الموضوع: رابطة مالكي وعشاق التمبرا (الجزء الخامس)

السلام عليكم ياتمبرايه كل سنه وانتو طيبين الصيف طالع وكنت عايز اتقي شر السخونيه بتاعت الماتور لاني عندي مشكله ان المروحه بتشتغل فترات طويله في الزحمه ومش بتفصل خالص غير في المشي الطوالي بعض الناس قالولي داعيب راداتير فهل ممكن حد يقولي مواصافات الريداتير الجديد ايه علشان احل مشكله السخونيه دي ياريت حد يرد عليا

لو سمحتو العربية بتسخن مع التكييف والحرارة بتوصل 100 ومن غير التكييف الحرارة ما تعديش 85 والمروحة شغالة على السرعة العالية والكهربائى بيقول ان العربية لازم يتركبلها مروحة امام السربنتينة هل التمبرا بيركبلها مروحة امام السربنتينة ولا لا

سؤال جميل ياريت حد يجاوبلنا عليه

ازيكم يا رجالة .. بجد شغل عالي اوي

كنت عايز أستشيركم .. معايا 25,000 وعايز اجيب تيمبرا

ياريت اعرف ممكن بال 25,000 اجيب حاجة كويسة ولا لأ .. وعايز اعرف مميزات التيمبرا

اقصى سرعة
نعومة العربية
صوت الموتور
الثبات
استهلاك البنزين
العربية انجكشن ولا كاربيراتير
ينفع احطلها 80 ولا لأ
قطع غيارها متوفرة ولا لأ .. ورخيصة ولا اية ؟

والف شكر مُقدماً

هو في ايه هي الرابطه واقفه الصفحه دي بقالها اكتر من اسبوع مش بتتحرك هي الناس فين

الاخوة الافاضل خبراء التيمبرا بعد التحية
انا معايا فيات تيمبرا 1600 cc غير مكيفة وكنت شاريها من سنة والحمد لله ماشيا كويس بس حصل معايا موقف عايز حل ليه
امس وانا ماشي بالعربية لاقيت عداد الحرارة عدي 90 بـ 3 شرط فورا رحت راكن وفتحت الكبوت لاقيت المروحة مش شغالة وقربة المياة بتغلي استنيت شوية لغاية ما الحرارة هديت ورحت ماشي لغاية ما قربت عند البيت وكانت الحرارة وصلت الي بداية الشرطة الحمراء وكانت القربة فضت المياه في الارض رحت فاتح الكبوت وانتظرت شوية ورحت فاتح غطاء القربة بالراحة لغاية ما البخار الي فيها خرج ثم دورت العربية وزوت مياه في القربة وكل ما املي القربة تتطلع مياه مغلية فيها صدا بتفور لغاية ما القربة المياه اصبحت شفافة رحت واخذ الهواء للردياتير واخذت العربية فورا للكهربائي وكان الاتي :
1- كشف علي المروحة ملقاش في كهرباء وصللها
2- اعد يدور وفك الفيشة الي راكبة في المروحة وفك وصلة الثموستات ووصل بسلكة فاللمبة الي معاه نورت
3- قالي السلك الي واصل للمروحة ضعيف شوية مع الحر والحمل المروحة بتفصل كهرباء وكدة ممكن تكون محتاج علبة فيوزات بس دي غالية بـ 450 جنية وقالي في حل ثاني
4- قام بتوصيل سلك اقوي من الموجود ووصلة بالبطارية وبالسلك الخلفي الي داخل علي فيشة المروحة و فعلا المروحة اشتغلت و جربتها وفصلت ودارت عادي ذي الاول والتبريد اصبح تمام والثموستات شغال
السؤال الاول : هل الي عملة الكهربائي ده صح ولا غلط علي الرغم انه ما لغاش اي حاجة في المروحة والفيش كلها موجودة ولو ماكنش صح الحل الصح ايه ؟

السؤال الثاني هل ممكن تكون العربية بعد الي حصل تكون جابت وش سلندر علي الرغم من اني روحت البيت بالعربية من عند الكهربائي وكانت ذي الفل وماشية كويس والمروجة بردو شغالة كويس

الاستاذ هشام تحيه طيبه ارجو ان تكون في خير حال لوسمحت تفيدني في الموضوع ده ارجوك علشان عاملي وش في دماغي الحراره عندي لاتتعدي 90 داخل البلد مع زحمه المرور مهما وقفت ولما السكه بتسلك بتنزل ل80 و70 بس اللي عايز اعرفه المروحه مش بتفصل في الزحمه خالص والمشي البطيئ مع اني مغير الترومستات قريب وغاسل الريداتير في البنزينه فهل ده طبيعي مع العلم ان الميه مش بتنقص اوبيحصل اي غليان في القربه بس المروحه بتفضل شغاله طول مانا واقف مش بتفصل خالص ياريت لوتفيدني في الموضوع ده ضروري حاجه تانيه البور عندي تقيل شويه فياتري العيب بيبقي في ايه الترمبه اوالاسكترا مع ان الزيت مش بينقص وياترا لو الترمبي بيظه اعرفها ازاي زدول اسوء مشكلتين مقابلني وخنقيني معلش طولت عليك اخر حاجه ياباشا هي الرابطه نايمه ليه الناس راحو فين انا اول مافتحت لاقيت رساله جيالي بس معرفتش افتحه ارجوا الاجابه من حضرتك ولو اي تمبراوي صدفته المشكلات دي برده ياريت لو يفدنا

المشاركة الأصلية كتبت بواسطة big

الاستاذ هشام تحيه طيبه ارجو ان تكون في خير حال لوسمحت تفيدني في الموضوع ده ارجوك علشان عاملي وش في دماغي الحراره عندي لاتتعدي 90 داخل البلد مع زحمه المرور مهما وقفت ولما السكه بتسلك بتنزل ل80 و70 بس اللي عايز اعرفه المروحه مش بتفصل في الزحمه خالص والمشي البطيئ مع اني مغير الترومستات قريب وغاسل الريداتير في البنزينه فهل ده طبيعي مع العلم ان الميه مش بتنقص اوبيحصل اي غليان في القربه بس المروحه بتفضل شغاله طول مانا واقف مش بتفصل خالص ياريت لوتفيدني في الموضوع ده ضروري حاجه تانيه البور عندي تقيل شويه فياتري العيب بيبقي في ايه الترمبه اوالاسكترا مع ان الزيت مش بينقص وياترا لو الترمبي بيظه اعرفها ازاي زدول اسوء مشكلتين مقابلني وخنقيني معلش طولت عليك اخر حاجه ياباشا هي الرابطه نايمه ليه الناس راحو فين انا اول مافتحت لاقيت رساله جيالي بس معرفتش افتحه ارجوا الاجابه من حضرتك ولو اي تمبراوي صدفته المشكلات دي برده ياريت لو يفدنا

بص يا باشا
لو العربية عندك مكيفة و الترموستات الى راكبة الى ب 3 طرف تمام كدة
دى بتشتغل سرعتين سرعة عالية و سرعىة بطيئة
لو الحرارة على 90 حا تشتغل السرعة العالية
طالما العربية مش بتعدى درجة حرارة 90 درجة تبقى مظبوطة مفيهاش مشكلة
----------
بالنسبة لموضوع اتطرمبة
لو الطرمبة بتعمل صوت تزبىء كدة يبقى فى بداية بوظان
لو ساعات الدريكسيون يبقى خفيف و ساعات يتقل منك و انت ماشى يبفى عيب طرمبة
الطرمبة بتتغير كلها ب 250 جنية استيراد من عزبة شلبى
--------------------------------------------
بالنسبة لموضوع نوم الرابطة مش عارف الحقيقة اشرحها لك على العام بس ما بقناش نشارك فى الرابطة الا نادرا و دة قرار شبة جماعى من رجالة الرابطة كلهم و طبعا كل واحد حر يشارك او ما يشاركش طبعا دى حريتة بس السبب موقف ما حصل لو رجعت 3 صفحات للخلف حا تفهم الموضوع
تقريبا من اكتر من شهرين مشاركاتنا بقت قليلة جدا جدا
و طبعا كل شخص ممكن يتكلم عن نفسة و بنفسة بس النتيجة زى ما حضرتك لاحظت كدة فعلا
==============
افتح الرسائل الخاصة ليك رسالة