الموضوع: انا بكهرب العربية او جايز هي الي بتكهربني ؟؟؟؟

المشاركة الأصلية كتبت بواسطة syd

الكلام 100 في ال100 صح
علميا في حاجة اسمها الكهرباء الساكنة electro static ودي حاجة في غاية الأهمية والخطورة الي في الدنيا يعني مش محتاجة كل كمية خفة الدم والهزار الي ماشوفتوش في مواضيع تانية
الكهرباء الساكنة بتنتج نتيجة الاحتكاك وخصوصا احتكاك سطح املس بأخر وتظل ساكنة داخل الجسم الي ان تلامس جسم اخر اقل في الشحنة ليتم التعادل او التوازن في الشحنات وبالتالي الشحنات تنتقل اليه زي المسطرة لما كنا بنحكها في شعرنا ونعملها زي المغناطيس علي قطع الورق
مثال اخر
حضرتك ماشي بتكحت بالشبشب في البيت علي السجادة الصوف او الموكيت واول لما تلمس الثلاجة (خصوصا الايديال) بتلاقي هذه الشحنة اتفرغت في الثلاجة وبالتالي ترجع تكهرب حضرتك
مثال أخر
التصاق الملابس بالجسم زي الجلابية الي فيها الياف صناعية
واحترس لأنها لا قدر الله ممكن تكون مميتة

ومن اسباب الكهرباء الساكنة الجفاف وليس الرطوبة فتكثر هذه الظاهرة في المناطق الجافة وليس الرطبة وايضا في الشتاء وليس الصيف نتيجة قلة الرطوبة في الجو

وللتخلص من هذه المشكلة حاول لبس ملابس داخلية قطنية و حذاء جلد والشراب قطن
تفريغ الشحنات في جسم اخر معدني زي مفتاح العربية او الكونتاكت او ملامسة الباب قبل النزول
ولا ينصح بتركيب فرش جلد لأنه هيزود مش هيقلل وايضا الفرش الصوف هيعمل كهرباء ساكنة
حاول تقليل حركتك وانت راكب العربية

والله المستعان
،
،

جزاك الله كل خير
انا فعلا ملابسي كلها اما قطن او كتان ولا البس ملابس بولستر او صوف بس فعلا شعر ايدي بيقف لما باقرب من اي جسم به ماده بترولية بولي اثلين فعلا السيارة هي الي بتعمل الشحنات دي في جسمي وكمان البطانية الي بتغطي بيها هي كمان ليها نفس التاثير علي تخزين الشحنات في جسمي
واحب اشكر حضرتك مره اخر ي علي التوضيح الشامل الوافي

المشاركة الأصلية كتبت بواسطة syd

انا الي بشكر حضرتك علي موضوعك الي خلاني اوضح معلومة في غاية الاهمية كتير مننا ممكن يعتبرها مزحة او لعبة مع اصحابه في حين انها في غاية الخطورة الي في الدنيا ودي عامة ظاهرة طبيعية بتحاول المصانع والشركات والأمن الصناعي تفاديها بشتي الطرق عن طريق برامج لمنع ظاهرة الكهرباء الساكنة تسمي esd preventing electrostatic discharge وعلي فكرة ظاهرة البرق ايضا احدي الأمثلة علي تفريغ الشحنات من جسم لأخر عند الملامسة وممكن تتسبب في حرائق هائلة في الغابات.
والخطر هو ان تتولد كمية طاقة من الكهرباء الساكنة قد لا يتحملها الانسان الطبيعي وبالتالي تؤدي الي الوفاة صعقا بالكهرباء الساكنة لا قدر الله.
وهل تعلم حضرتك انك لو شعرت بالصعقة فهذا معناه ان فرق الفولتية بينك وبين الجسم الأخر يقدر بحوالي 3,000 فولت، اما لو استطعت ان تري شرارة ناتجة عن الكهرباء الساكنة فهذا معناه ان فرق الفولتية اكثر من 8,000 فولت
وهل تعلم ان 30 فولت فقط يكفوا لتدمير دائرة كهربائية ذات طاقة ضعيفة low powered chip
واعتقد ان الانسان الطبيعي لا يستطيع تحمل اكثر من 10,000 فولت

والله المستعان
،
،

ينهار ابيض انا احيانا بشوف شرز وبسمع صوتة ربنا يستر ب
وانا شاكر ليك مره تانية توضيحك للموضيع وربنا يجعلة في ميزان حسناتك
وجزاك الله كل خير ووفقق الي ما يحب ويرضي