الموضوع: هوا ليه العربيات دي مبتنزلش مصر؟؟؟

المشاركة الأصلية كتبت بواسطة MBhead

بص حضرتك ...........ماحدش ركيب حيدي لحد عربيته ...و بالذات لو حاجه كلاسيك و نادره يعني غالبا حتلاقيه مش بيطيق التراب يقف عليها
و موضوع الجمرك ملهوش اي علاقة ....القانون المصري بيمنع اي حد يجمرك عربيه الا في حال انه المالك الاول لها
اما الجديد الجمارك هيا اللي رفعه سعره
ادي شويه صور

Mustang

Dodge Charger 71

Chevy Chevelle SS 70

Plymouth Barracuda (Hemi - Cuda )70

Chevy Camaro 70's

AMC Javelin AMX 1974 نادره جدا جدا جدا جدا جدا

الحمراCorvette C3 ----الزرقا Mustang 289

Chevy Camaro Z28 V8 big Block 7400CC 300 hp ............

Pontiac FireBird 1968

رووعة رووعة روووعة روووعة بجد تسلم إيدك

المشاركة الأصلية كتبت بواسطة MBhead

طبعا يا باشا كل العربيات دي بتمشي بنزين 90 .....
العربيات دي بقي في الركوب حكااااااااااااااااايه ....كفايه بس صوت الموتور و العزم

مانا فاهم طبعآ دانا لما بحيب فيلم Blue Ray وفيه عربية من دوول بسمع الصوت ونقائه بتوهم

المشاركة الأصلية كتبت بواسطة shaddadfalcon1

في الضرائب بتدفع 2% من تمن العربيه تقل 10% كل سنه بحد ادتي 1000 جنيه
وبما ان العربيه موديل سبعينات ولا ثمانينات فهتوصل ل 1000 جنيه

أها يعني بتدفع عند كل تجديد 1000 جنيه؟؟
معلش طوول بالك معايا شوية أنا مش بفهم فالحاجات دي

المشاركة الأصلية كتبت بواسطة wassof

ياباشا معرفش هنا النظام ماشي ازاي يعي المتسوبيشي الشارك بتنزل هنا 1500 سي سي رغم ان حجمها كبير جدآآآ لكن بتنزل اقل من المتسوبيشي البومة 1600 سي سي الي اعرفة في الخليج الشارك بينزل 200 سي سي في عربيات كتير في مصر بتنزل بي مواتير اقل من شركتها الي مصممها بي الماتور الاصلي بتعها معرفش ايه السبب أعتقد لي ان هنا في تكدس سكاني وطرق ليست طرق أدامية فا اعتقد انهم مش عايزن يجبة عربيات تكون طيارات علي الارض والله اعلم

ربنا يكرمنا بقي والحاجات دي تتغير

المشاركة الأصلية كتبت بواسطة Elawany13

صباح الفل
ياباشا اقرى كلامى كويس

هههههههه بلاش باشا دي بالله عليك
ومش عارف حاسس حضرتك أخدت كلامي ليه إنه بجد وإني متعصب؟؟
عادي يعني نوبروبليم أنا مش قصدي حاجة

المشاركة الأصلية كتبت بواسطة shaddadfalcon1

بتدفع 1000 جنيه لكل سنه ترخيص يعني لورحت ترخص 3 سنين هتدفع 3000 جنيه ولما تروح بعد 3 سنين هتدفع 3000 جنيه تانيين

انا والله شايف 1000 جنيه في السنه علي اي عربيه فوق ال 2000 سي سي حلو قوي سواء جديده او قديمه

جزاك الله خيرآ علي طولة بالك والشرح الجميل ده
مش هقول غير كلمة واحدة
ربنا ع الظالم والمفتري

المشاركة الأصلية كتبت بواسطة shaddadfalcon1

جزانا واياكم اخي الكريم

الغريب انهم بيوصول الجمارك لاحيانا 600% عشان موضوع استهلاك البنزين مع ان تقدم التكتولوجيا خلي العربيات اللي مواتيرها كبيره دلوقتي بتستهلك اقل بكتيير من المواتير الصغيره القديمه
يكفي القول بان مرسيدس عامله موتور نازل في ال e63 amg & s63amg قوته 557 حصان و5500 سي سي توين تيربو ومع ذلك بيمشي حوالي 10 كيلو للتر

الاغرب ان بعد الجمارك دي يجي تاني يدفعك 2% من تمن العربيه كل سنه (تمنها اللي هو اغلي 6 مرات؟)

لو حسبنا الجمرك: ال m3 بتعمل مليون و900 الف في مصر مع ان تمنها بكل الكماليات لا يتجاوز 60 الف دولار يعني قول 350 الف مصري يعني الراجل هيدفع حوالي مليون ونص جمارك وكل ده عشان استهلاك البنزين

لو العربيه مشت 2000 كيلو كل شهر وكانت بتستلك 6 لتر بنزين في الكيلو مثلا اللي اهو اكتر بكتير من الحقيقه يبقي حوالي 333 لتر في الشهر ونقول هتاخد بنزين 92 لانها حقن طبيعي مش تيبربو يبقي حوالي 616 جنيه في الشهر ياسيدي قول 1000 جنيه بنزين كل شهر

يعني الراجل دافع تمن بنزين يكفيه 125 سنه

وييجو البهايم ياخدو منه 38 الف ضرايب كل سنه

انا معنديش مشكله اني ادفع 2% من تمن العربيه الحيقيق يعني لو هجيب ال m3 ب350 الف مش مشكله عندي ادفع 7 الاف في السنه لكن ابقي دافع قد تمن العربيه 6 مرات عشان البنزين وتيجي تاني تدفعني 2% كل سنه عشان نفس السبب يبقي ده سرقه علني

يلغو الجمارك ويخلي ال 2% دي علي كل العربيات ومش فارفه خالص لان ساعتها الكورولا عتبقي ب 60 الف مثلا ومش مشكله تدفع 1200 جنيه في السنه ونبقي زي اي بلد محترم

أنا مش عارف أقول إيه بس
تحس إن لو واحد جاب عربية هاي شوية
كإنهم بيعاقبوه

كإنهم بيقولوا إنتا تجيب عربية ليه إن شاء الله
إنتا مش شايف نص الشعب مش لاقي يأكل؟؟
ولا لاقيين سولار الأيام دي
وإنتا مبتعرفش تسوق أصلآ
طب خووووووود