المشاركة الأصلية كتبت بواسطة m_sallam
اللوجان فرنساوى تقفيل مصنع رينو ( صوماكا ) بالدار البيضاء بالمغرب , اما الساجا ماليزى تقفيل ماليزى يعنى انا شايف ان التقفيل و الصناعة من حق اللوجان
الفرق مش كبير زى ما انت متخيل الصناعة المليزية حاليا ليها احترامها بردو ولاحظ ان اللوجان بتتقفل فى المغرب مش فى فرنسا مع كامل احترامى للاشراف الفرنسى
ولعلمك اللوجان اصلها رومانى مع كامل احترامى بردو للاشراف الفرنسى و لبعض القطع الفرنسية الصنع
من حيث الأنتشار اللوجان تكسب بمراااااااااحل لأنها اكتسحت السوق خلال سنتين فقط
من حيث التوكيل اللوجان تكسب لأن اللوجان توكيلها محترم للغاية
من حيث نعومة العفشة اللوجان تكسب لأن اللوجان عفشتها ريشة و الكل اجمع على كدة
انتشار اللوجان فى خلال سنتين حتى الان لم يجنى ثماره .. التوكيل حاليا عليه علامات استفهام كتييير مش مننا احنا وبس لا دة من الشركة الام كمان
من حيث الموتور اللوجان تكسب لأن موتور اللوجان 1600 اما الساجا 1300 خصوصا كمان لما تشغل التكيف فى الساجا اكيد هيأثر على الموتور جامد
اى عربية التكييف بيأثر على سحبها والعربيتين سحبهم كويس ومواتيرهم محترمة جدا
مع احترامى لحضرتك لكن دة مش عيب فى اى عربية فيهم
من حيث الوسع و الشنطة اللوجان تتفوق بمراحل مساحة شنطة اللوجان رهيبة 510 لتر ما شاء الله
من حيث التسارع اللوجان تتفوق من 0 - 100 خلال 11.5 ثانية اما الساجا 15 ثانية ...
الثبات من صالح اللوجان انا جبت بيها 170 و كانت ثابتة بشكل راااااااائع
مفهوم الثبات يختلف من شخص لاخر ممكن واحد تانى يمشى على نفس السرعة دى يقولك مافيش اى ثبات
وحجم الشنطة ممكن يكون مش محتاجه طيب ما فى ناس بتشترى عربية هاتش باك بنفس السعر
سعر اعادة البيع و انتشار قطع الغيار من حق اللوجان
لسة مش واضح وممكن فى حملة زى اللى احنا عاملينها دى يخسف بسعر اعادة بيعها الارض
المواد الداخلية للصالون و التابلوه من حق اللوجان
الصاج من حق اللوجان
العربيتين متأمنين كويس وسبق وحصل وشوفنا حوادث للعربيتين فى المنتدى والعربيتين اثبتوا كفاءة
من حيث مستوى الأمان اللوجان افضل السيارة حاصلة على 3 نجوم من 5 نجوم فى اختبار السلامة الأوروبى ....
والساجا بردو امان
فى النهاية المقارنة بقت من صالح اللوجان يعنى توكل على الله و هات لوجان و خليك فى المضمون احسن