احساس بالغرور

**mbluethunder** · 22-04-2008 12:04 AM

المشاركة الأصلية كتبت بواسطة onna

انا مركبتش عربية جديدة قبل كدة كان كله مستعمل ...دة اللى مخوفنى مووووووووووت من انى اشتري عربية

مش عارفة ليه مضايقة .. و بعد ما كنت عمالة ازن على التوكيل على عربيتي دلوقتى لما كلمونى عشان استلم اضايقت جدااااااااا و مش عايزة اروح اجيبها

هى مش مسالة غرور خالص بس مش عارفة ليه حساه سفه !! جايلي هاجس كده انه حرام اوى الواحد يجيب عربية بسعر عالى لو ممكن يجيب حاجة تانية بسعر اقل و يتصدق بباقى الفلوس .. مش عارفة بس مضايقة اوى بجد ..

لا حول ولا قوة إلا بالله

لييه كده .. أيه اللي حاصلك .. واضح إنها عين

**kemoelord** · 22-04-2008 12:04 AM

Niceeeeeeeeee
ههههههههههههههههههه

**kemoelord** · 22-04-2008 12:07 AM

فعلا كلامك مقنع ورائع جدا يا استاذ " محمد علاء " بس كان فيه نقط ضحكتني :d

**maka** · 22-04-2008 12:16 AM

المشاركة الأصلية كتبت بواسطة mbluethunder7000

الحاله 20: غرور الشخص اللي عنده نزعة البوز بيز وبيتعامل بيها علطول حتى مع سواقين الكارو

هل ينتابك الغرور أو الشعور به للحظات خلال حياتك اليوميه ام لا ؟ وما هي المواقف التي شعرت فيها بذلك الإحساس؟ وماذا تفعل لكي تتفادي هذا الشعور ؟

هو مش غرور اد ماهو حب انى اكسر على الماشى جنبى بس طبعا بحرفنة مش تنحة(بس لا الكارو

ولا الميكروباص) انا عارف ان هى حاجة مش ظريفة لكن والله انا ركنت العربية اسبوع علشان

ابطالها الحمد الله بطلتها بس بدات ارجعلها تانى ده حتى لو حد شد معايا بسيبوا ومرداش اشد معه

بس لو قبلته بعد كده فى حتة زحمة بطلع عينه ;)

بس اوعدكوا هحاول ابطلها نهائيا :)

**mada121977** · 22-04-2008 12:23 AM

فيه مبدأ مهم جداااا بامشى بيه فى الحياه وهو (بص للى تحت منك وماتبصش للى فوقك) والرسول عليه افضل الصلاه والسلام كان قال المعنى ده فى حديث شريف بس انا مش فاكر نصه بصراحه دلوقتى
يعنى دايما فكر فى الناس اللى انتا ربنا فضلك عليهم وادالك عربيه ايا كانت نوعها وممكن يكون فيهم ناس اقرب الى الله منك وفى مرتبه اعلى من مراتب الايمان بس هوا فضلك عليهم لحكمته وتقديره وماتبص خالص للى اعلى منك فى الفلوس او الجاه علشان ماتملاش قلبك بالحسد والحقد وماتنساش فضل ربنا سبحانه وتعالى عليك

**tutankhamoun** · 22-04-2008 12:33 AM

الواحد بيكون خايف على العربية لتتخبط ........ مش غرور

**mbluethunder** · 22-04-2008 12:41 AM

المشاركة الأصلية كتبت بواسطة maka

ده حتى لو حد شد معايا بسيبوا ومرداش اشد معه

بس لو قبلته بعد كده فى حتة زحمة بطلع عينه ;)

بس اوعدكوا هحاول ابطلها نهائيا :)

أعتقد إن ده برده يعتبر شعور بالغرور الذي يتملك الشخصيه في لحظه معينه

ليييييييييييييييييييييييي ييييييه

إنت ماشي في امان الله .. لقيت واحد بيشد جانبك وقاعد ياخد في غرز يمين شمال يمين شمال .... إنت ربنا أكرمك بنعمة الهدوء والقدره على التفكير المنطقي وقدرت تتمالك نفسك وماخليتشي الشعور ده يتملكك

فجأه وبقدرة قادر .. تلاقي الأنا الداخليه اللي موجوده في كل إنسان بتقله ( هو إنت هاتسيبه يشد جانبك كده وياخد غرز قدامك وإنت ساكت وماتعملشي حاجه ... هو إنت فاكر عربيتك أقل منه ولا إيه.. يابني شد معاه ومتخلهوش ياخد في نفسه قلم كده ويفتكر نفسه ياما هنا ياما هناك ) والموضوع ده بيزيد لو جانبك واحد صحبك بقى وبيسخنك او مجموعة صحاب ( ده بقى المشكله الكبرى ) لأنك لو قدرت إنك تتمالك نفسك لوحدك هاتلاقي الصحاب بيعكسوا الموضوع ده بقوه والفاصل في الموضوع ده هو قوة الأراده والتفكير الصحيح

وهب تلاقي الأنا الداخليه طلعت على سطح الشخصيه وغلفتها تمام وفي اللحظه ده هاتحس بإحساس الغرور طلع فجأه وهايزيد لو حصل وشديت معاه وطلعت أحسن منه .. وقتها الإحساس ده هايتعاظم ويكبر

للأسف الشديد في بعض الأحيان بتبقى نهاية الموضوع ده أليمه لو حصل حادثه لا قدر الله

علشان كده الواحد لازم ولا بد يتمالك نفسه جامد ويركز أوي مع الأنا الداخليه بتاعته ومايخلهاش تغلبه أبدا

وذي ما قلت قبل كده .. الغرور ده بيشعر بيه كل إنسان .. بس الشطاره إنك تغلبه مش العكس:)

يارب تبطلها خالص .. بجد ده احسن وأامن ليك وللي راكب معاك

**mbluethunder** · 22-04-2008 12:44 AM

المشاركة الأصلية كتبت بواسطة kemoelord

فعلا كلامك مقنع ورائع جدا يا استاذ " محمد علاء " بس كان فيه نقط ضحكتني :d

ربنا يخليك ... بس للأسف هو ده اللي بيحصل فعليا في الزمن بتعنا

**Noha.M** · 22-04-2008 12:49 AM

:( rabena yb3d 3anna el gorour ya rab.sorry ana dakhla men el mobil we mesh fih arabic

**mbluethunder** · 22-04-2008 12:59 AM

المشاركة الأصلية كتبت بواسطة mada121977

فيه مبدأ مهم جداااا بامشى بيه فى الحياه وهو (بص للى تحت منك وماتبصش للى فوقك) والرسول عليه افضل الصلاه والسلام كان قال المعنى ده فى حديث شريف بس انا مش فاكر نصه بصراحه دلوقتى
يعنى دايما فكر فى الناس اللى انتا ربنا فضلك عليهم وادالك عربيه ايا كانت نوعها وممكن يكون فيهم ناس اقرب الى الله منك وفى مرتبه اعلى من مراتب الايمان بس هوا فضلك عليهم لحكمته وتقديره وماتبص خالص للى اعلى منك فى الفلوس او الجاه علشان ماتملاش قلبك بالحسد والحقد وماتنساش فضل ربنا سبحانه وتعالى عليك

الله ينور عليك

هو ده الكلام الصح

بس على فكره .. لازم الإنسان برده يبص للي تحت منه وللي فوقيه

اللي تحت منه ... هايخليه يحس من جواه بالنعم اللي ربنا أنعمها عليه وفضله عن غيره

اللي فوق منه ... هايخليه يتحفز إنه يعمل بجد وبإخلاص علشان ربنا يكرمه ويحققله اللي نفسه فيه .. لأن أي إنسان بيبقى عنده طموح واهداف عايز يحققها ودائما يتمنى من الله أن يحقق له طموحاته واهدافه ( بس من غير حسد او حقد ) لأن الإنسان ده هايبقى عايز يحقق ذاته مش يتمنى للي فوقيه إنه يبقى زيه وأقل منه .. لأن لو حصل كده .. إحساس الغرور هايتملكه بشده ولن يستطيع التغلب عليه

قوة إيمان الإنسان وقوة إيرادته وتفكيره المنطقي هما اللي يقدروا يخلوه يبتعد عن هذا الشعور ويتغلب عليه في كل مره يحاول إنه يتقرب منه

الموضوع: احساس بالغرور

LinkBack

أدوات الموضوع

عرض

-

-

-

-

-

-

-

المواضيع المتشابهه

احساس بالارهاق

احساس بالاحباط

دائما متهم بالغرور والتناكه , أعمل ايه ؟؟

احساس جامد ! احساس منعش ! احساس الAirbags في وشك !

الكلمات الدلالية لهذا الموضوع

المفضلات

المفضلات

ضوابط المشاركة