أعتراض طريق المارة

**ashouhdy** · 16-05-2011 06:53 PM

اقفل الازاز وطننننننننننننننننننننننن ننش خالص ... او اعمل ذيى متردش على ولا كلمة

**dr.hany** · 16-05-2011 09:28 PM

مش بس كده.ده فى واحده شحاته سليطة اللسان,اللى مايدفعلهاش,,, مجرد انه يديها ضهره يسمع شتيمته بودانه

**sara2001** · 16-05-2011 11:35 PM

في ناس لها اماكن ثابته في المهندسين
في اطفال بيبيعوا لمون ومناديل في إشارة شهاب مع لبنان
وواحده منهم كل يوم تجري على العربيات وتعيط
وواحد شايل حاجه خشب على ظهره ورابط دماغه ونفس الإسطوانه اليوميه
وعلى الناحيه التانيه من الإشاره في اتجاه شارع لبنان
في واحد ماسك عصايه وواحده بتبيع مناديل
وفي تقاطع وادي النيل مع جزيرة العرب واحد مكانه ثابت معاه الورق بتاع اشارات الصم والبكم
المهم ان ممكن تعدي في نفس المكان في وقت قصير ويجيلك مرتين

**dr.hazem** · 17-05-2011 12:01 AM

انا عن نفسي بتصرف كالتالي
في البنزينه اول اما بشوفه جي يمسح الزجاج بقوله لأ
لو مسحه غصب بدعيله دعوتين وهوا مبرقلي التبريقه اياها

اللي بيفول مهما اتنطط ومهما جابلي فكة انا مش هدفع غير اللي مكتوب عالعداد وبس

السياي وما ادراك ما السياس
غالبا بيمشو قفاهم بيقمر عيش لان السايس ده شخص بيقتطع جزء من ارض الدوله عنوة ويؤجره لك عنوة وما يؤخذ بالقوة لا يسترد الا بالقوة واخر سايس قابلته كان من اسبوعين نزلتله من العربية وشلته من عالارض عشان لمس العربية وسبحان الله هوا لا كان موجود وانا بركن ولا حتى المكان كانت الركنه فيه مشكله من اساسه
بس نادرا اني اظطر اني انزله وفي الغالب مش بعبره ولو وقف ورا العربية برجع عليه ولو قدامها ممكن ادوسه ولو مد ايده عالمرايه يبقى يومه اسود
وساعات بستخدم معاهم سياسة زهقني شكرا
هوا يشوفني بركب هوب تلاقيه جه
سيبه بقا واقف وافتح انت العربية دقيقتين وهويها شويه وافتح الكاسيت وسيبه واقف وشويه وهتلاقيه فهم انك مش هتعبره...

اما الشحاته فدي مبحبش ازعل حد منهم عشان آيه واحده
(واما السائل فلا تنهر)
ممكن مديلوش حاجه لكن مش بقوله ولا حاجه ولا بحاول اني ازعله....

تحياتي

**dr.hazem** · 17-05-2011 02:51 AM

المشاركة الأصلية كتبت بواسطة joe_techno

طبعا يا جماعة انا متفق معاكم في كل الكلام اللي حضراتكوا بتقولوه بس انا ليا وجهه نظر تانية انا بشوف اني الناس اللي بتعمل كده مظلومه من الدنيا اصلا نذودها احنا ليه يعني هما لو عندهم حاجة تانية يعملوها ولا مصدر رزق تاني كانوا عملوا كده؟؟؟؟؟
طبعا انا مبعممش و في ناس كثير منهم استغلاليين بس احنا منعرفش مين فيهم استغلالي و مين فيهم فعلا محتاج فعلي الاقل لو مش هنساعدهم يبقي بلاش نضايقهم اكثر

وهوا انا لو سايس هشوف شغل ليه من اساسه؟؟؟
منا بأجر حاجه ببلاش وباخد فلوس عمال على بطال

انا شايف ان كل واحد بيدي حد من دول فلوس فهو متواطئ معاه وبيشجعه انه يفضل طول عمره سايس وطول عمره شحات وفي منهم شباب وسليمين وزي الفل
كل اللي بيعملوه فحياتهم انه يقول
ايوة ياباشا بس كده توووووت توووووت صفارتين وهوب خد منك جنيه
ومش بعيد بالجنيه ده على جنيه من حد تاني هوب جابله بكت سجاير (ولو على قد كده كويس)
وكل ده عشان انت اديته واعنته عالفساد وربنا بيقول
(ولا تؤتو السفهاء اموالكم التي جعل الله لكم قياما)

تحياتي

**SYD** · 17-05-2011 03:17 AM

علي فكرة كلام hm سليم 100 في ال100 وخصوصا انه بيستعين بالقرآن
بس لحد دلوقتي ماشفناش حل مناسب
هل نطنش ونسبب لنفسنا مشاكل مع ناس ممكن تكون اقل مننا واخلاقهم غير اخلاقنا
انا مرة كنت ماشي علي رجلي وواحد سايس بيطلع واحد طبعا بصوت عالي تعالي يا باشا وبصوت واطي انا بس الي سمعته بيقوله تعالي يا خويا تعالي وراح لاسعه شتيمة
طبعا مافتحتش بقي بس قولت اه من اللئيم اذا اكرمته
ولا مثلا نبلغ البوليس عنهم
ولا تدوسه تموته
انا مش عارف
وبعدين انا كنت بعمل حركة ، لو انا الي ركنت بنفسي وهو بس طلعني بديلو نص جنيه علي اساس انها نص خدمة، لقيتها مش نافعة معاهم
كنت بطلع امريكاني واجري، لقيتها مش نافعة لأني ساعات بدوخ عشان اركن عند الشغل وببقي متأخر وبقول ممكن ينفعني في يوم
ومرات كتيرة جدا الاقي الركنة الجميلة وبعد ما اقف الاقيه ظهر زي الشيطان اقوم مدور العربية وماشي
ومرة مسكت واحد هزقته بس صعب عليا والمدام عاتبتني، كنت نازل اشتري باين زبادي او حاجة زي كدة المهم لقيت تاريخ الانتاج قديم شوية فا ماشتريتش اساسا رجعت لقيته ماسح العربية وبغض النظر عن اني ماشتريتش حاجة كانت الساعة واحدة ونص بعد نص الليل يعني هتلمعلي العربية اتعايق بيها وانا نايم مثلا
حاجة بجد تغيظ تبقي نازل تشتري حاجة بمليم وتدفع اتاوة جنيه مقابل انه مسح العربية مع اني بدفع للبواب شهريا فلوس عشان يلمعها ويغسلها

والله المستعان
،
،