الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة aymanamr

انهارده غيرت باقي العفشه الاماميه وركبت مقصين وكاوتش الميزان وكاوتش علبه الدركسيون وتم كبس البارات عشان كان فيها بوش انا اتفاجأت ان المقصات اللي كانت فيها بتاعت الفابريكه اللي مكتوب عليها فيات لانشيا والهي عربيه محترمه مقصتها اتغيرت بعد 14 سنه من 96 حاجه تفرح بجد

باشا مبروك عليك العفشه الجديده وربنا يباركلك فيها ويكفيك شر مطبات مصر

السلام عليكم

ازيكم جميعا اتمني تكونوا بخير

النهاردة الصبح وانا رايح الشغل الموضوع بتاع المية اتكرر تاني، الموشر علي لغاية الشرط الحمرا وعداها كمان

فتحت القربة طلعت بخار ميه وفاضية

المهم زودتها وروحت الشغل عادي يعني، بس كده شكلها في تسريب في الدورة بتاعة التبريد لازم اروح لواحد بتاع رادياتيرات يشوفها

السؤال: مين بتاع رادياتيرات كويس يظبط الموضوع ده ؟

الظاهر بيرو اتحسدت ولا ايه عموما انا عارفة ومش هسيبه

ياجماعه عاوزين ندرس حاجه وهيا لو عفشه التمبرا بقت رياضيه هل دا هيفيد فى الطرق الحلوه بتاعتنا لانى بسمع انها قويه وبتستحمل اوى بنت ناس من الاخر واهم حاجه تكلفتها هتبقه كام وموجود منها استيراد ولا

المشاركة الأصلية كتبت بواسطة juventus

موضوع الفاكيم ده انا هحاول اقول اللي اعرفه
اول حاجة في اثنين فاكيوم في العربية مش واحد بس
الاول هو فاكيوم الهوا و ده الاساسي و ده وظيفته انه بيكون في ماسورتين اول واحدة بتاعت التكييف عشان لما تشغل التكييف الموتور يعلى معاه عشان يقاوم الحمل الزائد بتاع التكييف
الماسورة التانية بتاعت السخان الاوتوماتيك و دي بتكون واصلة بحساس حرارة عشان لما العربية تكون بارده الموتور يعلى لحد ما يوصل درجة حرارة 65 درجه و بعدين يوطى تاني
و ثالث ماسورة اللي هي الكبيرة دي الخرج بتاع الفاكيوم على الكاربيراتير
و دي صورة فاكيوم الهوا



الفاكيوم الثاني هو فاكيوم كهرباء راكب في صدر العربية جنب خزنة الباور و ده و ظيفته انه بيدي اشارة لفاكيوم الهوا عشان يشتغل مع التكييف و ملوش علاقة بالسخان الاوتوماتيك خالص هو مسؤول عن التكييف بس
و بيكون واصله سلكين كهربا عشان يشتغل

و دي صورته



و دي صور للتوصيلات








لو التكييف مش بيعلى عندك هتعمل ايه؟
1 . الخرطوم اللي طالع من الفاكيوم الكهربا و رايح لفاكيوم الهوا فكه من ناحية فاكيوم الهوا و شغل التكييف و شوف في هوا طالع من الخرطوم و لا لأ
لو مفيش يبقى كده العيب من فاكيوم الكهربا و العيب هيكون فيه في حاجة من الاثنين
-مش واصله كهربا (السلكين بتوع الكهربا مش واصلين و دول هتلاقيهم واصلين بيه من ناحية الشمال )
-لو واصله كهربا و مفيش هوا طالع يبقى كده بايظ و بيتغير خالص

لو فيه هوا طلع من فاكيوم الكهربا يبقى كده اتأكدنا انه شغال تمام

2 . كده هنشوف فاكيوم الهوا شغال و لا لأ
هنلاقي الماسورتين بتوعه واحده فوق و التانية تحت في الكاربيراتير من ورا اللي فوق هي يتاعت التكييف
انفخ فيها و شوف الموتور هيعلى و لا لأ لو علي يبقى ماسورة فاكيوم الهوا بتاعت التكييف شغالة لو معليش يبقى العكس
و الماسورة التانية اللي تحت بتاعت السخان لو عايز تختبرها شغالة و لا لأ اعمل نفس القصة
فاكيوم الهوا لو مش شغال بيتغير على طول و سعره جديد 350 جنيه و استيراد 200 جنيه و قليل جدا جدا في السوق

السلام عليكم ورحمه الله وبركاته
اخبارك ايه ياحمد باشا
بجد شرح ممتاز كده انت فهمت القصه بتاعت الفكيم الى تاعب الناس ومنهم انا
انت قولت سعر فاكيوم الهواء سعر فاكيم الكهرباء كام
لان الى ركب عندى مش زى ده خالص هشفلك صورته وحاطهالك

ديت صوره الى عندى ياحمد