Diy عمل فوانيس ليدات

**eng_tefa** · 21-05-2011 03:37 AM

المشاركة الأصلية كتبت بواسطة angel_wolf

انا بالنسبة ليا مفيش مشكلة اخلص بس امتحانات الميت ترم التانى و معاك فى الى انت عايزة
والتنكيل عادى جدا زى لما بتجيب الحروف الى بتتلزق على العربية ماهى بلاستك متنكل وكذالك العلامات بتاعة العربيات ماهى بلاستك متنكل و الفوانيس من جوة بلاستك متنكل ممكن نشوف اى حد من الى بينكلوا الحاجات دى ونعمل عندة

ميد ترم تانى؟؟؟ انت فين ؟
ربنا معاك ياباشا
طب يطلعوا فبن الناس اللى بينكلو دول ملهمش مكان معروف كدا؟

**Angel_wolf** · 21-05-2011 07:21 PM

ميد ترم تانى؟؟؟ انت فين ؟
ربنا معاك ياباشا
طب يطلعوا فبن الناس اللى بينكلو دول ملهمش مكان معروف كدا؟

انا فى هندسة فى الاكادمية البحرية وعندنا امتحان ميد ترم فى الاسبوع السابع والتانى فى الاسبوع ال 12
وممكن ندور عليهم مش ازمة هحاول حتى اشوفلك الناس الى بتنكل الجنوط وكدا ايه نظامهم

**eng_tefa** · 22-05-2011 03:41 AM

المشاركة الأصلية كتبت بواسطة Angel_wolf

انا فى هندسة فى الاكادمية البحرية وعندنا امتحان ميد ترم فى الاسبوع السابع والتانى فى الاسبوع ال 12
وممكن ندور عليهم مش ازمة هحاول حتى اشوفلك الناس الى بتنكل الجنوط وكدا ايه نظامهم

ربنا يعينك ياباشا
خلاص زى الفل انا حاسس والله اننا ممكن نلاقيها فى حاجه صغيره بس هى مش فى دماغنا دلوقتى

**caboo_1** · 22-05-2011 05:43 AM

التنكيل ده ما هو الا اسبراى بس غالى شوية بيترش على البلاستيك المراد تنكيله
سبونى شوية اكون جبتلكو سعرة وبيتباع فيين

**Angel_wolf** · 23-05-2011 12:41 AM

التنكيل ده ما هو الا اسبراى بس غالى شوية بيترش على البلاستيك المراد تنكيله
سبونى شوية اكون جبتلكو سعرة وبيتباع فيين

ياريت بس يكون جودتة كويسة

**keko** · 23-05-2011 07:58 AM

بالنسبة للتنكيل مينفعش لحاجة بلاستيك لازم معدن موصل للكهرباء اما البلاستيك بيتعمل بحاجة اسمها بصمة ودى لازم كميات كبيرةوالاسبراى شكله لذيذ بس مهما كان مش زى النيكل اما الحوار بتاع عود الاكريلك بلاش ممكن من اى محل ادوات كهربائية متر خرطوم دبابة 16مم او 23 مم او عود مواسير صاعد 16مم او 23 مم ويتقطع وتترش الاسبراى النيكل او يتلزق عليها استيكر نيكل انما يستحسن الالمانى وممكن برضه من عند حداد مواسير 1/2 بوصة او 3/4 او 1 بوصة وتتقطع وتتنكل عند واحد من اللى بينكلوا
انما بصراحة انا نفسى الاقى العواكس دى جاهزة
اما الليدات بلاش اللى بتكون راكبة فى الشريط دى تعبانة وحوار فى فكها
من عند اى واحد بتاع اليكترونيات كبير فيه ليدات بتتباع بالواحدة Superbright 5mm InGaN LEDs
فيه منها 3مم و 5مم و 8مم و10 مم احمر وازرق وابيض واخضر وفيه برضه نوع بينور كذا لون ورا بعض وفيه بينور احمر واخضر
سعرها لل5مم من 10-25 قرش ولل8و 10 مم من 40-100 قرش وال3مم معرفش بس رخيصة انما اهم حاجة تختار نوع يكون الشفافية بتاعته كويسة ويطلعلهوملك من كيس واحدعلشان درجة الاضائة تكون واحدة
المقاومة من 3-10 قروش والليد بيشتغل على 2.7-3.3 فولت يعنى 3 مناسب
بس نفسى الاقى حاجة تشتغل زى الادبتر يتوصل عليها 12 فولت وتطلع 3 فولت بامبير عالى تشغل الليدات كلها

**eng_tefa** · 23-05-2011 09:50 PM

المشاركة الأصلية كتبت بواسطة keko

بالنسبة للتنكيل مينفعش لحاجة بلاستيك لازم معدن موصل للكهرباء اما البلاستيك بيتعمل بحاجة اسمها بصمة ودى لازم كميات كبيرةوالاسبراى شكله لذيذ بس مهما كان مش زى النيكل اما الحوار بتاع عود الاكريلك بلاش ممكن من اى محل ادوات كهربائية متر خرطوم دبابة 16مم او 23 مم او عود مواسير صاعد 16مم او 23 مم ويتقطع وتترش الاسبراى النيكل او يتلزق عليها استيكر نيكل انما يستحسن الالمانى وممكن برضه من عند حداد مواسير 1/2 بوصة او 3/4 او 1 بوصة وتتقطع وتتنكل عند واحد من اللى بينكلوا
انما بصراحة انا نفسى الاقى العواكس دى جاهزة
اما الليدات بلاش اللى بتكون راكبة فى الشريط دى تعبانة وحوار فى فكها
من عند اى واحد بتاع اليكترونيات كبير فيه ليدات بتتباع بالواحدة Superbright 5mm InGaN LEDs
فيه منها 3مم و 5مم و 8مم و10 مم احمر وازرق وابيض واخضر وفيه برضه نوع بينور كذا لون ورا بعض وفيه بينور احمر واخضر
سعرها لل5مم من 10-25 قرش ولل8و 10 مم من 40-100 قرش وال3مم معرفش بس رخيصة انما اهم حاجة تختار نوع يكون الشفافية بتاعته كويسة ويطلعلهوملك من كيس واحدعلشان درجة الاضائة تكون واحدة
المقاومة من 3-10 قروش والليد بيشتغل على 2.7-3.3 فولت يعنى 3 مناسب
بس نفسى الاقى حاجة تشتغل زى الادبتر يتوصل عليها 12 فولت وتطلع 3 فولت بامبير عالى تشغل الليدات كلها

طب كويس نجيب منين الاسبراى النيكل عشان كل المحلات ميعرفوش يعنى ايه نيكل وعايز يلبسك اسبراى سلفر وخلاص ويقتعك انه نيكل
بالنسبه لليدات كل اللى فى باب اللوق نوع واحد تقريبا الا لو انت عارف مكان نجيب منه Super bright
وبردو كل واحد بيحاول يقنعك ان اللى عنده Super bright وهى عاديه
المقعره حوار فى فكها فعلا بس مفيش مكان نجيب منه مقعره تانى

**gaaz** · 23-05-2011 10:58 PM

وحيات ماما سوزان ولا فاهم ولا كلمة هههههههه

**keko** · 24-05-2011 08:17 AM

المشاركة الأصلية كتبت بواسطة eng_tefa

طب كويس نجيب منين الاسبراى النيكل عشان كل المحلات ميعرفوش يعنى ايه نيكل وعايز يلبسك اسبراى سلفر وخلاص ويقتعك انه نيكل
بالنسبه لليدات كل اللى فى باب اللوق نوع واحد تقريبا الا لو انت عارف مكان نجيب منه super bright
وبردو كل واحد بيحاول يقنعك ان اللى عنده super bright وهى عاديه
المقعره حوار فى فكها فعلا بس مفيش مكان نجيب منه مقعره تانى

الاسبراى النيكل من عند واحد بتاع بويات كبير او بتاع دوكو عربيات برضه انا لسه جايب واحد ب 8 جنيه وفيه نوع ب 16 والاثنين كويسين
والليدات اللى جربتها وكويسة ال 5مم سوبر برايت 1 وات الاحمر والاصفر بيكون 2.6 فولت والابيض والازرق بيكون 3.3 فولت على الفكرة الموقع اللى كنت كاتبه مفيد قوى فى حوار الليدات

**khaled_sabry** · 24-05-2011 11:58 AM

المشاركة الأصلية كتبت بواسطة eng_tefa

طباعه التصميم على البورده النحاس وفيه كذا طريقه ومحتاج راى الخبراء
رسم الدايره على النحاس بالقلم الدوكو وبعد كدا نحطها فى المحلول
اوعمل الدايره على برنامج وطباعتها ببرنتر ليزر وكويها على النحاس ودى اللى مش عارف اعمله مظبوط عشان مش عندى برنتر ليزر
بعد كدا تخريم البورده بالدريمل او الشنيور اليدوى وطبعا الفرق فى الوقت والمجهود رهييييب بين الاتنين

انا مشكلتى بقى تخريم البورده .. لأنى انا عندى الشنيور العادى و رغم انى اشتريت البونطه بتاعت البورد (0.8 ميلى) الا انى ماعرفتش استخدماها لأنى لما ركبتها على الشنيور العادى اتكسرت
انا سمعت ان فيه شنيور مخصوص ليها ب 100 جنيه بس انا مش عاوز اشتريه علشان حاجه حعملها مره واحده و خلاص

الموضوع: Diy عمل فوانيس ليدات

LinkBack

أدوات الموضوع

عرض

-

-

-

-

-

-

المواضيع المتشابهه

فوانيس ليدات للسيراتو (جامدة)

عملت فوانيس الشاهين ليدات

فوانيس خلفية ليدات

منين اجيب فوانيس ليدات ؟

فوانيس ليدات

الكلمات الدلالية لهذا الموضوع

المفضلات

المفضلات

ضوابط المشاركة