الحمد لله عملت شوية كماليات للعربية بولو 2001

**mrekaby** · 03-04-2011 03:12 PM

بالتوفيق من الله سبحانه و تعالى ثم من كمية المعلومات الضخمة اللى فى المنتدى عملت شوية أضافات فى البولو 2001 بتاعتي :
1- تغيير الزجاج الامامي من عادى الى كهرباء
التفاصيل : تغيير فرش الباب الامامى الجانبين و اشترى الفرش بالماكينات الكهرباء و طبعا الدفيرة الكاملة و حاجة مهمة قوي الفيشة اللى قايم العربية الامامى و عشان التركيب يبقى على نظافة أنا قعدت أبحث حتى وجدت اللون المناسب للفرش اللى عندى ( فيرانى ) و أيضا عملت السنتر على مجموعة الزراير اللى موجودة
التكلفة: فرش الباب الجديد + الفيشة 1200 جم بدون مقايضة القطع القديمة المكان الحرفيين

بالنسبة لمكن الزجاج الكهرباء لا ينفع على الفرش العادى -حسب علمى - لان مفيش مكان لمجموعة الزراير
و الفرش اللى تجيبه يبقى شامل المكن الكهرباء و مجموعة الزراير و فيه سنتر كمان ودى صور البابين

2- تركيب فوجات أمامية
التفاصيل : تغيير القطعتين اللى فى الاكصدام الامامى و استبدالهما القطعتين اللى فيهم فوجات طبعا استلزم الامر تغيير زر النور اللى فى التابلوه بأخر فى امكانية أضافة الفوجات
التكلفة : الفوجين و الزر 275 جم بدون مقايضة القطع القديمة المكان الحرفيين

3- تغيير الجنوط من 13 : 14
الحمد لله بعد بحث مدة جبت الجنوط الاصلية بتاعها فولكس واجن ريش عريضة و عليها طابات كبس فولكس ( زى تباعة البورا ) صناعتها ألمانى دى لسه ماركبتش عشان الرصيد لا يسمح و عايز طبعا ان شاء الله اجيب الكاوتش المناسب ليها ( 14 - 185-55 ) و طبعا زى ما قال محمد مصطفى بعد عكس البيض بتاع المقصات
التكلفة : الجنوط 950 جم المكان بورسعيد ( لسه امبارح )

فى وسط الزحمة غيرت الكباس بواحد استيراد ( 550 جم ) بس الحمد ممتاز حتى الان و طبعا شحنت الفريون و غسلت السربتينة و كان عندى العوامة مش مضبوطة عملتها بالمرة كل الحاجات دى مصنعيتها مع تركيب الزجاج و الفوجين ( 200 جم الكهربائى + 230 تباع التكييف )

التكلفة الاجمالية حوالى 3500 جم ممكن الاسعار تبقى غالية بس اتا و الله ما فصلت غير فى الجنوط ( يعنى الحمعية عشان ضبط العربية )
معليش انا صورت كل الحاجات بعد تركيبها بس ميش عارف أرفعها اللى محتاجها يبتعللى على الخاص و أخيراً شكرا خاص لكل من محمد مصطفى و المهندس أسامة اللى قرأيت كل مشاركاتهم حتى أوصل الى المعرفة دى معليش طوات عليكم

تم دمج الصور بالموضوع
مشرف القسم

**M.Mostafa80** · 03-04-2011 04:08 PM

مبروك عليك كل التعديلات وربنا يباركلك فيها ويحفظهالك من شر العين
متنساش تعمل حاجه لله بجمله المصاريف ربنا يوفقك

**mrekaby** · 03-04-2011 04:46 PM

ان شاء الله وجزاك الله خيراً وربنا يباركلنا فيها ويحفظنا من شر العين آمييييييييييييين

**OSaMa.GHaMrY** · 03-04-2011 08:52 PM

ماشاء الله
ربنا يباركلك فيها يارب

**dr_radioooooo** · 03-04-2011 08:56 PM

مبروك عليك يا باشا
ممكن اعرف جبت فرش الباب منين
و الجنوط متوفرة فى القاهرة و يا ترى لما بتشتريهم بتكشف عليهم ازاى

**mrekaby** · 03-04-2011 11:56 PM

أشكركم و الله يبارك فيكم بالنسبة للفرش لقيته عند مجدي البيومي في الحرفيين بس طول بالك لحد ما يلقي طقم كامل اما بالنسبة الحنوط صدقني دورت في الحرفيين و شارع احمد سعيد بس دائما ما تلقي جنوط غير جيدة يعني سعر عال+ جنط عادي او جنط اوربي بس ميش كويس فذهبت الي بورسعيد و ربنا وافقني فيهم بعد شويه تدوير وبالنسبة للكشف كشف ظاهري ( ميش لحامات او اعوجاج ) و عند تباع كاوتش للزيادة و قبل ذلك التوفيق من الله أولاً وأخيراً.

**أبو_حمزة** · 04-04-2011 01:08 PM

هل الفرش كان مفيش فيه و لا خدش؟
أصل انا من زمان عاير اعمل الترويقة دى بس مستحرم ادفع المبلغ ده و اخد الفرش فيه اى عيب و لو صغير
و كمان الفيشة بتاعة القايم هل بناخدها لوحدها واللا باقى الضفيرة الداخلة عليها و التويصلات كان ايه اخبارها
انا فى واحد اعرفه لقيت عنده الفرش بمستلزاته كلها بس مفيش عنده كهربائى فلو اخدت منه ها اركب بره بس سعره كويس و با افكر ادوس و عايز اعرف كل تفاصيل التركيب

**mgo13** · 04-04-2011 01:23 PM

الف مبروك يا غالي وربنا يباركلك فيها ويحفظها وبراحتك شوية في المصاريف علشان العربية متسحبش كل اللي معك اعمل اولويات .

**MohssenRashed** · 04-04-2011 01:46 PM

مبروك ياباشا

**mrekaby** · 04-04-2011 03:18 PM

شكراً يا migo13 باشا الله يبارك فيك - mohssenrashed شكراً يا باشا على النصيحة الغالية
الأخ أبو حمزة الفرش استيراد طبعاً حالته عامةً ممتازة بس البلاستيكات ( اليد + لوحة المفاتيح فيها شوية خرابيش بس دى أمر طبيعى فى البضاعة الاستيراد بس جيدين)
أما عن فيشة القايم بلاسيتك بها الضفيرة منها الى الداخل تركب فى المقابل مع الضفيرة اللى فى الفرش بس انت و شطارتك ممكن تأخدها وحدها بس بسعر حنين و يمكن مع الحاجة
و الفرش بيبقى معه كل التوصيلات و التركيب بسيط بمعنى الكلمة و ميش بيخد وقت مجرد عملية احلال و المصنعية لن تتعدى 100 جم مكسيم بس عند كهربائى بتاع فولكس مهم جداً بس انا دفعت أكتر عشان عملت حاجات تانية
بس بجد الموضوع يستاهل

الموضوع: الحمد لله عملت شوية كماليات للعربية بولو 2001

LinkBack

أدوات الموضوع

عرض

-

-

-

-

-

-

المواضيع المتشابهه

اشتري بولو 2001 ولا بولو 2003 عيون

عملت باد بوي للعربية الحمد لله

استفسار بخصوص كماليات للعربية ...عااااجل جداا

تركب ايه؟:ابيزا 2001-بولو 2001-فابيا 2003-بيكانتو 2005؟

مقارنة بين ثلاثة أنواع : بولو 2001 & أسترا 2001 & لانسر 2000

الكلمات الدلالية لهذا الموضوع

المفضلات

المفضلات

ضوابط المشاركة