الموضوع: Diy عمل فوانيس ليدات

المشاركة الأصلية كتبت بواسطة tiktaktok2008

سبقتني يا حسام انا كنت ناوي اعمل الحاجات دي كلها بس بعد الامتحانات.
الموضوع سهل ان شاء الله ومستنييييييين نشوف عملت أيه جديد

أن شااء الله :))
بس أدعيلنا يا باسم :))

المشاركة الأصلية كتبت بواسطة keko

سمسم باشا انت تامرنى شوف عايز تعرف ايه وعينيا اتصل اى وقت ميهمكش بس برضه هارد هنا للافادة العامة ولو عزت حاجة كلمنى واى وقت اروح معاك مفيش مشكلة

اللمبات مقاساتها كالاتى
4.8 مم وده نوع اضائته ضعيفة بس الميزة الوحيدة زاوية الاضائة واسعة
3 مم اضائته احسن من ال 4.8
5مم دى بقى حبيبة قلبة اضائتها قوية وزاوية الاضائة مركزة بس بتفرش كويس
سعر اللى فاتو من 10 قروش ل 25 قرش
ال 8مم وال 10 مم ودى نفس المكونات بتاعت ال 5مم بس العدسة بتاعتها كبيرة انما عيبها غالية من .4 قرش ل 75 قرش

الالوان احمر واصفر بتاخد من 1.8-2.6 فولت واعلى من كده يقصر عمرها
الابيض الثلجى (ده اقوى ليد فى الاضائة ) والابيض الورم والازرق والاخضر بتاخد من 2.8 - 3.6 فولت
وفيه لمبة ب 3 رجل واحد ارضة واتنين كهربائ بتنور احمر او اصفر او الاثنين مع بعض دى 1.8-2.6
تقدر تعمل درجتين اضائة عن طريق انك تعمل 1-1.5 فولت للاضائة الضعيفة و 2.5-3 فولت للاضائة القوية

احسن ناس الوليد عند مبرة العصافرة وزيتون فى فيكتوريا و حمادة فى النبى دانيال

ووصل على التوازى افضل واعمل حسابك ان ال 5مم وال 10 مم بتسحب 1 وات وتدى اضائة 4-5 اضعاف اللمبة العادية

بص انا مش فاهم أي حاجة !! ،، و انا حكون محتاج في حدود 20 ليدايه "برتقالي"كده !! شوف أنت فاضي أمتى النهارده ،، و نجيبها مع بعض !! من زيتونه ده الي في فيكتوريا ،، تقريباً ده أقرب حاجة ليا و ليك !! :))