رابطة مالكي وعشاق التمبرا (الجزء الخامس)

**heshamzaky** · 12-05-2012 03:52 PM

المشاركة الأصلية كتبت بواسطة husseinm25

العربيه انجكشن ومش عارف اغير ايه تاني

يتبقى لك احتمالين
الاول مستبعد شوية و هو الكنترول يونت يتاع العربية و دة مستبعدها شوية
الاحتمال الثانى هو الايديال الى راكب فى الانجيكشن و دة ممكن جدا يكون السبب

**heshamzaky** · 12-05-2012 03:59 PM

دة شكل الانجيكشن الى عندك
و الايديال هو الجزء الفبر الى راكب فى الانجيكشن المستطيل الاسود الى فى الصورة من تحت
تمن الانجيكشن كاملا 200 جنية
تمن الكنترول يونت 250 جنية
دة للمعلومية فقط
و على فكرة ممكن جدا تلاقى حد يبيعلك الايديال لوحدة و دة بيتفك و يتركب ب 4 مسامير ألان كى

**heshamzaky** · 12-05-2012 04:05 PM

و هل لما بتفتح الكونتاكت فقط بتلاقى بنزين فى الانجيكشن من الداخل بيرش و لا لآ

يعنى بص علية من فوق زى الصورة كدة بالظبط و شوف فية بنزين بينزل و لا لآ على البوابة الى هية الدايرة المدورة الى فى داخل الانجيكشن و دة علشان نتأكد ان طرمبة البنزين برضو بتضخ بنزين لانها راكبة عندك فى التانك و علشان تشوفها تفتح شنطة العربية و ترفع الفرش الموكيت ناحية ايدك اليمين حا تلاقى غطاء اسود مدور فكرة حا تلاقى الطرمبة بتاعت البنزين

**heshamzaky** · 12-05-2012 04:08 PM

و دة مكان طرمبة البنزين فى العربيات الانجيكشن بتبقى راكبة فى التانك فى العربية الكاربراتير طرمبة البنزين راكبة عند الموتور فى الامام

**salsat** · 12-05-2012 05:08 PM

السلام عليكم جميعا
استاذ هشام انا محتار جدا ما بين انى اشترى اكسنت او تمبرا فان عايز رايك وانا اهم حاجه تكون عربية كويسة ومصروفه قليل وكمان اعاده البيع كويسة ايه رايك ولو قدامك حاجه كويسه يا ريت تعرفنى وشكرا

**heshamzaky** · 12-05-2012 05:24 PM

المشاركة الأصلية كتبت بواسطة salsat

السلام عليكم جميعا
استاذ هشام انا محتار جدا ما بين انى اشترى اكسنت او تمبرا فان عايز رايك وانا اهم حاجه تكون عربية كويسة ومصروفه قليل وكمان اعاده البيع كويسة ايه رايك ولو قدامك حاجه كويسه يا ريت تعرفنى وشكرا

علشان اكون صريح انا حا اتحيز للتمبرا
يبقى الافضل تسأل ملاك الاكسنت لانهم ادرى منى بالعربية الاكسنت كبعا
التمبرا لو سليمة حا تريحك لو تمبرا حالتها نص نص حا تضايقك شوية
قطع غيار التمبرا رخيصة لو عرفت السكة الصح للشارا بتاع قطع الغيار و دى سهلة لاننا عارفين السكة كويس جدا

للأسف مفيش أمامى حد بيبيع عربية الا زميل لنا من رابطة التمبرا عارض سيارتة للبيع و عامل لها اعلان ممكن هوة يقولك كل الى فيها و هو امين جدا و كلنا حا نقولك الى فى العربية و بمنتهى الامانة لاننا تصدرنا فى موضوع زى كدة و برضو تكشف عليها تبع حد من طرفك علشان ما يبقاش فية اى نوع من الاحراج او جرح لشهادة احد

**salsat** · 12-05-2012 05:26 PM

طيب فين الاعلان ده ؟
وشكرا لحضرتك

**heshamzaky** · 12-05-2012 05:32 PM

المشاركة الأصلية كتبت بواسطة salsat

طيب فين الاعلان ده ؟
وشكرا لحضرتك

بعت لك رقمة على الخاص علشان انتو الاتنين تتواصلو مباشرة مع بعض

**youseff** · 15-05-2012 12:20 AM

هشام باشا نسيت تشوفلى ارقام البيكات وعايز اعرف هم تغيرهم بياثر على سحب العربيه واستهلاك البنزين ولا لأ
لأنى حاسس ان العربيه اتخنقت منى شويه
وايه هى فايده مكثف المروحه لأن المروحه عندى المكثف مش موجود بس الامور طبيعيه

**heshamzaky** · 15-05-2012 12:26 AM

المشاركة الأصلية كتبت بواسطة youseff

هشام باشا نسيت تشوفلى ارقام البيكات وعايز اعرف هم تغيرهم بياثر على سحب العربيه واستهلاك البنزين ولا لأ
لأنى حاسس ان العربيه اتخنقت منى شويه
وايه هى فايده مكثف المروحه لأن المروحه عندى المكثف مش موجود بس الامور طبيعيه

و الله يا باشا سالت كل رجالة التمبرا على الموضوع بس محدش عارف ارقامهم
و انا عربيتى انجيكشن مش كاربراتير علشان كدة مش عارف افيدك
فايدة المكثف الى راكب فى القميص بتاع المروحة دة علشان المروحة تشتغل سرعتين مش سرعة واحدة