الحمدلله رب العالمين انقلبت بالعربيه

**mely** · 13-05-2011 12:39 PM

الف حمدالله على سلامتك
بس مستحيل انك تكون على 80 انا بدخل الملف ده بسرعة 100كم وبلانوس مش نوبيرا ومابيكونش صعب للدرجه دى اكيد فى حاجه عندك مش مظبوطه

**KHALED AYMAN** · 13-05-2011 12:48 PM

مفيش سمكرى فى مصر ..زى الخواجه الى عمل العربيه
اه فى ناس هتقدر ترجع العربيه لاصلها بنسبه كبيره جدا ..لكن مفيش زى الخواجه بردو
وبعد ما تتصلح و تصرف و تفضل رايح جاى عليها و توجع دماغك
هتلاقى نفسك موسوس ..
كل ما تسمع صوت دماغك تلف
احسبها ..هى تجيب كام دلوقت ؟؟
ولو صلحتها و جيت تبيعها تجيب كام ؟؟ ومتنساش تحط عليهم الى صرفته ..
غالبا هتلاقيها خسرانه ..
يبقى بيعها من دلوقت وريح نفسك
والحمد لله انك طلعت منها سليم

**KHALED AYMAN** · 13-05-2011 12:50 PM

المشاركة الأصلية كتبت بواسطة mely

الف حمدالله على سلامتك
بس مستحيل انك تكون على 80 انا بدخل الملف ده بسرعة 100كم وبلانوس مش نوبيرا ومابيكونش صعب للدرجه دى اكيد فى حاجه عندك مش مظبوطه

المشكله انه دخل على الواسع (قريب اوى من حرف الطريق)
وحرف الطريق ده مليان تراب ...ناعم ..بيزحلق اى عربيه
فهو لما العربيه ازحلقت ..،زلت بيه من فوق الطريق و اتقلبت تحت ...ده الى فهمته

**ahmed_mido1889** · 13-05-2011 01:15 PM

المشاركة الأصلية كتبت بواسطة khaled ayman

المشكله انه دخل على الواسع (قريب اوى من حرف الطريق)
وحرف الطريق ده مليان تراب ...ناعم ..بيزحلق اى عربيه
فهو لما العربيه ازحلقت ..،زلت بيه من فوق الطريق و اتقلبت تحت ...ده الى فهمته

هةو تقريبا ده الصح

انا بخش الحته دي وانا في الحاره الللي في النص

**kiroo** · 13-05-2011 02:55 PM

اشكر ربنا ان الكبوت بمكوناتة ماجرلووش حاجة .. لانها كدة كانت حتبقى شغل صاج و موتور و عفشة و قررررف ...
بس انا بصراحة بشجع رأى الاستاذ khaled ayman >> احسبها و شوف تكلفتها كام و شوف لو بعتها بعد التصليح برضو حتجييب كام .. و شوف الاحسن لك

**otefa** · 13-05-2011 03:10 PM

بعها بدون تردد وأرفع السعر على أد ماتقدر وربنا يعوض عليك
مهما صلحتها بقت معيوبة ولو بعتها فعلشان تخلي ذمتك لازم تصارح المشتري بعيوبها حتى بعد التصليح
المهم أنك بخير الحمد لله

**MMamdouh** · 13-05-2011 03:35 PM

قدر الله و ما شاء فعل

MMamdouh

**osama.m** · 13-05-2011 05:17 PM

اهم حاجة ان انت بخير .. و فداك العربية
احسبها و حاول تخرج منها بأقل خساير على الاقل الخساير المادية
و الحمد لله على سلامتك

**speed3001** · 13-05-2011 07:28 PM

اشكركم جميعا على ارائكم واقتراحتكم ومواساتكم وربنا يحفظنا جميعا من شر الطريق وشر انفسنا

توضيح بسيط انا كنت داخل الملف من اخر حاره على الشمال فالرمل عوم العربيه وشها راح يمين فكسرت شمال راح وش العربيه كله شمال بقيت ماشي بجمب العربيه وكانت خلاص اتعدلت بس الاسفلت كان خلص والعربيه لسه حدفه شمال تنتها تزحف كدا لحد ما نزلت عن الطريق وبدات تتشقلب لان فرق الطريق والارض الي نزلت عليها كبير فراحت مقلوبه على الجنب الشمال بعدين قلبت قلب فى الهوا وبعدين نزلت على الرفرف الشمال ورا بالطول ولفت حولين نفسها ونزلت على الاربع عجلات بس طبعا بعد تاني قلبه انا مشفتش حاجه الناس الي شافت حكتلي

بس الحمدلله رب العالمين ورجاء يا جماعه اي حد بيسوق او بيركب عربيه متنساش حزام الامان ومتستهونش بيه ابدا

انا كنت بمشي بالحزام من اول مطلع من الجراش لحد مرجع للجراش وناس تتريق وتضحك بس كنت عارف انه مهم والحمدلله رب العالمين هوه وحده الي نجاني لا حزام ولا غيره هيوقف قضاء ربنا بس لازم ناخد بالاسباب والحمدلله رب العالمين

بالنسبه للصالح العام فى الحاله الي انا فيها ان ابيع العربيه وهى كدا والحمدلله رب العالمين بس مستني اعرف ان صلحت هصلح بكام وان بعت كدا هبيع بكام

امبارح الراجل الي شافها قلي بص هديك فيها 28 وانت ان صلحتها هتصلحها ب 15 وبعد كدا حبيت تبيع هتبيع اقصاها 43 او 44 فوالله انا لسه محتار

وهى هتكلف 15 عشان كنت بفكر هصلحها يبقى اغير اي حاجه انضرت فيها موش استعدلها يعني شيل ركب جديد بس الحيره كبيره والله وربنا ان شاء الله هيحلها

مستنى برده اراكم وربنا ما يوري حد الي انا شفته ويحفظنا جميعا اللهم امين
بس يا ريت الي يعرف اسعار الحاجات الي كنت قلت عليها فى اول الموضوع يفدني برده ولكم جزيل الشكر والتقدير

-

الموضوع: الحمدلله رب العالمين انقلبت بالعربيه

LinkBack

أدوات الموضوع

عرض

-

-

-

-

-

-

-

-

المواضيع المتشابهه

توابع الحادث بعد مرور 4 شهور الحمدلله رب العالمين

عملت حادثه بالعربيه علي الصحراوي الحمدلله

صور سيارتي بعدما انقلبت على 160 كم/ساعة

الحمدلله رب العالمين استلمت امبارح الماتريكس

الكلمات الدلالية لهذا الموضوع

المفضلات

المفضلات

ضوابط المشاركة