القسم المخصص للشكاوى قفلنى !

**ayman_83** · 14-05-2011 03:22 AM

انا عن نفسي شايف ان العربيه تحفه تحفه بصراحه ووالله العظيم انا مش ندمان اني اشتريتها خالص ونفسي الناس اللي هي عزيزه علي بس تشتريها عشان كده اي حد قريبي بقوله عليها من جمالها واحترامها لنفسها
وفي نفس الوقت مش عايز الناس كلها تشتريها عشان متنتشرش اوي وتفضل مميزه

**أبومعاذ** · 14-05-2011 06:04 AM

المشاركة الأصلية كتبت بواسطة k3a

بص يا برنس انا حجبلك م الاخر
العربية تعتبر في العموم كويسة و خصوصا لما تحسب السعر مقابل القيمة حتلاقي ان اي عربية فيها كمليات البروتون اغلى منها كتير
بالنسبة للعيوب مفيش في الدنيا حاجة كاملة او عربية من غير عيوب
اهم عيوب البروتون من وجة نظري (عارف ان كلامي مش حيعجب ناس كتير)
1- جودة الفنش والخامات المستخدمة مش اد كده
انا شايف التقفيل و الخامات متوسطة إلى جيدة لكن مش مش قد كده
2- علبة الدركسيون فيها خبطة ولو رحت غيرتها في التوكيل 100 مرة وعملت عليها 100 تعديل حترجع الخبطة تاني بعد مدة وده عيب صناعة
علبة الدريكسيون فيها حبطة بتظهر عند ناس و ناس لأ و بيتعملها تعديل في التوكيل و بتبقى زي الفل و دا حصل معايا و مع ناس تانيين أعرفهم
3- الفرامل على الرغم ان نظمها بوش الماني الا انها غير عملية. .. بمعنى انك حتغير او على الاقل حتخرط طنابير العربية قبل 45 الف كيلو وكمان حتغير التيل بسرعة جدا في المتوسط مر ة او مرتين قبل 40 الف كيلو و المفاجأة بقى ان التيل البديل اللي زي اللى كان راكب في العربي الزيرو ب > 800 جنيه في الوكيل وانواع التيل الاخرى البديلة ياضعيفة يا اما تخرج الفرامل من الضمان
فرامل العربية محتاجة تعود لكن هي مش سيئة و موضوع الطنابير دا مش صحيح اعرف ناس كتير عدوا ال 40 و انا منهم و الحمد لله الطنابير زي الفل اما موضوع التيل فهو فعلا بيخلص بسرعة في حدود 25-30 الف مش بيزيد عن كدا و انواع التيل البديلة في البوش نفسه اللي بييجي في العربية دا برا ب 350 و في المايلي الايطالي و في تيل تاني الماني الاتنين في حدود 150ج و في الماليزي ب125 وفي الصيني ب 80ج و اللي ب 150 دا متجرب و ممتااااااز بشهادة ناس كتير معانا في المنتدى وعموما لما هتغير التيل لو كنت عديت ال30 يبقى مش لازم تجيب التيل بتاع التوكيل لأن كدا كدا الطنابير عدت فترة الضمان اللي هي 30 الف
4- قطع الغيار غير متوافرة في الوكيل لموديل السنة يعني لو بتشتري 2011 ممكن متلاإيش قطع غيارها قبل 2012
معلش ياريت حضرتك تضربلي مثال على النقطة دي ...موديل 2006 لحد 2011 هي نفس قطع الغيار أصلا ماعدا بعض الإختلافات البسيطة و التوكيل بيوفرها واللي مش موجودة عنده بيجيبها بطلبية dhl كل اسبوعين مرة
واضخ إن حضرتك مرحتش التوكيل بقالك كتير و متعرفش إن دلوقتي تقريبا مفيش قطع غيار بتتاخر
هي دي اكبر عيوب العربية وده لحد تجربة بيرسونا ب 50الف كيلو تقريبا
حتسمع عيوب تانية بس معظمها حاجات تافه وبتتحل بسهولة في الوكيل
وزي ما قولت لك مفيش حاجة كاملة او عربية بلا عيوب. .... لو كنت حاطط عينك على حاجة تانية اعرف عيوبها الاول وشوف حترتاح مع مين اكتر وربنا يوفق. .. تحياتي

العربية فعلاً أحسن قيمة مقابل السعر في الفئة دي و مينفعش تتقارن بالأوبترا خااااااااالص غير في الوسع الداخلي الأوبترا أوسع و الفينش من جوا أحسن غير كدا كل شيئ في صالح الجين2

**Ra2ouf** · 14-05-2011 04:08 PM

أشكر كل وحوش البروتون على كل الردود الجميلة دى وخصوصا الرد المفصل الرائع للأخ أبو مريم
متتصوروش يا جماعة ردودكم دى فرقت معايا أد أية وأن شاء الله قريبآ هكون بروتوناوى لأن خلاص ناوى على ال Gen 2 بس أنا محتار مابين اللون الفضى و الفيرانى أية رأيكم يا أخوانا أنهى لون أحلى ؟

**أبومعاذ** · 14-05-2011 04:23 PM

ألف مبروك مقدماً و اللونين اللي حضرتك اخترتهم حلوين بس الفضي فيه عيبين الخدوش و التراب بيبانوا فيه بسرعة بس في الصيف والحر والتكييف الفضي أحسن عشان مش بيمتص الحرارة زي الفيراني

**AmatoALLAH** · 14-05-2011 09:35 PM

المشاركة الأصلية كتبت بواسطة ra2ouf

أشكر كل وحوش البروتون على كل الردود الجميلة دى وخصوصا الرد المفصل الرائع للأخ أبو مريم

متتصوروش يا جماعة ردودكم دى فرقت معايا أد أية

وأن شاء الله قريبآ هكون بروتوناوى لأن خلاص ناوى على ال gen 2 بس أنا محتار مابين اللون الفضى و الفيرانى :n_no[1]: أية رأيكم يا أخوانا أنهى لون أحلى ؟

ايوه كده هو دا الكلام :)

و شكر خااااااااااااص للاخ ابو مريم و الاخ تامر عثمان

**Ra2ouf** · 14-05-2011 10:14 PM

المشاركة الأصلية كتبت بواسطة AmatoALLAH

ايوه كده هو دا الكلام :)

و شكر خااااااااااااص للاخ ابو مريم و الاخ تامر عثمان

مقولتليش رأيك ....... أجيب الفضى ولا الفيرانى ؟ يا ريت كل البروتوناوية يشاركوا

**Ra2ouf** · 14-05-2011 10:34 PM

المشاركة الأصلية كتبت بواسطة Nistelrooy

شوف ع الطبيعية اللونين انا كنت شايف واحد احلي في نظري لما شوفت التاني غيرت اللون علطول رغم اني كنت حجزت واحد فيهم ..

بس مش هاقول اية هما علشان ماثرش علي اختيارك .. :)

شكرآ على ردك .... بس أشوفهم على الطبيعة فين بس ؟ أنا رحت توكيل بروتون الموجود فى العجوزة و ملاقتش ولا عربية Gen 2
هناك

ملاقتش غير عربيتين بس واحدة بيرسونا و التانية ساجا ...... يعنى توكيل طويل عريض ملاقيش فية غير
عربيتين

**AmatoALLAH** · 14-05-2011 10:59 PM

المشاركة الأصلية كتبت بواسطة ra2ouf

مقولتليش رأيك ....... أجيب الفضى ولا الفيرانى ؟ يا ريت كل البروتوناوية يشاركوا

انا بحب اللون الفيراني اكتر :)

المشاركة الأصلية كتبت بواسطة nistelrooy

شوف ع الطبيعية اللونين انا كنت شايف واحد احلي في نظري لما شوفت التاني غيرت اللون علطول رغم اني كنت حجزت واحد فيهم ..

بس مش هاقول اية هما علشان ماثرش علي اختيارك .. :)

يا تري لو ن عربيته ايه ؟ .. اممممممم عرفته :)

المشاركة الأصلية كتبت بواسطة ra2ouf

شكرآ على ردك .... بس أشوفهم على الطبيعة فين بس ؟ أنا رحت توكيل بروتون الموجود فى العجوزة و ملاقتش ولا عربية gen 2
هناك :019f3b~14: ملاقتش غير عربيتين بس واحدة بيرسونا و التانية ساجا ...... يعنى توكيل طويل عريض ملاقيش فية غير
عربيتين :_alshmokh08[1]:

روح الصحراوي احسن علشان تشوف اللونين هناك

-

الموضوع: القسم المخصص للشكاوى قفلنى !

LinkBack

أدوات الموضوع

عرض

-

-

-

-

-

المواضيع المتشابهه

تطبيق ساسية الاستخدام العادل ... (للشكاوى في المنتدى ) !

حصر للشكاوى و السلبيات التي حدثت اليوم اثناء عملية الاستفتاء... رجاء المشاركه

كله يقسم القسم ده بينه و بين ربنا و بعدها يستغفر ربنا ان فى يوم خالف القسم سهوا

الكلمات الدلالية لهذا الموضوع

المفضلات

المفضلات

ضوابط المشاركة