رابطة مالكي وعشاق التمبرا (الجزء الخامس)

**ZALABANY** · 14-09-2011 11:39 AM

شوف يا باشا راجع على مية التبريد شوفها بتنقص ولا لا اتأكد ان الرادياتير نضيف وما فيهوش اي تسريب اتأكد ان الخراطيم والقربه سليمه برده ومافيهاش تسريب نضف سربنتينة التكييف كده دورة التبريد تمام اتأكد ان المروحة شغاله على سرعتين مش سرعه واحده سرعه عاليه مع التكييف وسرعه قليله مع السخونه العادية الثرموستات الأصليه بتاعة العربية 87-92 - 92-97 اتأكد من فيش المروحة وفيشة الثرموستات ما تكونش سايحة او بتعلق اتأكد ان الفيشه الحمرا اللي داخله في مجموعه المروحة العلبة السودا اللورا الفانوس اليمين اتأكد ان الفيشه واصله كويس وان المروحة بتشتغل مع تشغيل التكييف حتى لو العربية بارده ان شاء الله كله يبقى تمام

**asamamin** · 14-09-2011 12:19 PM

ممكن توصل بعد 90 بشرطتين يعنى تقريبا100اروح فاصل التكيف لان بخاف تزيد عن كده وياريت حد يفيدنى لو سمحتو

**asamamin** · 14-09-2011 12:27 PM

المروحة شغالة سرعة واحدة السرعة العالية وبتشتغل مع التكيف حتى والعربية باردة بس المشكلة انها مش بتسخن من غير التكييف مابتعديش 80 بس المية بتنقص بسيط مع العلم انى لسة مغير وش سلندر والجوان والقربة بتنفس من فوق جنب الغطاء

**asamamin** · 14-09-2011 12:32 PM

المروحة شغالة سرعة واحدة السرعة العالية وبتشتغل مع التكيف حتى والعربية باردة بس المشكلة انها مش بتسخن من غير التكييف مابتعديش 80 بس المية بتنقص بسيط مع العلم انى لسة مغير وش سلندر والجوان والقربة بتنفس من فوق جنب الغطاء

**ZALABANY** · 14-09-2011 12:44 PM

المشاركة الأصلية كتبت بواسطة asamamin

ممكن توصل بعد 90 بشرطتين يعنى تقريبا100اروح فاصل التكيف لان بخاف تزيد عن كده وياريت حد يفيدنى لو سمحتو

غسلت السربنتينه ونظفت الرادياتير كويس على فكره لو المروحة عندك على السرعه ايه بس يبقى الثرموستات اللي عندك مش الأصليه
لأن العادي انها تشتغل على 90 او قبلها بسنه بسيطه ولو عدة شرطة بعد ال 90 عادي بس انت جرب كده شغل التكييف وافتح الكبوت المروحة مش هاتكون شغاله دا اكبر سبب ممكن يخلي العربية تسخن مع التكييف واول ما العربية تسخن وتوصل ل 97 هاتشتغل المروحة وكده العيب هايبقى في مجموعة المروحة

**asamamin** · 14-09-2011 12:51 PM

انا جربت الترموستات الاصلى المروحة اشتغلت سرعتين بس ما فصلتش الكهربائى شغلها على السرعة العالية والغريبة ان المروحة بتبقى شغالة من اول مابشغل التكييف وعلى فكرة الترموستات عندى بيشتغل عند82وشغال مظبوط

**asamamin** · 14-09-2011 01:00 PM

انا جربت الترموستات الاصلى المروحة اشتغلت سرعتين بس ما فصلتش الكهربائى شغلها على السرعة العالية والغريبة ان المروحة بتبقى شغالة من اول مابشغل التكييف وعلى فكرة الترموستات عندى بيشتغل عند82وشغال مظبوط

**ZALABANY** · 14-09-2011 04:02 PM

مافيش حاجه اسمها كده يا باشا والكهربائي ده مش فاهم المروحة لازم تشتغل سرعتين سرعه واطية في السخونة العادية وسرعة عاليه مع التكييف وكده ممكن تكون المشكلة في مجموعة المروحة ودي كلها ب 150 جنيه استيراد روح لكهريائي كويس عشان يظبطلك الكهربا وسرعات المروحة لأن كده في حاجه مش مظبوطه وعلى فكره الطبيعيى ان المروحة تشتغل 90 لأن دي درجة التشغيل المثالية للموتور