رابطة مالكي وعشاق التمبرا (الجزء الخامس)

**heshamzaky** · 16-09-2011 07:56 AM

بص يا باشا الصورة الاولى دة موتور تمبرا مش مكيفة مش خا تلاقى الطمبورة بتاعت الكرنك راكبة

الصورة دى حا تشوف طمبورة الكرنك راكبة و دى الى بيركب عليها سير التكيف

و الصورة دى واضحة جدا مبينة شكل القاعدة بتاعت الموتور بتاعت التمبرا المكيفة و ظاهر فى الصورة طمبورة الكرنك الى بيركب عليها سير التكيف و السير من الطمبورة الى الكومبريسور بتاع التكيف

**MOH1973** · 16-09-2011 12:18 PM

المشاركة الأصلية كتبت بواسطة heshamzaky

القربة بالموتور ب 50 جنية
لو جبت الموتور فقط ب 30 جنية بس معظم الى فى العزبة حا يبيع الموتور بالقربة ب ال 50 جنية أستيراد طبعا

طيب يا هشام باشا انا لوجبته من العزبة هعرف انه شغال ا>ي
وهل في منه جديد

**JUVENTUS** · 16-09-2011 04:57 PM

المشاركة الأصلية كتبت بواسطة moh1973

طيب يا هشام باشا انا لوجبته من العزبة هعرف انه شغال ا>ي
وهل في منه جديد

لما تجيبه ركبه بنفسك في ساعتها مبياخدش 5 دقائق في التركيب
بس اتاكد الاول ان الخراطيم اللي بتمشي فيها المية مش مسدودة عشان لو مسدودة الموتور هيشتغل على الفاضي و مش هيطلع ميه و ممكن تفتكر العيب منه

**heshamzaky** · 17-09-2011 12:21 AM

المشاركة الأصلية كتبت بواسطة moradmet

والله كلمة محترف قليلة عليك يا هشام ................. مافكرتش تفتح ورشة وتجيب صنايعية تشغلهم .هههههههههههه الله عليك بجد

هههههههههههههه تسلم يا باشا
و لعلمك انا بكرة وقفة الميكانيكية و الصنايعية جدا و ببقى مش طايق القعدة عندهم ما بصدق اخلص علشان امشى تقولى ورشة يا عم حرام عليك هههههههههه

**bestmoahmed201** · 17-09-2011 12:28 AM

السلام عليكم وحشتونى يا شباب ازيكم عندى سؤال لخبراء التمبرا عندى اللمبة اللى مرسوم عليها الردياتيربتنور وتطفى لوحدها وساعات بتنور مع دوسة البنزين يا ترى اللمبة بتشتغل مع مستوى الميه ولا مع درجة حرارة الماء وفيه علامة فوق منها زى ما تكون قطارة زى اللى فى زجاجة القطرة بتاعة زمان ممكن تقولولى دى بتاعة ايه وموصلة فين وياريت استاذ الصور يدينا نفحة من عنده ولكم جزيل الشكر

**heshamzaky** · 17-09-2011 12:35 AM

من الوصف بتاعك يا باشا اعتقد التمبرا الى معاك عدادات ديجيتال تقريبا مش عارف لمبة الراياتير دى اية بصراحة
لكن اللمبة الى فيها علامة زى القطارة دى لمبة الانجيكشن أنت عربيتك أنجيكشن و لا كاربراتير

**moradmet** · 17-09-2011 01:53 AM

المشاركة الأصلية كتبت بواسطة heshamzaky

هههههههههههههه تسلم يا باشا
و لعلمك انا بكرة وقفة الميكانيكية و الصنايعية جدا و ببقى مش طايق القعدة عندهم ما بصدق اخلص علشان امشى تقولى ورشة يا عم حرام عليك هههههههههه

مسائك فل يا هندسة
هاتكونفرصة تطلع على جتتهم البلا و تخلص طارك من الصنايعية و هاتبقى خدمة العمر لكل تمبراوية مصر
و ماتقلقش هاجيبلك ثلاجة بيبسي بحالها أول ما تفتح المشروع هههههههههه

**sohagy** · 17-09-2011 06:04 AM

المشاركة الأصلية كتبت بواسطة bestmoahmed201

السلام عليكم وحشتونى يا شباب ازيكم عندى سؤال لخبراء التمبرا عندى اللمبة اللى مرسوم عليها الردياتيربتنور وتطفى لوحدها وساعات بتنور مع دوسة البنزين يا ترى اللمبة بتشتغل مع مستوى الميه ولا مع درجة حرارة الماء وفيه علامة فوق منها زى ما تكون قطارة زى اللى فى زجاجة القطرة بتاعة زمان ممكن تقولولى دى بتاعة ايه وموصلة فين وياريت استاذ الصور يدينا نفحة من عنده ولكم جزيل الشكر

معني ان اللمبة تنور وتطفي حاجة من اتنين
1- مستوي المياه في القربة قليل
2- لو مستوي المياة مظبوط يبقي العدادات الديجتال عندك بايظة وبتخرف
أما العلامة اللي فوق فهي خاصة بمستوي الزيت في الموتور تقريبا .. يعني لو الزيت قل عن المستوي المطلوب بتنور

**yoyomano** · 17-09-2011 09:02 PM

المشاركة الأصلية كتبت بواسطة sohagy

معني ان اللمبة تنور وتطفي حاجة من اتنين
1- مستوي المياه في القربة قليل
2- لو مستوي المياة مظبوط يبقي العدادات الديجتال عندك بايظة وبتخرف
أما العلامة اللي فوق فهي خاصة بمستوي الزيت في الموتور تقريبا .. يعني لو الزيت قل عن المستوي المطلوب بتنور

كلامك فى الجون وزى الفل يا أخ سوهاجى
والاخ اللى بيقول ان اللمبة بتنورمع دوسة البنزين ممكن يكون مستوى المية فى القربة قليل ومع رجة الموتور بتنزل عن مستوى الحساس بتخلى اللمبة تنور
واللمبة اللى عليها قطارة دى بتاعة مقاس الزيت الكهربا وبتنور لما مستوى الزيت بيقل
سؤال بقة محدش عنده مقاس زيت كهربا زيادة لأن اللى عندى باظ ههههههههه