رابطة مالكي وعشاق التمبرا (الجزء الخامس)

**bestmoahmed201** · 18-09-2011 02:19 AM

المشاركة الأصلية كتبت بواسطة heshamzaky

من الوصف بتاعك يا باشا اعتقد التمبرا الى معاك عدادات ديجيتال تقريبا مش عارف لمبة الراياتير دى اية بصراحة
لكن اللمبة الى فيها علامة زى القطارة دى لمبة الانجيكشن أنت عربيتك أنجيكشن و لا كاربراتير

السلام عليكم يا استاذ هشام انا عربيتى انجكشن ولكن صاحبها اللى اشتريتها منه غيرها كاربراتير والعدادات ديجيتال ولكن محدش رد عليا لغاية الآن الحساس اللى فى قربة الميه بتاعة الكاربراتير بيشتغل على مستوى الميه ولا درجة حرارة الميه عشان لما كانت اللمبة بتنور احمر وبكشف على الميه بلاحظ انها كويسة بس درجة حرارتها عالية شوية عشان كدة انا بسأل هل بيشتغل على مستوى الميه ولا درجة الحرارة وشكرًا لكل الاخوة اللى ردوا عليا وسؤال اخير ممكن صورة لحساس الزيت الكهربا ده عشان عايز اعرف مكانه وشغال ولا لأ واكرر شكرى

**ZALABANY** · 18-09-2011 10:12 AM

المشاركة الأصلية كتبت بواسطة bestmoahmed201

السلام عليكم يا استاذ هشام انا عربيتى انجكشن ولكن صاحبها اللى اشتريتها منه غيرها كاربراتير والعدادات ديجيتال ولكن محدش رد عليا لغاية الآن الحساس اللى فى قربة الميه بتاعة الكاربراتير بيشتغل على مستوى الميه ولا درجة حرارة الميه عشان لما كانت اللمبة بتنور احمر وبكشف على الميه بلاحظ انها كويسة بس درجة حرارتها عالية شوية عشان كدة انا بسأل هل بيشتغل على مستوى الميه ولا درجة الحرارة وشكرًا لكل الاخوة اللى ردوا عليا وسؤال اخير ممكن صورة لحساس الزيت الكهربا ده عشان عايز اعرف مكانه وشغال ولا لأ واكرر شكرى

حساس القربه بيشتغل على مستوى الميه ومالوش علاقه بدرجة حرارتها

**BIG** · 18-09-2011 04:15 PM

ياجماعه دلوقتي الاستاذ محمد بيتكلم عن اللمبات اللي في لوحه الفحص مثل حساس مقاس الزيت وحساس القربه طب هو كل التمبرا الديجيتال فيها اللمبات دي بس انا عندي القربه عاديه ومقاس الزيت عادي هل اسلاكهم في الدفيره بتبقي موجوده ولا لا وبعدين هو زيت الفرامل له لمبه بيان في التابلوه

**BIG** · 18-09-2011 04:23 PM

استاذ هشام باشا انا كنت شفت الموضوع بتاع اننا نركب لمبه في زراير الزجاج علشان تنور هو اصلا الزراير فيها لمبات ولا انتو عايزتعدلو اصل انا مره فكيت الزراير ولاقتها متبرشمه امال حتتحل ازاي وياريت لو في صور تبين الموضوع ده وانت ملك الصور

**sohagy** · 18-09-2011 11:29 PM

المشاركة الأصلية كتبت بواسطة yoyomano

كلامك فى الجون وزى الفل يا أخ سوهاجى
والاخ اللى بيقول ان اللمبة بتنورمع دوسة البنزين ممكن يكون مستوى المية فى القربة قليل ومع رجة الموتور بتنزل عن مستوى الحساس بتخلى اللمبة تنور
واللمبة اللى عليها قطارة دى بتاعة مقاس الزيت الكهربا وبتنور لما مستوى الزيت بيقل
سؤال بقة محدش عنده مقاس زيت كهربا زيادة لأن اللى عندى باظ ههههههههه

والله يا باشا انا من ساعة ما جبت العربية ومقاس الزيت اللي فيها عادي .. وما عنديش معلومات عن مقاس الزيت الكهربا ده وانا مش مهتم بيه علي اساس اني بشيك علي الزيت بنفسي .. تقدر تقول اتعودت ..
المهم .. لو عندك معلومات عن مقاس الزيت الكهربا وهل ليه فيشة ومكانها فين وهل متوفر في العزبة ؟ يعني يا باش ما تحرمناش من المعلومات دي

**sohagy** · 18-09-2011 11:38 PM

المشاركة الأصلية كتبت بواسطة BIG

ياجماعه دلوقتي الاستاذ محمد بيتكلم عن اللمبات اللي في لوحه الفحص مثل حساس مقاس الزيت وحساس القربه طب هو كل التمبرا الديجيتال فيها اللمبات دي بس انا عندي القربه عاديه ومقاس الزيت عادي هل اسلاكهم في الدفيره بتبقي موجوده ولا لا وبعدين هو زيت الفرامل له لمبه بيان في التابلوه

انا هجاوبك عن القربة
لو القربة عندك عادية ( يعني من غير حساس ) وفي نفس الوقت عندك علامة نقص المياة علي التابلوه .. يبقي القربة متغيرة .. وفي الحالة دي ممكن تجيب واحدة استيراد من 100 الي 150 ج والجديد فيه نوعين واحدة ب 150 ج ودي اوعي تجيبها لأنها بتبوظ بسرعة مع ارتفاع درجة الحرارة وبتتنفخ زي ابالونة وممكن تنفجر .. وفيه نوع تاني كويس ب 250 ج بس ما جرتوش
بس الاستيراد في القربة احسن
اما مقاس الزيت الكهربا فاحنا هنستني الاستاذ yoyomano يقولنا الخلاصة فيه
ولمة زيت الفرامل اعتقد موجودة .. مش متأكد

**heshamzaky** · 18-09-2011 11:50 PM

المشاركة الأصلية كتبت بواسطة big

استاذ هشام باشا انا كنت شفت الموضوع بتاع اننا نركب لمبه في زراير الزجاج علشان تنور هو اصلا الزراير فيها لمبات ولا انتو عايزتعدلو اصل انا مره فكيت الزراير ولاقتها متبرشمه امال حتتحل ازاي وياريت لو في صور تبين الموضوع ده وانت ملك الصور

بص يا باشا الزراير فيها بالفعل لمض و بتنور
الى محترف و بيغر اللمض دى تيفا باشا هو بيعملهم بنفسة و أحمد يوفنتوس عندة فكرة كويسة جدا عن الموضوع دة

**heshamzaky** · 18-09-2011 11:51 PM

بالنسبة لمقاس الزيت الكهرباء سعرة فى العزبة 70 جنية تقريبا هو بيبقى فى الانشيا أكتر من التمبرا بس فية تمبرا بمقاس زيت كهرباء

**BIG** · 19-09-2011 12:23 AM

طب ياريت لو يكونوا شافو المناقشه ويردو علينا لان الزراير دي لما تنور حيبقي شكلها حلو

**sohagy** · 19-09-2011 01:15 AM

المشاركة الأصلية كتبت بواسطة heshamzaky

بالنسبة لمقاس الزيت الكهرباء سعرة فى العزبة 70 جنية تقريبا هو بيبقى فى الانشيا أكتر من التمبرا بس فية تمبرا بمقاس زيت كهرباء

ما شاء الله يا باشا ..موسوعة في قطع غيار التمبرا ..
انا عندي العربية عدادات ديجتال وفيها علامة مقاس الزيت .. بس من ساعة ما جبت العربية وهي المقاس اللي فيها عادي فكنت عايز اعرف الفيشة بتاعة مقاس الزيت مكانها فين علشان لو موجودة اشتريه من العزبة واريح نفسي من قصة التشييك علي الزيت كل شوية