الموضوع: Diy عمل فوانيس ليدات

المشاركة الأصلية كتبت بواسطة secoskoda

تمام يا باشا ربنا معاك
بس قولي
الكارتة دي جبتها منين انا لفيت اسكندرية كلها و ملقتهاش

مرمية عند كل بتوع الاليكترونيات

المشاركة الأصلية كتبت بواسطة smsm_nabawy

أنا ححتاجك معايا يا كيكو في الحكاية بتاعت الليدات دي ،، انا خلاص قطعت الكارته ،، و السلك موجود !! و المكواة و كلو ،، ناقصني الليدات البرتقالي بس نظيفة !! ,,, مش عارف أجيبها منيين ،، قلت يبقى كرييم الزييييييين هو الي حيخلصني في الموضوع ده !!!

و كمان عايزين الشباب بتوع كهربا يقوللنا ،، ايه المقاومات الي حنوصلها و أزاي ،، أنا ان شاء الله حنزل أقيس الفولت الي طالع من الدويل بتاع الفانوس بتاع الأشارة "علشان زي مقلتلكم حجرب فيه الأول !! ...

المهم أن شاء الله حقيس الفولت الي طالع ،، و على حسب الليدات الي انت حتساعدني فيها يا كيكو !! شباب كهربا يحددولنا المقاومة أيه نظامها !! :))

سمسم باشا انت تامرنى شوف عايز تعرف ايه وعينيا اتصل اى وقت ميهمكش بس برضه هارد هنا للافادة العامة ولو عزت حاجة كلمنى واى وقت اروح معاك مفيش مشكلة

اللمبات مقاساتها كالاتى
4.8 مم وده نوع اضائته ضعيفة بس الميزة الوحيدة زاوية الاضائة واسعة
3 مم اضائته احسن من ال 4.8
5مم دى بقى حبيبة قلبة اضائتها قوية وزاوية الاضائة مركزة بس بتفرش كويس
سعر اللى فاتو من 10 قروش ل 25 قرش
ال 8مم وال 10 مم ودى نفس المكونات بتاعت ال 5مم بس العدسة بتاعتها كبيرة انما عيبها غالية من .4 قرش ل 75 قرش

الالوان احمر واصفر بتاخد من 1.8-2.6 فولت واعلى من كده يقصر عمرها
الابيض الثلجى (ده اقوى ليد فى الاضائة ) والابيض الورم والازرق والاخضر بتاخد من 2.8 - 3.6 فولت
وفيه لمبة ب 3 رجل واحد ارضة واتنين كهربائ بتنور احمر او اصفر او الاثنين مع بعض دى 1.8-2.6
تقدر تعمل درجتين اضائة عن طريق انك تعمل 1-1.5 فولت للاضائة الضعيفة و 2.5-3 فولت للاضائة القوية

احسن ناس الوليد عند مبرة العصافرة وزيتون فى فيكتوريا و حمادة فى النبى دانيال

ووصل على التوازى افضل واعمل حسابك ان ال 5مم وال 10 مم بتسحب 1 وات وتدى اضائة 4-5 اضعاف اللمبة العادية

المشاركة الأصلية كتبت بواسطة misoalex

يا عربياتك اللى 25 قرش يا كيمو ههههههههههههههههه
بص هو فعلا مفيش كشاف فيه ليد وعاكس بالسعر ده بس فعلا ممكن نجيبهم من لعب وحاجات من دى واهى العتبه فى القاهره والمنشيه فى اسكندريه مليانه اللعب

وبعدين انا وريتك الشغل اللى انا عامله مش محتاج عواكس واليدات الكبيره برضه شكلها جامد

وبو 15 جنيه ده مش شينيور ده عباره عن ظرف الى هو زى بتاع الشنيور كده بس على صغير وعامل زى القلم بالظبط ومعمول من بره زى البنطه كده على شكل حلزونى وفيه حلقه تلفها البتطه تلف
يعنى حاجه يدوى كانت معموله عشان الطلبه ايام مكنا بنعمل دواير فى الثانوى والمعهد

مييييييسوووووووو
معلش انا مندل معاك بس مشاوري كلها الناحية التانية بس لو صاحبك ندل خليك انت جدع وتعالالى مرة مبامى او المندرة
وبعدين قشطة كدا انا فهمت الشنيور اليدوى ده بس الاسهل لو شنيور صغير سرعات

المشاركة الأصلية كتبت بواسطة misoalex

كل حاجه موجوده للمكوه السن من اول 2 جنيه لحد 15 جنيه وده تجيبه يعيش معاك العمر كله
ابو 5 جنيه جوت بس الخامه بتاعته مش كويسه اوى بس جميل وينفع فى الشغل بتاعنا وبيعيش احسن ومش بيسود وبيسيح القصدير بسرعه
ابو 10 ده اللى تلاقى عليه زى البودره كده من بره ومش بيسود وعموما كله بالفصال بيرخص هههههههههههههههههه

هههههه انا صعت وجبت ابو بودرة ب 5 مش 10
صحيح انت خلصت الفوانيس بتاعتك ولا لسة ؟؟

المشاركة الأصلية كتبت بواسطة smsm_nabawy

شارع النبي دانيال ،، والدي جابهالي "هو مهندس ألكترونيات ،، و رئيس قسم في مستشفى الجامعة" فهو عارف أسمها و كل حاجة !! الحمد لله :)))

قالي انه جابها من شارع النبي دانيال و أسمها printed circuit تقريباً :))

و شكلها شبه دي بظظبط !!

والدك كدا غلبنى اشتراها ب 2 جنيه انا جبتها ب 3
وعلى فكرة البرينت دى ممكن تتقص بالكتر تمشى مرتين تلاتة بالسلاح بعدين تكسر انا عارفك خبرة فى الكتر

المشاركة الأصلية كتبت بواسطة m7mda7md

مكوه ب ‏40‏ جنيه‏! كلام كبير.انا جبتها ب ‏5‏ جنيه و كمان من اسيوط و الحمد لله شغاله حلاوه...عمال اتمشي ف البيت اشوف اي ادابتر بايظ إفتح و صلح يا معلم حلاوه حلاوه ما شاء الله...بس سمعت عن حاجه اسمها الفلكس بتثبت القصدير او حاجه كده مش فاكر بس ال فاكره اني شفتها عند واحد بتاع اليكترونيات و ريحتها شبه ريحه الشجر و لونها زي الشاي

والله البتاعة دى شفتها بس معرفش بتعمل ايه انا بجيب الراجينه ودى مفيدة وبتسهل حوار اللحام جدا