مشكله في فيتس 307sw

**shriefcolt** · 17-05-2011 12:16 AM

انا لسه مشتريها عامله 43000الف كيلو خليجي موديل2006 وكانت مشيه تمام ب95000الف بنوراما كامله ايرباج استيبترونيك فبريقه بره جوه كويسه ولا غاليه
المهم
من يومين وانا ماشي العربيه كانت علي التالت وحسيت بنتشه في الفتيس وظهرت علامه مثلث وجواه علامة تعجب وكتب علي الشاشه الي في النص gearbox foult ولكن العربيه ماشيه عادي وبالنقلات بتتغير عادي مفيش مشكله وقفت العربيه وطفيتها وشغلتها تاني اختفت العلامه ولكن لما مشيت تاني عملت نفس الحركه تاني فنقلت الفتيس علي ال m المانيوال واديت الغيارات اول تاني ثالث ونورت العلامه ونقلت من الm الي d لوحديها ولكن ماشيه عادي فا وقفت وطفيت العربيه ورجعت عصايه الفتيس للd وشغلت و مفيش مشكله فضلت ماشي بيها إن العلامه تنور او يحصل حاجه محصلش طيب ايه كانت المشكله حد عنده تفسير ولو سمحتم فين مكان مقاس الزيت بتاع الفتيس وشكرا

**ameerahmad** · 17-05-2011 11:16 AM

معلش سؤال بعيد عن الموضوع
ايه رأيك في العربيه دي
وربنا يملاهالك بركه

**pioneerahmed** · 17-05-2011 09:27 PM

يبقى كدة بقى الاشاعات صح العربية مكملتش 50000 و بردو مشكلة فى الجير بوكس

بص يا باشا من خبرتى فى الميجان (وهى فرنساوى بردو) دية مشكلة بلف الفتيس
بس عشان تتاكد روح لحد يكشفلك على الفتيس و يقيس ضغط الزيت بتاعو و قولو يقيس بردو لزوجة الزيت و اذا كان فية رايش ولا لا

انا المفروض انزل اخلص فى واحدة اس دبليو بكرة بردو بس ماشية حوالى 80000 كم بس انا محتار جدا

يا ريت يا رجالة البيجو تفيدونا نجيبها و لا لا؟؟

**nodey** · 17-05-2011 09:54 PM

ده من غير كلان اثنين سلةنيد فالف الفرنساوي كله بعاني منهم في الفتييس الاتومتيك وسعرهم في التوكيل تقريبا 1000 جندي
وممكن تركبهم برا التوكيل وبدل الزيت وعايره وان شاء الله تظبط
ودي صورهم راكبين في كل الفرنساوي تقريبا

**shriefcolt** · 18-05-2011 09:16 PM

انا رحت غيرت غيرت الزيت وللاسف و الجير بوكس مكنش فيه غير كيلو زيت والميكانيكي قال ان الزيت فيه رايش وغيره والعجيب ان العربيه خدت 3 كيلو زيت بس فهل ده طبيعي وهل الطبه الي بيتفضا منها الزيت هي هي الي بيتملي منها ولا الميكانيكي حمار
بعد مغيرت الزيت وطلعت اجرب مفيش 500 متر والمبه نورت طفيت العربيه وشغلت ومشيت تاني المبه منورتش تاني وسحب العربيه اتحسن فهل اغير زيت الفتيس تاني علشان الرايش يروح والزيت ينضف ولا استني شويه انا حطيت زيت موبيل 320 ب45 جنيه الكيلو ولا الجير بوكس ليه زيت مخصوص
:اسف علي الاطاله:b4_611:

**pioneerahmed** · 18-05-2011 09:43 PM

طبعا يا باشا ليها زيت مخصوص تمنة تقريبا 900 جنية هتلاقى العلبة بتاعتو مكتوب عليها بيجو و ستروين و يفضل انك تروح عند حد بتاع بيجو عشان كدة ممكن تخسر الفتيس كلو

**MuhamedNabil** · 18-05-2011 11:12 PM

الرايش دى علامة مش كويسة, ممكن معناها ان القربة بتاعت الزيت باظت
زيت الجيربوكس بتعها مش اى زيت تجيبوا من التوكيل او مركز حدمة 175-150 جم اللتر الحق و غير العندك قبل متخوش فى حاجة تانية
مش لازم الصبابات تكون محتاجة تغيير انا كنت عديت بالموضوع ده و كتبته عن كل احتملاته
ممكن تروح مودرن سيرفيس تكشف هنالك و كلم مدير الورشة اسمه م \ ابرهيم حيفيدك و الصببات عندهم 850 الاثنيين بس الكلام ده من فتره

http://www.nilemotors.net/Nile/16040...406-206-a.html

**MuhamedNabil** · 18-05-2011 11:18 PM

المشاركة الأصلية كتبت بواسطة muhamednabil

الرايش دى علامة مش كويسة, ممكن معناها ان القربة بتاعت الزيت باظت
زيت الجيربوكس بتعها مش اى زيت تجيبوا من التوكيل او مركز حدمة 175-150 جم اللتر الحق و غير العندك قبل متخوش فى حاجة تانية
مش لازم الصبابات تكون محتاجة تغيير انا كنت عديت بالموضوع ده و كتبته عن كل احتملاته
ممكن تروح مودرن سيرفيس تكشف هنالك و كلم مدير الورشة اسمه م \ ابرهيم حيفيدك و الصببات عندهم 850 الاثنيين بس الكلام ده من فتره لانهم بيقروا ضغط الزيت بالكمبيوتر البيتوصل فى العربية
معليش تعالى على نفسك شوية لان ده روح العربية

http://www.nilemotors.net/nile/16040...406-206-a.html

و بالنسبة لقياس الزيت ده بطريقة بدائية جدا لازم توكيل او مكانيكى

**shriefcolt** · 19-05-2011 11:22 PM

انا اقرب مركز خدمه ليه علي بعد 450 كيلو امشي بالعربيه ولا ارفعها احسن

انا من اسيوط
او ممكن رقم تلفون وركز الصيانه و هما يبعتولي الزيت لغايه ما اسافر

**MuhamedNabil** · 20-05-2011 11:04 PM

مش حقدر افتيلك فى انك تمشى بيه و لا لا الافضل انك تتصل بمركز الخدمة و تسألهم 26225577 02, 26210111 02, 26212444 02, 0123291093

و هو بيتباع فى شارع دمشق ممكن حد يبعتهولك او انت تشترى منهناك او من التوكيل و تخلى الميكانيكى يغيرهولاك

الموضوع: مشكله في فيتس 307sw

LinkBack

أدوات الموضوع

عرض

مشكله في فيتس 307sw - انشر الموضوع فى :

-

-

-

-

المواضيع المتشابهه

موضوع عن فيتس ال620

فيتس الجولف 2

مشكله فى فيتس السويفت.

فيتس النيسان صني

زيت فيتس كريستاله مانيوال

الكلمات الدلالية لهذا الموضوع

المفضلات

المفضلات

ضوابط المشاركة