مشكله في فيتس 307sw

**redredzone** · 21-05-2011 01:34 AM

المشاركة الأصلية كتبت بواسطة shriefcolt

انا رحت غيرت غيرت الزيت وللاسف و الجير بوكس مكنش فيه غير كيلو زيت والميكانيكي قال ان الزيت فيه رايش وغيره والعجيب ان العربيه خدت 3 كيلو زيت بس فهل ده طبيعي وهل الطبه الي بيتفضا منها الزيت هي هي الي بيتملي منها ولا الميكانيكي حمار
بعد مغيرت الزيت وطلعت اجرب مفيش 500 متر والمبه نورت طفيت العربيه وشغلت ومشيت تاني المبه منورتش تاني وسحب العربيه اتحسن فهل اغير زيت الفتيس تاني علشان الرايش يروح والزيت ينضف ولا استني شويه انا حطيت زيت موبيل 320 ب45 جنيه الكيلو ولا الجير بوكس ليه زيت مخصوص
:اسف علي الاطاله:b4_611:

الزيت ده ياباشا لازم ينزل ويتحط زيتal4
واشك ان الميكانيكي قاس الزيت صح
لان الفتيس بياخد 8ك
بس لو جبيت تفك الطبه بينزل نص كيلو بس؟؟؟؟لان الباقي جوه الفتيس عموما لامحاله لازم تنزل مصر احسن الوضع يتفاقم
وممكن تتعامل مع التوكيل او مركز خدمة متخصص...وربنا يباركلك فيها

**forkeka** · 21-05-2011 01:55 AM

يا جماعه بجد انتو قلقتوني من العربيه
انا نازل اجيب واحده بكره 307 sw
ياريت اي حد عنده اي معلومه حلوه او وحشه عن العربيه ياريت مايبخلش عني بيها
انا عارف ان الوقت متأخر بس انا نازل بدري بكره

**pioneerahmed** · 21-05-2011 03:15 AM

و الله يا باشا انا زيك بالظبط بقالى سنة بدور على عقاد نافع اذا كانت العربية دى حلوة ولا وحشة بس الواضح انها زى البطيخة ناس تقول معايا زفت و ناس تقول زى الفل انا مش فاهمها

**MuhamedNabil** · 21-05-2011 03:52 AM

المشاركة الأصلية كتبت بواسطة forkeka

يا جماعه بجد انتو قلقتوني من العربيه
انا نازل اجيب واحده بكره 307 sw
ياريت اي حد عنده اي معلومه حلوه او وحشه عن العربيه ياريت مايبخلش عني بيها
انا عارف ان الوقت متأخر بس انا نازل بدري بكره

واديها لمركز خدمة و قوله يكشف عليها ان كانت مسجلة قبل كدة gearbox fault و لا لا, ده هو اغلس حاجة فى العربية و لو طلعت مسجلة العطل ده اسال صحبها ان كان صلحه و لا لا و يوريك فاتورة التصليح و لو مش معاه دى حاجة ترجعلك لو عايز تصدقه و لا لا
انا بصراحة الحاجة الوحيدة البتخلينى اروح مودرن سيرفيس ان الكلام ده ممكن يتعمل قدام عنيك مش واحد حيجبلك ورقة و خلاص
ده طبعا بالاضافة بقى انك تكشف على الحجات التانية العادية فى الجسم و كده

**shriefcolt** · 22-05-2011 09:26 PM

حد معاه رقم تليفون مودرن سيرفيس و عنوانه

**pioneerahmed** · 22-05-2011 09:49 PM

مودرن سرفيس
26210111 / 26225511
طريق السندباد خلف سوق القنال الدولي

**Salah_sr** · 25-05-2011 06:21 PM

أبعد ‘ن الموديل عام 2005 إلي 2007 لأن المشكلة متكررة عند الكل و بعد هذا الموديل بيجو غيرت الجير كله

**pioneerahmed** · 25-05-2011 08:06 PM

لا يا باشا الفتيس متغيرش ولا حاجة هما بس عدلوا البلفين بتوع الفتيس و دة فى موديل اخر 2006

**shriefcolt** · 28-05-2011 11:47 PM

اتصلت بتوكيل وجيه اباظه وحجزت في فرع غمره و بعتلي ونش خد العربيه من عندي وخد 1000 جنيه
المهم وصلت تاني يوم واتصل بيا المهندس من التوكيل يسالني انتا حاطط زيت باور في الجير
قلت ليه شايفني راكن الفيل بره
قال لحسن تكون غلطت ولو غلطت هانضطر ننزل الفتيس ولو فيه حاجه هيتغير ب44000الف جنيه
قلتله محتطيتش غير موبيل 320
وركبت اول قطار علشان اشوف ايه الهبل ده
رحت تاني يوم الصبح الساعه 10 صباحا ولسه بسال عن العربيه لقيتهم بيقولو العربيه خلصت والحساب 1700 جنيه
عملتم ايه
غيرو بلف ضغط الزيت ب560 جنيه وحمام زيت للفتيس
وغيرو زيت الفتيس ب400 جنيه
ومصنعيه 700جنيه
بس مش عارف حاسس اني اتنصب عليا
هو كده كويس ولا ايه

**MuhamedNabil** · 29-05-2011 11:47 PM

هى اسعار التوكيل كده فعلا بس انت تحتفظ بالايصلات دى عشان لو ظهر الموضوع ده ترجعلهم يعملوا الشغل مظبوط, المشكلة ان مكانك مفهوش مركز حدمة و دى هيا المش مخلياك موفق فى التكاليف. يعنى 1000 جم عشان تروح التوكيل انشاء الله الموضوع ميرجعش تانى.
مودرن سيرفيس اخده منى 400 فى اللعبة دى. مصنعية بس.

الموضوع: مشكله في فيتس 307sw

LinkBack

أدوات الموضوع

عرض

-

-

-

-

-

-

المواضيع المتشابهه

موضوع عن فيتس ال620

فيتس الجولف 2

مشكله فى فيتس السويفت.

فيتس النيسان صني

زيت فيتس كريستاله مانيوال

الكلمات الدلالية لهذا الموضوع

المفضلات

المفضلات

ضوابط المشاركة