رابطة مالكي وعشاق التمبرا (الجزء الخامس)

**JUVENTUS** · 19-09-2011 10:01 PM

المشاركة الأصلية كتبت بواسطة BIG

استاذ هشام باشا انا كنت شفت الموضوع بتاع اننا نركب لمبه في زراير الزجاج علشان تنور هو اصلا الزراير فيها لمبات ولا انتو عايزتعدلو اصل انا مره فكيت الزراير ولاقتها متبرشمه امال حتتحل ازاي وياريت لو في صور تبين الموضوع ده وانت ملك الصور

الزراير بتنور فعلا زي ما قال الاستاذ هشام بس فيه منها بيكون متبرشم و فيه من خير يعني راكب بكليبسات بس و المتبرشم برضو بيكون فيه كليبسات على فكرة
شوف كده الصورة دي فيها زرارين واحد متبرشم و البرشام عليه دايرة بالاحمر و و التاني لأ

و الكليبسات عليها سهوم بالازرق
الصراحة مش عارف الزرار المتبرشم ده معمول كده ليه و مش عارف برضو هل لو البرشام اتفك فيه مشكلة و لا عادي بس اغلب الظن مش هيحصل حاجة لانه كده كده بيركب في الغطا البلاستيك الاسود اللي راكب في دراع الباب و بيتحشر فيه

عموما ده شكل الزرار كامل بالغطا الاسود

و ده شكله لما بيتفك من الغطا

الصورة دي فيها شكل اللمبة اللي راكبة جوة هي لمبة سفاية بس صغيرة اوي و راكب فوقها كاوتشة لونها اخضر عشان تدي الاضاءة الخضرة اللي بنشوفها دي

ده شكل الزرار من جوة و الدايرة اللي بالاحمر دي على الرجلين بتوع اللمبة في البوردة بتاعت الزرار

اللي هيتعمل انك هتجيب لمبة زيها بالضبط من وسط البلد
و هتحتاج كاوية لحام قصدير طبعا تسخن بيها القصدير اللي ملحوم بيها اول رجل للمبة و تشدها من الناحية التانية بالراحة لحد ما تطلع و بعدين نفس الكلام للرجل التانية
و بعدها هتلحم اللمبة اللي اشتريتها في نفس المكان هتحط الرجلين مكانهم بعدين تلحم بالقصدير تاني كويس
استخدام الكاوية بحذر طبعا عشان البوردة متبوظش و فيه بعض الكهربائية بيعملو الكلام ده على فكرة بس ده لو رايق و معندوش شغل كتير هيتسلى في الكلام ده

**yoyomano** · 20-09-2011 07:55 PM

المشاركة الأصلية كتبت بواسطة bestmoahmed201

شكرا يا باشا والله استاذ ولك كل التقدير والاحترام ويا ريت بالمرة تشوف لنا صور لمقاس زيت الكهربا ومكانه فين

مساء الخير
مكان مقاس الزيت الكهربا هو نفس مكان مقاس الزيت العادى اللى معلم عليه بالاحمر وبيكون ليه فيشة جنبه بتتوصل بيه وهو شكل العادى تقريبا مع اختلاف ان فى اخرة مفيش تدريج لكن فيه بلبة حساس لما الزيت بيقل عنها بتقفل الدائرة وبتنور لمبة التشك بس للاسف معنديش صورة للمقاس

**bestmoahmed201** · 21-09-2011 02:14 AM

شكرًا يا باشا على الرد وياريت لواتوفرت صورة مقاس الزيت اللى بالكهربا عشان انا عندى علامة الزيت فى التابلوه ولكن مقاس الزيت اللى عندى عادى

**BIG** · 21-09-2011 02:19 AM

الله ينور يا باشا علي الصور هم دول التمبراويه دايما قلبهم علي بعض واللي عنده معلومه مش بيبخل بيها علي التاني وزهو ده الجميل في الرابطه اللي الواحد سعيد بالاشتراك فيها

**MOH1973** · 21-09-2011 02:21 AM

طيب انا عندي مقياس الزيت الكهربائي وكانت المؤخرة البلاستيك الموجودة فيه مكسورة بس انا لصقتها بالامير لكن بردة لمبة حساس الزيت الي في كمبيوتر الاعطال منورة علطول بالرغم من ان الزيت مضبوط يا تري الحل ايه والعيب فين مش عارف العيب في الفيشة واله في الحساس نفسة