مخنوق من حياتى كلها ومش عارف اعمل اية؟

**lovely_love** · 12-05-2011 05:24 PM

معلش يا جماعة كتبت الموضوع دا من زهقى وقولت اتكلم مع اخواتى فى المنتدى
بصراحة يا جماعة انا مش عارف اقول اية ولا اية مش عارف الى انا فيه ده حالتى انا وبس ولا حالة البلد كلها كل يوم نسمع عن سرقة وبلطجة واعتداء واقول دى ناس بتكبر المواضيع
عربية والدى اتسرقت قولت قضاء وقدر اشكال ضاله ماشية فى الشوارع وكل واحد عامل نفسه 100 راجل فى بعض واقول عادى
هو لية يا جماعة ناس كتير مبتحترمش نفسها الا لما يتهزؤا لية ايام ما كانت الشرطة بتظلم الناس كان الكل محترم دلوقتى كله بيبلطج كل واحد شايلى مطواه فرحان بيها عامل نفسوا حاجة واحد معفن شايل مسدس صوت وماشى حطه فى جمبه وفاكر نفسه لواء هى دى الحرية
لو هى دى الحرية انا مش عاوزة ولا عاوز اكون حر
اسف على الموضوع الرخم دا بس بجد حالتى النفسية وحشة اوى

**sayed911** · 12-05-2011 05:46 PM

دي ضريبة الثورة !!!! اللي بنمر بيه ده عادي جدا !!
متخليهوش يأثر على حياتك بالسلبية ابداااااااااااااااااااااا ا ولا حتى تفكر فيه بالطريقة دي !!
فكر فيه انه في خلال سنتين بالضبط ها تتفرج احنا ممكن نعمل ايه !!
جرب تقرأ حاجات تخليك تتفاءل عشان تخرج من الجو ده ..

**n_i_t_e** · 12-05-2011 05:47 PM

نصيحة
متقراش جرايد كتير
متقضيش وقت كتير ادام برامج التوك شو دي
فكر فى حاجة تانية غير الأحوال الحاصلة دلوقت

حاول متحتكش بتعاملات كتير مع ناس من اللى بتقول عليهم دول

**lovely_love** · 12-05-2011 07:59 PM

يا جماعة اولا شكرا على الرد
انا مبتعاملش مع الناس دى خالص بس موجودين فى اغلبية الشوراع واكيد كلنا عارفين كدة برامج وتليفزيون بطلت اتفرج ولما اتفرج بقضيها افلام حتى لو قديمة ومكررة جرايد مبحبهاش اساسا
المستقبل بالنسبالى مش عارفله ملامح مع ان سنى صغير يعنى 23 سنة
وشكرا على ردودكوا

**AboELsoud** · 12-05-2011 10:30 PM

يا باشا متقلقش انا 20 سنه و لسه حاصلي كده من فتره بس الحمد لله بقيت كويس
كل ما في الموضوع ان البلد بتمر بحاله صعبه و انت جزء من البلد دي فلازم تحس بالخنقه شويه و يجيلك اكتئاب شويه
و اعتقد كل الناس هنا حصلها كده بس رجعوا تاني كويسين
اومال ازاي تقول لابنك ان شاء الله انا حضرت الثوره انت فاكرها كلمه سهله كده
زي الناس اللي حضرت حرب 73 انت فاكر ايامهم الدنيا كانت سهله / انت لو قعدت مع حد كبير حضر الحرب و سمعت منه شويه البلد كانت عامله ازاي هتحمد ربنا على اللي احنا فيه
انا والدي مثلا ظابط جيش و حارب في 73 و لما كل فتره يسترجع الذكريات و اقعد اسمعه احمد ربنا على اللي احنا فيه
متقلقش فتره و هتعدى
نصائح عمليه للتحلص من الخنقه :
لو تعرف تبعد عن الاخبار خالص يبقى كويس لو معرفتش يبقى اكتفى بالعناوين الرئيسيه فقط
شوف انت كنت بتعمل ايه قبل الثوره و كمله يعني انا كنت بذاكر و دلوقتي بذاكر اهه
حط في بالك ان دي ثوره و هاتاخد فتره عقبال ما الدنيا تتظبط
و ادعي ربنا لمصر كتيييير

**Ahmed_Ramadan** · 12-05-2011 10:43 PM

المشاركة الأصلية كتبت بواسطة n_i_t_e

نصيحة
متقراش جرايد كتير
متقضيش وقت كتير ادام برامج التوك شو دي
فكر فى حاجة تانية غير الأحوال الحاصلة دلوقت

حاول متحتكش بتعاملات كتير مع ناس من اللى بتقول عليهم دول

+111111111 و إشغل نفسك فى رياضة و إمشى كتيرهتفرق معاك جامد