدى ياعنى هعدى وطبعا ناس كتير اتلمت وعمالين يكلموا سواق التاكسى باللين والشدة ومفيش فايدة وكل دة ادام الحراسة والظباط ويمكن كمان وزير الداخلية سامع الخناقة... بالذمة كان يجرأ يعدى من قدام وزارة الداخلية اصلا قبل كدة لكن واضح اننا محتاجين ثورة على اخلاق الناس كمان

**i_Am_Legend** · 13-05-2011 04:08 AM

امال انا اعمل ايه بس انا قاعد فى البيت بقالى 3 شهووووووووور ولسة بدور على شغل الثورة لبستنى فى الحيطة يارجالة

**lovely_love** · 13-05-2011 04:42 AM

يا جماعة بجد الموضوع بقى يخنق وزاد عن حده المساجين الى هربوا من امن الدولة قالوا عليهم ابطال وامن الدولة ظالمهم
طيب مفيش فعلا ناس منهم كانوا محبوسين فى امن الدولة لانهم ظلمة
يا جماعة انا خاطب وليا اخوات بنات متعرفوش بقيت خايف عليهم اد اية انا مش خايف على نفسى لكن والله خايف على اهلى الى احنا فيه دا مش حرية دا جهل وتاخر وفى ناس ملهمش دعوة ابرياء بيدفعوا تمن السرقة والبلطجة والاعتداء على السيدات

**tamer_a7** · 15-05-2011 05:15 PM

المشاركة الأصلية كتبت بواسطة sayed911

دي ضريبة الثورة !!!! اللي بنمر بيه ده عادي جدا !!
متخليهوش يأثر على حياتك بالسلبية ابداااااااااااااااااااااا ا ولا حتى تفكر فيه بالطريقة دي !!
فكر فيه انه في خلال سنتين بالضبط ها تتفرج احنا ممكن نعمل ايه !!
جرب تقرأ حاجات تخليك تتفاءل عشان تخرج من الجو ده ..

والله كان نفسي اقولك انك علي حق بس من اللي انا شايفه كمان سنتين هنكون بنموت في بعض
باللي احنا ماشيين فيه دا احنا رايحين في داهيه ومش باين غير كده

**tamer_a7** · 15-05-2011 05:28 PM

المشاركة الأصلية كتبت بواسطة lovely_love

يا جماعة بجد الموضوع بقى يخنق وزاد عن حده المساجين الى هربوا من امن الدولة قالوا عليهم ابطال وامن الدولة ظالمهم
طيب مفيش فعلا ناس منهم كانوا محبوسين فى امن الدولة لانهم ظلمة
يا جماعة انا خاطب وليا اخوات بنات متعرفوش بقيت خايف عليهم اد اية انا مش خايف على نفسى لكن والله خايف على اهلى الى احنا فيه دا مش حرية دا جهل وتاخر وفى ناس ملهمش دعوة ابرياء بيدفعوا تمن السرقة والبلطجة والاعتداء على السيدات

عارف اخي الكريم ايه اللي بيحصل
احنا فتحنا الباب لجميع اطياف وانواع الناس واصبحت الثوره في اشخاص وقرارات بعينيها
يعني نلغي امن الدوله من غير ما نحط خط دفاع تاني غيره (مع تحفظي الكامل علي مخالفات هذا الجهاز ولكنه كان يقوم بدور فعال)
نطلق يد الاعتصامات الفئويه واي اعتصام مهما كان سببه وما سوف يتسبب فيه من مصائب وهيه دي حريه الراي وحريه الاعتصام وهيه دي اللي ودت البلد في داهيه
جميع فئات الشعب بلا استثناء مكاسب شخصيه في اقل زمن ممكن اعتصامات عمال واعتصامات عاملين وكل حته اعتصام (حتي اصبحت الاغنيه بتاعت في كل حته في بلادي صوت الفوضي بينادي) يا راجل دا حتي الدكاتره عملو اضراب
احتياطي النقد الموجود في خزينه الدوله بينهار تماما والبلد داخله علي افلاس في رمضان (يعني رمضان مرتبات المؤسسات الحكوميه ما تتقبضش) واحنا ايه ولا الهوا دا يا راجل بنقول البلد بتصرف من احتياطي الخزينه يقولك ما هو علشان كده طيب هيخلص ايه المشكله يخلص ونفلس مش مشكله نجوع سنه ونتبهدل ديون ونشحت من طوب الارض المهم ولادنا
ولادنا اللي هيطلعو ببلد مديونه ومنهكه اقتصاديا وطبعا حضرتك هتسيبه فاضي ولا حاجه تسنده ولا غيره لانه مش معاك اساسا
لا حول ولا قوه الا بالله ما تزعلش مني بس هو دا اللي جوايا واللي بجد مخليني مش عارف حتي ابتسم
لا اله الا الله وحده اني كنت من الظالمين

**lovely_love** · 16-05-2011 01:54 AM

[/quote]

الله كان نفسي اقولك انك علي حق بس من اللي انا شايفه كمان سنتين هنكون بنموت في بعض
باللي احنا ماشيين فيه دا احنا رايحين في داهيه ومش باين غير كده

+9999999999999999999

انا معاك والله العظيم

**lovely_love** · 16-05-2011 01:55 AM

رف اخي الكريم ايه اللي بيحصل
احنا فتحنا الباب لجميع اطياف وانواع الناس واصبحت الثوره في اشخاص وقرارات بعينيها
يعني نلغي امن الدوله من غير ما نحط خط دفاع تاني غيره (مع تحفظي الكامل علي مخالفات هذا الجهاز ولكنه كان يقوم بدور فعال)
نطلق يد الاعتصامات الفئويه واي اعتصام مهما كان سببه وما سوف يتسبب فيه من مصائب وهيه دي حريه الراي وحريه الاعتصام وهيه دي اللي ودت البلد في داهيه
جميع فئات الشعب بلا استثناء مكاسب شخصيه في اقل زمن ممكن اعتصامات عمال واعتصامات عاملين وكل حته اعتصام (حتي اصبحت الاغنيه بتاعت في كل حته في بلادي صوت الفوضي بينادي) يا راجل دا حتي الدكاتره عملو اضراب
احتياطي النقد الموجود في خزينه الدوله بينهار تماما والبلد داخله علي افلاس في رمضان (يعني رمضان مرتبات المؤسسات الحكوميه ما تتقبضش) واحنا ايه ولا الهوا دا يا راجل بنقول البلد بتصرف من احتياطي الخزينه يقولك ما هو علشان كده طيب هيخلص ايه المشكله يخلص ونفلس مش مشكله نجوع سنه ونتبهدل ديون ونشحت من طوب الارض المهم ولادنا
ولادنا اللي هيطلعو ببلد مديونه ومنهكه اقتصاديا وطبعا حضرتك هتسيبه فاضي ولا حاجه تسنده ولا غيره لانه مش معاك اساسا
لا حول ولا قوه الا بالله ما تزعلش مني بس هو دا اللي جوايا واللي بجد مخليني مش عارف حتي ابتسم
لا اله الا الله وحده اني كنت من الظالمين

الله ينور عليك

**AboELsoud** · 16-05-2011 04:22 AM

تصدق بعد ما دخلت انصحك من يومين داخل دلوقتي اقوللك ان انا بقيت زييك و يمكن اكتر
مخنووووووووووووووووق جدااااااا و مش شايف اي امل و البلد من سيء الى السوأ
انا متعودتش اني اكون سلبي كده
عشان كده مش هاقول غير ( قال رسول الله صلى الله عليه و سلم : تفائلوا بالخير تجدوه )
انا رايح اصلي الفجر ........... سلام

**noreen** · 16-05-2011 07:57 AM

علي فكرة كلنا بقينا كده لدرجة ان اغلب الناس اللي باشوفهم بيقولوا ايام مبارك كانت احسن صحيح كانت فلوسنا بتتنهب بس كنا حاسين بامان

**madaxman** · 16-05-2011 09:01 AM

الجهل والظلم والنهب والفساد والكبت بتاع ال 30 سنه ال فاتت خرج مره واحده
انا عندي كلام كتير واسمحولي اقوله
الجرايم والسرقات ال بتحصل انا حاسسها زي ما هيا يعني قبل الثوره كان كل يوم في جرايم وكل يوم في سرقات بس هيا زادت نسبيا بعد الثوره ودا سببه انا الشرطه مبقاش ليها هيبه خلاص والمجرم والبلطجي مش بيخافوا منهم دلوقتي يعني الحرامي بيسرق دلوقتي وعارفه ان مفيش امين شرطه ماشي بليل وانا حاسس ان الشرطه بتعاقب الشعب بأنها تتكاسل عن اداء عملها عشان ياخدوا ع دماغهم وعشان يقولوا الشرطه دي اسيادنا وياريت يرجعوا زي الاول وعشان يعرفوا الشعب ان الثوره دي كانت ضده وكل دا عشان (بعض) ظباط الشرطه يرجعوا لهيبتهم تاني وطبعا ميبقوش متساويين مع المواطن العادي بحكم انهم اسيادنا مثال حصل عندنا في سوهاج هنا كان في خناقه بين عائلتين المهم اثناء الجلسه طلع واحد من العلتين لقاعه المحمه وضرب بفرد خرطوش ايه ال حصل؟؟؟؟
الظباط طلعوا يجروا ال هما المفروض حما البلد واللي مسكو الراجل دا هما الساده المستشارين والقضاه
بس احسبها كدا الحرامي سرق منك 10.000 جنيه فرضا يعني 10.000 دول هتلاقي نفسك احيانا كنت بتدفعها رشاوي - غرامات من غير سبب - اكراميات - عشان تطلع رخصه بتدفع يجي 500-600 ودول يا أما مدرسه المرور او رشوه مع انها متتكلفش اكتر من 250 جنيه تقريبا
لكل ثوره مكاسب وخساير بردو والخساير دي هيا البلطجه والفتنه الطائفيه والسرقات وتقاعس مؤسسه الشرطه عن اداء عملها بالكامل حاول ع أد ما تقدر تحمي اي حاجه تمتلكها خلال الايام دي لحد ما حال البلد ينصلح (أن الفارج الله) وربنا يعوضك في العربيه بتاعتك وأي حد بيخاف علي اخواته يوم ما ينزلوا ينزل معاهم ميتأخروش عن البيت ميروحش حته بعيده او يمشوا في شوارع مفهاش ناس ومحدش يقول هخنق عليهم يعني ؟؟؟ عشان ميجيش ويقول يارتني بعد كدا
لو حد معاه عربيه قديمه شويه يركب لها سنتر وانذار 300 جنيه مش خساره ف عربيه ويعلي حساس السرينه ان شاءالله تقعد تصوت طول الليل كل ما تعدي قطه مش مشكله وربنا يحفظنا كلنا
اسف للأطاله تحياتي

الموضوع: مخنوق من حياتى كلها ومش عارف اعمل اية؟

LinkBack

أدوات الموضوع

عرض

-

-

-

-

-

المواضيع المتشابهه

اجمد هوندات شفتها فى حياتى كلها ^_^

اعمل فين الحاجات دى كلها؟

مش عارف ادهن عربيتى كلها ولا اعمل ترميم

انا مخنوق حد يقوللى اعمل ايه

انا مخنوق حد يقوللى اعمل ايه

الكلمات الدلالية لهذا الموضوع

المفضلات

المفضلات

ضوابط المشاركة