سؤال في حرارة ال 405

**Omar_H** · 14-05-2011 06:21 PM

السلام عليكم يا رجالة

أنا كنت عايز أعرف هي الحرارة الطبيعية لل 405 ال 1.6 كام ؟؟ مش هي المفروض عند ال 90 كده يعني المؤشر يبقى في النص ؟؟

أصل أنا عندي العربية معظم الوقت متلجة والحرارة 70 أو أقل و بتعلى شوية لو يوم حر قوي مثلا .. و هو مش المفروض إن المراوح تشتغل أما الحرارة تقرب من ال 90 ؟؟ وتفصل لما تنزل عن ال 90 سِنة ؟؟ أنا لاحظت عندي بتفضل شغالة لحد ماتنزل الحرارة لحد 70 تقريبا

فلو كده يبقى إيه السبب ؟؟ مع العلم إني شفت ترموستات الكوعة و راكب وشغال ...

و زي ما أنا قريت هنا في المنتدى إن العربية ليها حرارة المفروض تشتغل عندها مش شطارة إن العربية تبقى متلجة كده و فعلا أنا فاكر زمان أما كانت الحرارة بتبقى عند ال 90 العربية كان سحبها بيبقى أحسن و الموتور صوته انعم و اهتزازه أقل
هو من ساعة ما مرة الحاج راح لواحد بتاع رادياتيرات ينضف الرادياتر والعربية بقت متلجة كده

**karimmagdy50** · 15-05-2011 07:18 PM

على فكرة العربية دى فيها 2 مروحة
واحدة بتشتغل عند 70
التانية بتشتغل عند97
وتفضل شغالة لحد مترجع الحرارة كما كانت الربية
الموضوع ده ممكن يكون الساعة بتاعت الحرارة شغالة على البطى
الكهربائى هو اللى هايعرف الكلام ده وبالتوفيق

**boody504** · 15-05-2011 09:10 PM

علي فكرة المروحتين بيشتغلوا مع بعض وانا كان عندي الموضوع دا في العربية الحرارة بتوصل النص وبعدين المراوح تشتغل بس ساعات كانت بتعدي النص بشوية فانا لقيت الحساس اللي نازل من عند الكربيراتير مفصور فركبتة بس دلوقتي الحرارة مش بتعدي ال70 حتي ووهي العربية مبطلة المروحة بتفضل شغالة لحد ما الحرارة تنزل خالص لو حد يعرف حاجة تانية ياريت يفدنا

**Omar_H** · 17-05-2011 11:44 PM

واضح يا رجالة إنكم عندكم نفس المشكلة .... يا ريت حد يفيدنا ياخوانا في القسم ... هي العربية طبيعي تبقى متلجة كده ؟؟؟

**mohamedadelemam** · 18-05-2011 03:09 AM

السلام عليكم..درجة حرارة التشغيل بعد التجربة للحصول على أحسن أداء وإستهلاك وقود هى عند حوالى 70...ودى والله عن تجربة شيل ورجوع كوعة الترموستات كذا مرة إلا أن إستقريت إنى أشيلها وأخلى الحرارة دايما على 70...

**the-hero** · 18-05-2011 06:01 PM

سواء 70 او 90 فده ممكن يتوقف على نوع كتاوت الباترون اللى بتنظم الموضوع ده وكمان الثيرموستات وكمان نوع الريداتير وكل ده بيختلف باختلاف موديلات واصدارات ال 405 المختلفة
بس تقريبا المهم ان دورة التبريد بتكون بتعمل بكفائة فى صورتها الطبيعية ودة بفحص الريداتير والحساسات وساعة الحرارة وكتاوت الباترون بمعنى
المروحتين بيشتغلوا مع بعض سواء فى السرعة البطيئة او السريعة
شغل السرعة البطيئة دائما مع الفصل والتشغيل الاوتوماتيكي حتى لو العربية مبطلة
السرعة السرية عند ارتفاع درجة الحرارة سواء اضطراري او مع المكييف

**Unendlich** · 18-05-2011 11:58 PM

المشاركة الأصلية كتبت بواسطة mohamedadelemam

السلام عليكم..درجة حرارة التشغيل بعد التجربة للحصول على أحسن أداء وإستهلاك وقود هى عند حوالى 70...ودى والله عن تجربة شيل ورجوع كوعة الترموستات كذا مرة إلا أن إستقريت إنى أشيلها وأخلى الحرارة دايما على 70...

يؤسفنى إني اقولك إن ده كلام خاطيء

كل البيجو من أواخر الثمانينيات شغال على درجة حرارة موحدة وهي 88

حركة شيل الثرموستات دي افتكاسة مصري لما الصنايعي ميبقاش لاقي سبب المشكلة , يقولك شيل الثرموستات

اللي صنع العربية مش حمار عشان يحطه, هو حاطه لسبب و هو إنه يحافظ على درجة حرارة ثابتة في مختلف ظروف التشغيل و اللي هي أريّح حرارة للموتور مش تمشي في الزحمة تسخن و تطلع على الطريق السريع تنزل ل70

**mohamedadelemam** · 19-05-2011 02:00 AM

السلام عليكم..حضراتكم موضوع كوعة الترموستات كتر أوى الكلام عليه هنا فى المنتدى..بس أنا مش بجيب كلام ميكانيكية والكلام الفارغ دا..دا كلام صديق مهندس ألمانى...والدليل إن الحرارة عندى ثابتى على 70 فى كل الأحوال..لا زيادة ولا نقص..وبعدين بغض النظر إيه اللى يخلينى أعرض الزيت للسخونية وضياع لزوجته والضغط على وش السلندر بالحرارة العالية ...وهى كدا ماشاء الله كمان أحسن وصوتها أوطى وأنعم ...وبالمناسبة لو حضرتك حابب موضوع ترموستات الكوعة فلازم حضرتك تشترى النحاس مش الألمونيوم اللى غالبا بيتباع هنا لأن الألمونيوم بيفتح عند 92 أما النحاس فدا فعلا بيفتح عند 85 زى ما حضرتك قلت...

**mamado405** · 19-05-2011 08:48 AM

اتمني لو حد عنده الكتالوج يقول لنا او حد من توكيل بيجو يقول لنا رأي علمي عشان موضوع الحراره دا مهم جدا

**Unendlich** · 19-05-2011 02:41 PM

لأ طالما هو الماني يبقى أكيد بيفهم

بس ياريت المرة الجاية لما تشوفه تسأله ليه جميع شركات السيارات (و من ضمنها الشركات الألمانية ) حاطينه في عربياتهم وكله شغال عند ال90 تقريبا

أكيد كلهم مبيفهموش حاجة

عامة لما الناس بتصدق حكاية الثرموستات دي و يشيلوه بتبقى مصلحة بالنسبة لي, ده أنا جبت 2 استيراد بـ5 جنيه عشان الراجل عارف إن ماحدش بيعوزه وانا فهمته إني هلعب بيه و إني أكيد مش هركبه في العربية زي ما كان الخواجة الجاهل عامل

اللهم بلغت اللهم فاشهد و كل واحد أدرى بـمصلحته

الموضوع: سؤال في حرارة ال 405

LinkBack

أدوات الموضوع

عرض

-

-

-

-

المواضيع المتشابهه

سؤال بخصوص مؤشر حرارة فيلشيا 96

سؤال بخصوص عداد حرارة النيسان صنى2012

سؤال بخصوص مؤشر حرارة اللوجان

سؤال بخصوص حرارة الشاهين ؟؟ مشكلة محيرة ؟؟

حرارة الموتور الخارجية (حرارة عالية خارجة من الكبوت).........

الكلمات الدلالية لهذا الموضوع

المفضلات

المفضلات

ضوابط المشاركة