القسم المخصص للشكاوى قفلنى !

**Tarek Gen 2** · 16-05-2011 10:43 AM

المشاركة الأصلية كتبت بواسطة ahmed.ali

غالبا من نفس المهندس الي قالنا كلنا بس انا مستني رد المهندس امر

انا سمعت كدة منه و سالت بعدها و اتقالى نفس الكلام بالظبط فشكلها كدة فعلا والله و اعلم :(

**Ra2ouf** · 16-05-2011 05:03 PM

لو مفيش فى العربية ebd أنا مش هزعل أوى لأن العربية فيها كمالياااااااااات بالعبيط تخلينا ننسى العيب دة .
أنا اللى مزعلنى بجد هو عدم أنتشار العربيات البروتون فى مصر زى الهيونداى و الكيا و الشيفرولية .....
يا ترى لية ؟

**Raul_7** · 16-05-2011 05:44 PM

المشاركة الأصلية كتبت بواسطة Ra2ouf

لو مفيش فى العربية ebd أنا مش هزعل أوى لأن العربية فيها كمالياااااااااات بالعبيط تخلينا ننسى العيب دة .
أنا اللى مزعلنى بجد هو عدم أنتشار العربيات البروتون فى مصر زى الهيونداى و الكيا و الشيفرولية .....
يا ترى لية ؟

عشان فيه ناس معندهاش ثقافة القراءة وفاكرين إن بروتون عربية صيني زي الشيري.

**أبومعاذ** · 16-05-2011 06:35 PM

المهندس أمر أكد لنا إن فيها ebd

**Raul_7** · 16-05-2011 07:25 PM

المشاركة الأصلية كتبت بواسطة midosalah

ناس كتير اوى تقولهم بروتون يقولك صينى دى ؟؟

آه يا معلم حاجة هام واللهِ.

**ayman_83** · 16-05-2011 07:31 PM

فعلا ناس كتير عندها البروتون دي صيني وفي ناس فاكراها الفارميو برضه انا عن نفسي مش زعلان انها مش منتشره عشان تكون مميزه
انا في ناس بقولها مركتها تطلع عرفاها وعارفين انها ماليزي وفي ناس تاني اقولهم بروتون يقولولي بلوتو مين ده جنب المريخ
فكبرو دماغكم تكفي ان صحابها البروتناويه ركبينها يارجاله

**epzomata** · 16-05-2011 08:09 PM

أنا اول ما رخصت روحت لسمكرى عشان يقص اللوح عشان كانت كبيرة شوية..
قالى ما شاء الله الفا روميو دى جميلة لأوى

**Raul_7** · 16-05-2011 08:18 PM

المشاركة الأصلية كتبت بواسطة epzomata

أنا اول ما رخصت روحت لسمكرى عشان يقص اللوح عشان كانت كبيرة شوية..
قالى ما شاء الله الفا روميو دى جميلة لأوى :10d5c8w1107:

هههههههههههههههههه, حلوة.

أنا أول مارحت أفول بعد مااشتريت العربية بتاع البنزينة قال لي العربية ديه انجليزي؟ قلتله لأ ماليزي.

**Ra2ouf** · 16-05-2011 10:49 PM

المشاركة الأصلية كتبت بواسطة Raul_7

عشان فيه ناس معندهاش ثقافة القراءة وفاكرين إن بروتون عربية صيني زي الشيري.

أنت صح

وللأسف الناس دى فى بلدنا كتيييييييييييييير أوى أوى ....... دة فية ناس متعلمين كويس و راكبين عربيات أخر موديل و ميعرفوش أية هى ال options الموجودة فى عربياتهم غير الأزاز الكهربا و ال CD و شكرآ .
مرة سئلت واحدة زميلتى فى الشغل راكبة سيراتو أذا كانت العربية فيها Abs & ebd قالتلى
أية ال dbd دة ؟

و لما سئلتها على أى أساس بتشترى العربية قالت أنا لقيت السيراتو شكلها حلو فقلت لجوزى عايزة دى