الموضوع: السؤال التقليدي في مدخل الصيف, اجيب تكييف ايه ؟؟

السلام عليكم ورحمة الله
حسب تجربتى مع التكييفات افيدك عن الاتى :

يونيون اير .. سيئ للغاية ..قطع غيار رديئة وملئ بالمشاكل .. بالنسبة لخدمة العملاء او الصيانة دائما عليها ضغط وبتاخد دورك ف الصيانة خلال اسبوعين
كارير : جهاز محترم جدا ... خدمة عملاء محترمة .. تبريد ممتاز .. بقالة سنة زي الفل الحمد لله
شارب : رغم انة مجمع في مصر وبعض قطع غيارة مصرية .. الا ان الوحدة الخارجية اكبر وحدة فى الثلاث اجهزة وكجهاز ممتاز وخدمة عملاء جيدة ..تبريد رائع
هيواندي : اسمة غريب وهو تكييف مصري وللاسف خدمة عملاء سيئة للغاية ادونى مواعيد كتير ولا حد جية + قطع غيارة غير جيدة + صناعة
كورية .. وفى الاصل مكونات مصرية .. ولا انصح بة ابداَ اشتغل معايا سنة زى الفل ابتدء من السنة التانية بدء فى التراجع بالمستوى

اذن افضل الاجهزة شارب وميراكو كارير .. ولا تلتفت لاي شيئ اخر .

المشاركة الأصلية كتبت بواسطة amrelsaqqa

طيب معلش قبل ما تركب الشارب عشان انا هجيب تكييف الاسبوع ده ومش عارف اختار لسه ومحتار بين الال جى و الشارب

انت بتقول ال جى عندك
هسألك بقى
التبريد عامل ايه ؟ والصيانة عاملة ايه ؟ وهو عندك من قد ايه ؟ وكورى مستورد ولا تجميع سعودي ؟ وهل درجة تحمله عاليه ؟ وهل فطع غياره متوافرة ؟ وخدمة ما بعد البيع كويسة ؟
وايه الامكانيات اللى فيه ؟ ورقم الموديل ؟
من الاخر عايزك تقوللى كل حاجة عنه من وجهة نظرك
وربنا يتمملك على خير :)

بص انا ركبته السنة اللي فاتت فملحقتش اعمله صيانة الحمد لله , عموما هما عملوا الصيانة الدورية بتاعة تنضيف الفلاتر و الكمبرسور بس , بالنسبة للتبريد فهو ما شاء الله اكثر من رائع وهادئ تماما , وهو السعودي مش الكوري
وجهة نظري حتى الآن انه كويس , وعايز اقولك على حاجة كل الناس اللي اتكلمت معاهم بخصوص التكييف بيشكروا فيه جدا , بس خايفين من موضوع قطع الغيار في المستقبل , بسبب ان الكرافت السعودي لما نزل الناس كلها شكرت فيه بس واجهتهم بعد كده مشكلة في قطع الغيار , بس سمعت ان فيه مصنع تكييفات خاص بإل جي بيتعمل في مصر , فالكلام ده لو مضبوط يبقى كده مفيش خوف من قطع الغيار .. بص استخير وتوكل على الله وربنا يوفقك للخير ..

السلام عليكم و رحمة الله و بركاته

احنا من حوالى سنتين بالظبط (5-2009), كنا اشترينا جهازين شارب, واحد 1.5 حصان و ده كان فى أوضة نوم و التانى كان حوالى 3 حصان و ده كان فى جزء من الصالة, بس قصة أن جودة الشارب قلت عشان بقى صينى, أنا لا أعتقد أن محمود العربى اللى واخد توكيل الSharp يسمح بأن منتجاته تكون سيئة السمعة و الجودة.

و بصراحة التكيفين شغالين معانا Very well.

انا كنت سألت توكيل شارب عن الاسعار
طبعا على شهر 4 الاسعار زودوها عن اللي قالوهالي الاول
بالنسبة للتوكيل فهو ازيد تقريبا 100 في كل جهاز عن الموزع

الموزعين

ال2.25 حصان
ah-ap18 4400
4700


ah-ap18-hi 4700
5000

طبعا الرقم الاول للبارد فقط والثاني للبارد والساخن

انا كنت عاوزة اعرف هل الاسعار دي كويسة والا فيه ناس ممكن تديهولي بسعر احسن؟

الحاجة التانية ازاي تعرفوا الموزع المعتمد ؟ لان التوكيل كانوا مش ملتزمين بالمواعيد اللي بيدوهالي وماردوش يدوني اسماء الموزعين المعتمدين
!!!!

الحاجة الثالثة
البارد بس احسن والا البارد-ساخن؟

واخر حاجة حد يعرف موزع معتمد عنده ضمير في الاسكندرية !!؟

جزاك الله خيرا

التعامل مع التوكيل بالتأكيد بالتليفون وفيه موزعين في المحافظات !!!


طيب ممكن اعرف اسعار الموديلات دي عنده ايه؟

وهل عند حضرتك اجابة لبقية اسئلتي؟

وبالنسبة ل ال جي الراجل قال لي هو كويس لكن عمليا حيتعبك عشان قطع الغيار مش متوفرة !!! الكلام ده صح ؟