رابطة مالكي وعشاق التمبرا (الجزء الخامس)

**heshamzaky** · 23-09-2011 08:59 AM

بص يا باشا فية منظف أسبراى بتاع الكاربراتير بس دة مش قوى و سعرة 14 جنية مثلا زى الى فى الصورة الاولى دى

و فية منظف قوى هو للأنجيكشن بس طبعا ينفع عادى جدا للكربراتير لانة منظف قوى و حلو و دة ب 30 جنية

و فية عبوات زى كدة بتتحط على تانك البنزين و بتنظف المواسير و الدورة و اسعارها متفاوتة من 25 جنية الى 40 جنية مثلا

_________________

رايى الشخصى افضل جدا المنظف الى فى تانى صورة فعال جدا و مفيهوش مشكلة و بينظف كويس جدا

**moradmet** · 23-09-2011 01:52 PM

المشاركة الأصلية كتبت بواسطة man_faraway

التمبرا سيارة عجيبة الى بيشتريها بيحبها ولو بعها مش بيعرف يركب عربية تانية وبيشتريها تانى واحد جه يشترى منى العربية وبالتليفون

كان معاه واحدة وبعها وجاب فيرنا وبعدها باع الفيرنا وبيدور على تمبرا تانى ففكرت وقلت ابيعها واشترى ايه مع انه عرض عليه 37 الف

على العموم ربنا يوفقك بسيارة تانية المهم انها تباه بنت حلال وعتبتها خضرة

كلام صحيح جدا
صباحكم فل

**mido_8_6** · 23-09-2011 03:06 PM

محتاج مسعده ضرورى
انا غيرت علبه البور من شهرين جبتها استيراد من عزبه شلبى و كل حاجه كانت تمام
بس الدركسيون رجع يعمل اصوات وكمان تقل اوى اوى رحت للمكنيكي قالى المكنه مش بتسحب زيت كمان فى حاجه عندك فى موتور البور وقالى اروح شارع شمبليون ونا خايف منهوم هناك
حد يعرف واحد امين بتاع بور

**heshamzaky** · 23-09-2011 04:58 PM

المشاركة الأصلية كتبت بواسطة mido_8_6

محتاج مسعده ضرورى
انا غيرت علبه البور من شهرين جبتها استيراد من عزبه شلبى و كل حاجه كانت تمام
بس الدركسيون رجع يعمل اصوات وكمان تقل اوى اوى رحت للمكنيكي قالى المكنه مش بتسحب زيت كمان فى حاجه عندك فى موتور البور وقالى اروح شارع شمبليون ونا خايف منهوم هناك
حد يعرف واحد امين بتاع بور

لو قصدك طرمبة الباور الى راكبة على الموتور مش بتتصلح بتتغير و سعرها 250 جنية من عزبة شلبى

**mido_8_6** · 23-09-2011 07:40 PM

شكرا اوى استاذ هشام
بس لو ممكن اسم محل فى العزبه

**eng_tefa** · 24-09-2011 06:24 AM

المشاركة الأصلية كتبت بواسطة man_faraway

ايه حدوتة زراير الباب الى بتنور دى اول مرة اعرف هى فعلا بتنور يعنى فى لمبة جوه ولا دى تهيؤات لو كده

اغامر وافك المفتاح ولا اريح دماغى احسن

الزراير بتنور فعلا بس شيك الاول على الكهربا عشان ممكن يكون العيب مش من اللمبه
اكشف على السلك الاصفر ف اسود لو واصله كهربا يبقى العيب من اللمبه
واللمبه دى مش موجوده غير عند محل معين فى باب اللوق مش فاكر اسمه
انا معايا منها لو حد عايز
ودى صورتها

**sohagy** · 25-09-2011 01:14 AM

ازيكم يا جماعة ..يا رب الجميع يكون بخير
انا حصلت معايا حاجة مش عرف سببها ايه ..
غيرت زيت امبارح بالليل كان معايا نص لتر باقي من تغيير الزيت اللي فات واشتريت جركن جديد والعامل حط منه لترين ونص يبقي المجموع 3 لتر ومغيرتش الفلتر ..
المهم .. اني بعد العامل ما حط الزيت اكتشفت ان فيه اختلاف في نوعية الزيت بتاع الجركن الجديد عن الجركن القديم .. يعني القديم موبيل ( ملتي جريد ) تقريبا .. والجديد اسمه موبيل ( اكسترا )
فأنا عايز اعرف هل فيه مشكلة في خلط النوعين مع بعض ؟ لأني بلاحظ اني لمبة الزيت بتنور وتطفي ولو بدوس فرامل ووقفت تفضل منورة لكن طول ما انا دايس بنزين مبتنورش.

**JUVENTUS** · 25-09-2011 01:18 AM

المشاركة الأصلية كتبت بواسطة sohagy

ازيكم يا جماعة ..يا رب الجميع يكون بخير
انا حصلت معايا حاجة مش عرف سببها ايه ..
غيرت زيت امبارح بالليل كان معايا نص لتر باقي من تغيير الزيت اللي فات واشتريت جركن جديد والعامل حط منه لترين ونص يبقي المجموع 3 لتر ومغيرتش الفلتر ..
المهم .. اني بعد العامل ما حط الزيت اكتشفت ان فيه اختلاف في نوعية الزيت بتاع الجركن الجديد عن الجركن القديم .. يعني القديم موبيل ( ملتي جريد ) تقريبا .. والجديد اسمه موبيل ( اكسترا )
فأنا عايز اعرف هل فيه مشكلة في خلط النوعين مع بعض ؟ لأني بلاحظ اني لمبة الزيت بتنور وتطفي ولو بدوس فرامل ووقفت تفضل منورة لكن طول ما انا دايس بنزين مبتنورش.

عربيتك 1600 و لا 1400
العربية ال 1600 بتاخد 3.5 لتر زيت بدون تغيير الفلتر و مع تغيير الفلتر بتاخد 4 لتر بس مش عارف ال 1400 نفس الكلام و لا لأ

**ahmed79** · 25-09-2011 03:00 PM

المشاركة الأصلية كتبت بواسطة spiderex777

السلام عليكم و رحمة الله
انا عاوز اشكركم كلكم لاني استفدت منكم كتير جدا
انا اخوكم ماجد خضر
معايا تمبرا جميلة جدا ايطالي موديل 91 لاحظت ان معظمكم بيتعامل مع واحد اسمه فاروق في عزبة شلبي ممكن حد يديني نمرة تليفونه و شرح لمكانه من فضلكم لاني محتاج تابلوه ديجيتال ضروري لان الفريم البلاستيك اللي علي العدادات اتكسر محتاج اغيره و جزاكم الله خير يا تمبراوية

وعليكم السلام ورحمه الله وبركاته
ربنا يبارك لك فيها ويكفيك شرها ويسترها معاك ومع الجميع
رقم فاروق 0126473376
لم تدخل العزبه من ناحيه المطريه هتلقيه تانى شارع على اليمين فى وش المرجيح
وسعر التبلوه الدجتيل كامل 300