نفس السؤال عندي .. لكن لم يكن عندي الجرأة اني اطرحه
و اتذكر احدي مسرحيات محمد صبحي لما قال: انا جبت المسئولين وسالتهم هل انتم مسئولين فقالو بما اننا مسئولين وفى مراكز قيادية احنا مش مسئولين

طب ارسم لي خطة امشي عليها و اهداف اسعي الي تحقيقها
لا كله سواد و فقر و شحاته و مفيش اي انجازات و لا اي ايجابيات

و السبب ايه .. هو الاعتصامات الفئوية .. نرجع لاخبار الشهرين اللي فاتوا مش حنلاقي اي اخبار عن اعتصامات و لا اضرابات بالشكل اللي يخليها شماعة للتدهور اللي احنا فيه
احد الناس قال و انا متفق معاه : لما الناس مش حتعمل اضرابات و اعتصامات و طلبات للتغيير و التطهير يبقي ازاي حنتحسن ، لان اهل و عمال كل شركة و مصنع هم اعرف الناس بمشاكل مصنعهم و كيفية حلها. هل الوزير حينزل يلف علي مصنع مصنع و شركة شركة علشان يعرف ميين الفاسد و فيين القصور و ازاي نعالجه

هل وضعت الحكومة و المجلس العسكري المسئولين الان عن مصر اي علاجات هل رفعوا اي مرتبات - هل اقالوا المستشارين و المحاسيب - هل عدلوا في الميزانية و شدوا الحزام - هل ضبطوا الامن حتي تتحسن السياحة

السبب الاول و الاخير فما نحن فيه هو سوء الادارة و يتحمل ذلك المجلس العسكري و الحكومة مش الشعب و لا شماعة الاعتصامات و لا شماعة التحرير