القسم المخصص للشكاوى قفلنى !

**Ra2ouf** · 12-05-2011 07:45 PM

يا أخونا أنا كنت خلاص ناوى أشترى ال Gen 2 ..... بس القسم المخصص للشكاوى لما قريتة بصراحة قفلنى من العربية بصراحة العربية حلوة وعجبانى ولما قريت عنها عجبتنى أكتر و أكتر لكن للأسف لقيت ناس كتير أوى بتشتكى و بتصوت من حاجات كتير اللى بيشتكى من عيوب صناعة فى العربية و اللى بيشتكى من التوكيل عشان قطع الغيارغالية ناااااااااار أو عشان الفنيين المسئولين عن صيانة فى التوكيل مش عارفين يصلحوا العيوب اللى ممكن تظهر مع الأستخدام .
هل المشاكل دى لسة موجودة ولا التوكيل بدأ بتحسن ؟ أرجو الأفادة.......

**AmatoALLAH** · 12-05-2011 10:17 PM

ليه بس كده

في حد بردوا يقفل من جينا :)

شوف حضرتك موضوع الشكاوي معمول من سنتين و نص و لو حضرتك قريت الموضوع كله هتلاقي في اخر سنه في تحسن ملحوظ و اي حد عنده مشكله هتلاقيها اتحلت الحمد لله

و اكيد التوكيل فيه عيوب بس بمرور الوقت بتتعدل و تتحسن

بالنسبه لقطع الغيار , الجين تو و البيرسونا اكتر عربيات في بروتون قطع غيارها متوفرة بره و بسعر يعني نقدر نقول اقرب للمتوسط و فيه حاجات غاليه لكن غاليه نااااااااار دي لا

شوف انا في حاجات بتضايقني في العربيه زي تقفيلها مش هقول وحش بس كمان مش كويس و كمان هتلاقي اصوات زئزئه كتير الاول كنت بتنرفز منها جدا لكن دلوئتي لما بسمعها و خصوصا من الدريكسيون بقعد اضحك و اقولها ادلعي عليا حقك بدروا :)

لكن في نظري دي مش عيوب بالنسبه لمميزتها التانيه و اللي خلتني اعشق الجين تو زي ثباتها الرائع و صاجها القوي ما شاء الله و تجميعا بجد تحفه و خصوصا في المانيوال احلي بكتيييييير من الاوتو , طبعا غير شكلها التحفه و موتور قوي و رهيب ما شاء الله , و علي فكره خلي بالك كتير ماجربوهاشقبل ما يشتروها و بعد ما يجربوها يقولوا عيبها ان صوت موتورها عالي جدا مع اني بحب صوته جدا

انت لازم تقرا كويس جدا عن العربية قبل ما تجيبها علشان لما تجيبها و تظهر لك حاجه بسيطة ماتقولش يا ريتني ماجبتها و طبعا استخير قبل ما تاخد اي خطوة

**Nistelrooy** · 13-05-2011 02:18 AM

مافيش حاجة كاملة .. الكمال لله .. وكلها حاجات فردية ومستحيل تتوجد في عربية واحدة .. ومعظمها مالوش تاثير خطير زي تعليق المالتي و صوت تسريب الهوا ..
وده طبيعي انك تقلق لانك دخلت قسم الشكاوي .. يعني مش هتلاقي الا مشاكل :)

بالتوفيق

**ayman_83** · 13-05-2011 02:20 AM

بص ياباشا انا كنت زيك كده وخايف اوي منها خش شوف الموضوع ده وانت هتفهمني كويس
http://www.nilemotors.net/Nile/192351-2.html

**Raul_7** · 13-05-2011 02:26 AM

والله ردود زي الفل وتعليقا على رد امة الله...العربية فعلا سواقتها ممتعة جدا في المانيوال, وبتخليك تنسى أي أصوات بسيطة طالعة من التابلوه, ولو إنت مشغل الكاسيت مش هتحس بأي حاجة.

ويا ريت حضرتك تعمل test drive وتشوف هترتحلها ولا لأ, أنا عايز اقولك إني بعد ال test drive قلت أنا مش هجيب إلا هي. :)

**أبومعاذ** · 13-05-2011 04:20 AM

طبيعي إن دا يحصل لأن القسم دا مفيهوش غير ناس بيشتكوا من مشاكل عندهم وللأسف لما بتتحل الغالبية العظمى منهم بينسوا يدخلوا يقولوا انها اتحلت فيبان للي بيقرا الموضوع إن العربية مفيهاش غير مشاكل ومبتتحلش....عموماً العربية من ناحية الاساسيات موتور و كهربا و عفشة مسمعتش حد اشتكى منها و غالبية إن لم يكن كل الشكاوى بتكون من الكماليات زي ناحية من السنتر مش شغالة او زجاج كهربا بيعلق وما شابه فلو حضرتك عايز عربية مبتحصلش فيها أي مشاكل من اي نوع يبقى بلاش الجين 2 بس لاحظ إن صعب في الفئة السعرية دي لحد 100 ألف تلاقي عربية مبيظهرش فيها مشاكل ولو بسيطة زي ما قال أحد الزملاء إن السيراتو فيها عيوب تصنيع رغم انها تفرق 25الف في السعر أما لو حضرتك مستعد تتحمل ان يحصل عندك مشكلة او اتنين صغيرين و التوكيل يحلهملك وفي المقابل العربية بتديك أداء و قوة تحمل و كل حاجة تانيةكويسة يبقى توكل على الله و استخير و هات جينا

**Ra2ouf** · 13-05-2011 10:31 PM

المشاركة الأصلية كتبت بواسطة K3A

بص يا برنس انا حجبلك م الاخر
العربية تعتبر في العموم كويسة و خصوصا لما تحسب السعر مقابل القيمة حتلاقي ان اي عربية فيها كمليات البروتون اغلى منها كتير
بالنسبة للعيوب مفيش في الدنيا حاجة كاملة او عربية من غير عيوب
اهم عيوب البروتون من وجة نظري (عارف ان كلامي مش حيعجب ناس كتير)
1- جودة الفنش والخامات المستخدمة مش اد كده
2- علبة الدركسيون فيها خبطة ولو رحت غيرتها في التوكيل 100 مرة وعملت عليها 100 تعديل حترجع الخبطة تاني بعد مدة وده عيب صناعة
3- الفرامل على الرغم ان نظمها بوش الماني الا انها غير عملية. .. بمعنى انك حتغير او على الاقل حتخرط طنابير العربية قبل 45 الف كيلو وكمان حتغير التيل بسرعة جدا في المتوسط مر ة او مرتين قبل 40 الف كيلو و المفاجأة بقى ان التيل البديل اللي زي اللى كان راكب في العربي الزيرو ب > 800 جنيه في الوكيل وانواع التيل الاخرى البديلة ياضعيفة يا اما تخرج الفرامل من الضمان
4- قطع الغيار غير متوافرة في الوكيل لموديل السنة يعني لو بتشتري 2011 ممكن متلاإيش قطع غيارها قبل 2012
هي دي اكبر عيوب العربية وده لحد تجربة بيرسونا ب 50الف كيلو تقريبا
حتسمع عيوب تانية بس معظمها حاجات تافه وبتتحل بسهولة في الوكيل
وزي ما قولت لك مفيش حاجة كاملة او عربية بلا عيوب. .... لو كنت حاطط عينك على حاجة تانية اعرف عيوبها الاول وشوف حترتاح مع مين اكتر وربنا يوفق. .. تحياتي

الله يفتح عليك يا شيخ ..... أهو أنت كدة قفلتنى أكتر

طب تسدء و تؤمن بالله .... أنا النهاردة كنت فى توكيل بروتون عشان أحجزها ولاجل البخت ملاقتش ال salesman اللى مشى بدرى عشان النهاردة خطوبة بنتة - مش عارف توكيل أية دة اللى يخلى المسئول عن المبيعات شخص واحد بس وملوش بديل - المهم دلوقتى أنا هشترى أية ؟

مفيش أدامى غير الأوبترا ........ يا أوبتراااااااااااااااااااا ااااااااااااااااااااااا

**K3A** · 14-05-2011 12:33 AM

أرجو انك تكون فهمتني صح يعني مش معنى كلامي ان البروتون بلا مزايا او ان الاوبترا بلا عيوب
اسأل كويس و اكتر من حد وياريت لو يكون ساق اكتر من عربية
ومتنساش اهم حاجه استخسر الله و توكل عليه وربنا يوفق