الموضوع: احساس بالغرور

المشاركة الأصلية كتبت بواسطة Hassan Khalil

بالنسبة لغرور العربيات ..

حاليا مش معايا عربية .. لكن بركب كتير .. و كلها حديثة و لله الحمد ..ساعات و الله و انا خارج الصبح اقوم امر عمدا علي محطة الاتوبيس اللي جنب البيت .. يمكن الاقي حد اعرفه يكون في طريقي ..

انت عارف يا حسن . انا و اخويا لما كنا بنبقي راجعين من الكلية كنا بتعدي دايما من الحتة اللى كل الناس اللى رايحين المعادى واقفين مستنيين ال cta كان هو يتعمد يلف من حتة تانية عشان وجع الدماغ بتاعى :D اول ما كنا نقرب اقوله هديييييي هدييييييي بص فى واحدة كانت بتاخد معايا درس اقتصاد وقفة اهيه مستنية ال cta:D:D استني ناخدها معانا

بجد الواحد عشان عارف البهدلة بتاعة ال cta و ازاى البنات بتتبهدل و بشوف بعيني فبيصعب عليه والله وقفتهم كدة . بجد الواحد كان بيبقي مروح كاره الدنيا و كاره العيشة و كاره التعليم و كاره قاسم امين :D

المشاركة الأصلية كتبت بواسطة onna

بجد الواحد عشان عارف البهدلة بتاعة ال cta و ازاى البنات بتتبهدل و بشوف بعيني فبيصعب عليه والله وقفتهم كدة .

انتي هاتقوليليييييي
ده السي تي ايه بتاعكم ده انا ركبته 8 شهور أيام ما كنت ساكن في المعادي وشغلي في المهندسين شفت فيهم الوييييييييييييل

لما الغرور؟ من اجل سيارة ؟ الحمد لله على نعمتة
يا ترى لو ربنا كرمك واصبحت احمد عز ولا ساويرس هتعمل اية هتركب طيارة وتدلدل رجليك ولا اية ؟
اللهم اكفنا شر الغرور والمغرورين

المشاركة الأصلية كتبت بواسطة alijandroo

انتي هاتقوليليييييي
ده السي تي ايه بتاعكم ده انا ركبته 8 شهور أيام ما كنت ساكن في المعادي وشغلي في المهندسين شفت فيهم الوييييييييييييل

حاجة تحرق الدم فعلاا

انا شفت الويل و سواد اليل بس انا كنت دايما بروح و ارجع مع اخويا الحمد لله و نادر جداا لما اتحوج

لل سي تي زفت دة

عايز الحق بصراحة بحس إنى إقطاعى قذر ..راكب عربية ومشغل التكيف والناس واقفة فى الشارع فى الحر مستنين موصلة يركبوها ...

المشاركة الأصلية كتبت بواسطة mbluethunder7000

الغرور

صفة مستحيل التقألم معاها بتاتا وليست حاله ترتبط بموقف معين. وخاصة عندما تتعامل مع شخص يثق في نفسه ثقه عمياء للدرجه التي تشعر إنك أمام شخصيه مغروره إلى أقصى درجه ممكنه.

أنا الحمد لله عمري ماحسيت الإحساس ده ومش هاقدر أنكر إن ده شعور ممكن ينتاب أي شخص بس الواحد بيحاول بشتى الطرق إنه يبتعد عنه لأنه شعور مؤذي

بالنسبه لموضوع العربيه ده والغرور المصاحب لركوبها فهناك حالات مختلفه هاتكتشف منها إن الغرور ده صعب اوي إنه ينحصر في حاله واحده ( زي العربيه ) ذي :

الحاله 1 :غرور الشخص الذي يسير على قدميه تجاه الشخص العاجز الذي لا يستطيع السير
الحاله 2 : غرور الشخص الذي يركب دراجه سواء بخاريه او عاديه تجاه الشخص الذي يسير على قدميه
الحاله 3 : غرور الشخص الذي يركب المواصلات العامه تجاه غيره اللي لسه بيمشي على رجليه
الحاله 4: غرور الشخص اللي راكب سيات أو 128 تجاه اللي راكي دراجه بخاريه
الحاله 5: غرور الشخص اللي راكب موديل أحسن وأحدث من الموديل اللي راكبه واحد صاحبه
الحاله 6 : غرور الشخص اللي حاطط أي sticker خاص بالداخليه أو بالعدل أو بالشرطه أو أي حاجه تديله بريستيج وهيبه وسط الشعب الغلبان
الحاله 7: غرور الشخص اللي جايب هامر ولا فيراري ولا بورش ولا أي عربيه اللي من الصعب تلقيهم هنا وشايف نفسه إنه جاب اللي مافيش حد في مصر يقدر يجيبه
الحاله 8: غرور الشخص اللي بيسوق مقطوره ولا تريله ولا اتوبيس ومستتخن نفسه وبياخد غرز وسط الغلابه اللي معاهم bmw ومرسيدس وأي موديلات تانيه
الحاله 9: غرور الشخص اللي مركب dvd تجاه الشخص اللي شغال على شرايط كاسيت وغيره من الأكسسوارات
الحاله 10: غرور شخص جايب عربيه ب 100000 جنيه تجاه آخر ياعيني جايب عربيه ب 95000 وكله ده علشان جايب عربيه اغلى منه ب 5000 جنيه بس
الحاله 11: غرور شخص راح خلص ورقه كله في المرور سواء ترخيص او رخص بالواسطه أو بالمعرفه تجاه شخص آخر قاعد مستني دوره في طابور المحتاسين
الحاله 12: غرور شخص عرف يركب طياره تجاه شخص مش عارف يركب toktok حته
الحاله 13: غرور شخص معاه 3 أو 4 عربيات في البيت لكل فرد في العيله تجاه شخص معاه عربيه واحده طلعان عينيها مع كل فرد في العيله
الحاله 14: غرور شخص بيروح يصلح عربيته في التوكيل تجاه شخص بيروح يتبهدل عند الميكانيكيه ( فكرتني النقطه ده بالأعلان بتاع هيونداي .. ياباشا قول 600 بس راضي الرجاله ..:D )
الحاله 15: غرور شخص جايب عربيه جديده على الزيرو هو وواحد صاحبه .. صاحبه عمل حادثه وعربيته بقى ملهاش ملامح وهو ذي ماهو
الحاله 16 : غرور شخص راكب عربيه جديده وطاير بيها على الصحراوي تجاه آخر ياعيني العربيه بتاعته يدوبك جايبه 80 بالعافيه
الحاله 17 : غرور شخص راكب عربيه جديده وواحد صاحبه معاه عربيه قديمه طلعان عينيها ويجوا يمشوا ورا بعض علشان رايحين مشوار مثلا .. يجي اللي راكب عربيه جديده يقول لنفسه تجاه صاحبه ( ياعم إتحرك شويه .. آيه البطئ ده .. ياعم بيع العربيه ده وإخلص منها )
الحاله 18: غرور شخص بيحط في عربيته بنزين 95 تجاه آخر بيحط 90 ولا سولار حتى
الحاله 19 : غرور شخص تجاه آخر وقفوا هما الأتنين في كمين علشان السرعه .. واحد خلص أموره علطول بمكلمتين تليفون على السريع أو بورقتين أخضر وبرده على السريع.. والتاني طلعان عينه مع البيه المأمور علشان مش عارف يظبط حاله
الحاله 20: غرور الشخص اللي عنده نزعة البوز بيز وبيتعامل بيها علطول حتى مع سواقين الكارو

وحالات تانيه كتيييير أوي

وعلشان كده السؤال الصح من وجهة نظري هو :

هل ينتابك الغرور أو الشعور به للحظات خلال حياتك اليوميه ام لا ؟ وما هي المواقف التي شعرت فيها بذلك الإحساس؟ وماذا تفعل لكي تتفادي هذا الشعور ؟

ده دراسة فنية معملية فذة بصراحة ....ربنا يبعد عنا الغرور ...بس فعلا زي ما بعض الناس قالوا ..لازم الواحد يربى نفسه ضد الغرور ....بإنك تكسرها شوية بحاجة ضد طبعتك