الموضوع: مين قال ان فرامل بروتون غير مرضية !!

المشاركة الأصلية كتبت بواسطة ashouhdy

انتم داخلين فى الراجل شمال لية ؟؟ مقلش حاجة تذعل يعنى

مش عارف يا جماعه بالراحه شويه على الراجل وبعدين هو مغلطش في حد وحتى لو قال حاجه غلط على العربيه يبقى نوضحلو بطريقه احسن من كده
وارجو ان محدش يزعل

المشاركة الأصلية كتبت بواسطة smaalos

مش عارف يا جماعه بالراحه شويه على الراجل وبعدين هو مغلطش في حد وحتى لو قال حاجه غلط على العربيه يبقى نوضحلو بطريقه احسن من كده
وارجو ان محدش يزعل

فعلا كلام صح و بعدين احنا عايزين نزود شعبية الجين و نحبب الناس فيها لانها فعلا عربية محترمة و مش واخدة حقها فى مصر بسبب التوكيل ال............................................ت يت

انا متهيالى انه قصده ان اللعب فى رجلاج الفرامل علشان تعلية دواسة الفرامل هو ممكن سبب خلصان التيل
بسرعة اقل من الطبيعى عند بعض الناس الى سوقتها عنيفة شوية
يعتى لو دواسة الفرامل اتسابت على رجلاج الفابريقة يكون عمر التيل اطول ( ده مجرد افتراض )

ياريت حد من خبراء الجين الى رجلجو الدواسة يفدنا بعد ما جرب

انا شايف ان العربية فراملها تمام هى بس الدواسة واطية شوية و بتحس انك دايس برجلك على سفنجة و انها بتتعصر تحت رجلك و ده فيه ميزة انه بيخلى الفرملة ناعمة و مريحة للركاب على السرعات المنخفضة

بس ساعة الجد لو دست جامد على سرعة عالية العربية بتقفش زى الكتاب ما بيقول من غير صوت ولا صريخ و لو زحف بفضل ايه بى اس و ده معناه انها عربية محترمة
هو فى عربية بالتمن ده فيها اى بى اس!!!!

المشاركة الأصلية كتبت بواسطة tamerosman

فعلا كلام صح و بعدين احنا عايزين نزود شعبية الجين و نحبب الناس فيها لانها فعلا عربية محترمة و مش واخدة حقها فى مصر بسبب التوكيل ال............................................ت يت

انا متهيالى انه قصده ان اللعب فى رجلاج الفرامل علشان تعلية دواسة الفرامل هو ممكن سبب خلصان التيل
بسرعة اقل من الطبيعى عند بعض الناس الى سوقتها عنيفة شوية
يعتى لو دواسة الفرامل اتسابت على رجلاج الفابريقة يكون عمر التيل اطول ( ده مجرد افتراض )

ياريت حد من خبراء الجين الى رجلجو الدواسة يفدنا بعد ما جرب

انا شايف ان العربية فراملها تمام هى بس الدواسة واطية شوية و بتحس انك دايس برجلك على سفنجة و انها بتتعصر تحت رجلك و ده فيه ميزة انه بيخلى الفرملة ناعمة و مريحة للركاب على السرعات المنخفضة

بس ساعة الجد لو دست جامد على سرعة عالية العربية بتقفش زى الكتاب ما بيقول من غير صوت ولا صريخ و لو زحف بفضل ايه بى اس و ده معناه انها عربية محترمة
هو فى عربية بالتمن ده فيها اى بى اس!!!!

أشهد ألا إله إلا الله أخيراً وجدت رأى موضوعى وصوت للعقل

تمام كده يا برنس ولو وجدت إنى قلت حاجة غير كده يا ريت توضح لى، أنما طنابيرنا وتيلنا دى حاجة مش معقولة أبداً

المشاركة الأصلية كتبت بواسطة mido_soliman

بص يباشا حضرتك على عينا وراسنا طبعا ولكن انا بس بعتب عليك انك كنت واخد كلامك عن الفرامل تحديدا من عضو واحد وكلنا هنا عارفين هوة مين وسابنا من فترة ولله الحمد وبيتهيالى انة غير اسمة كمان
بس عموما حضرتك عمرك ما جربت العربية وعمرك ما حسيت احساس قيادتها والسيطرة عليها وبالتالى حمكك او حتى تعليقك لازم يبقى مشكوك فية خصوصا لما يبقى نقلا عن فلان او عن ملاك ولو ان جمع ملاك دة مش مظبوط ومش فى محلة بردة
عموما يباشا حضرتك كنت ناوى فى فترة من الفترات انك تقتنى الجميلة البيرسونا ولم يحالفك الحظ ووفقك الله فى النيسان وربنا يباركلك فيها ولو تفتكر تعليقى عليك فى الموضوع اللى حضرتك كنت عاملة تحت عنوان (بجد حزين.. البرسونا زى نجمات السيما) وبيتهيالى كل ملاك العربية اللى تفاعلوا على موضوعك كانوا ضدك او بينقدوا اراءك لانها غير سليمة بخصوص السيارة على الاطلاق
عموما بالنسبة لموضوع الفرامل علشان الموضوع دة فعلا قتل بحثا واصبح (اللبانة ) اللى بيتكلم فيها اى شخص لا يعرف حتى بلد صنع السيارة كنت عملت موضوع من فترة كبيرة واسمحلى احطلك اللينك بتاعة ومش مهم تقرا الموضوع قد ما يهمنى تقرا رد الملاك علية لان هوة دة الدليل القاطع على مدى كفاءة منظومة فرامل السيارة والكلام من الملاك انفسهم وليس من اشباة ملاك او متطلعين او ما الى ذلك تحياتى الحارة وربنا يباركلك فى النيسان

http://www.nilemotors.net/nile/167937-2.html

يا سيدى الفاضل ويا أخى العزيز

أنا والله مانتقدش فرامل العربية خالص لأنى فعلاً مجربتهاش. وبعدين بالعقل كده أكيد فراملها كويسة آمال منتشرة فى محافظات مصر إزاى؛ يعنى أكيد بتقف وبتفرمل مش كده.

وزى ما حضرتك قولت فعلاً كنت هاشترى بيرسونا وربنا لم يرد وفعلاً عملت موضوع بالاسم السابق ده، وكان فيه ردود بعضها كان قاسى، وبعضها كان عصبى، والقليل منها كان زى حضرتك لما شرفتنى بالرد كان ـ موضوعى وعقلانى وهادئ ومحترم جدا؛ وكمان أنا قرأت الموضوع اللى إنت عملته على الفرامل والمرارة اللى خلاص، فى حينه، وكان موضوع محترم جداً، .......... كل ده حصل؛ فأنا مش بأكذَّب حد لا سمح الله أو بأفتى بغير علم حاشا لله؛ لأن كلامى على العربية لا هيقدم ولا هيأخر ولا ليه أى تأثير خالص.

أنا بس حبيت أن أبدى ملاحظة على موضوع التيل اللى بيخلص بسرعة من وجهة نظرى وعلى أن الطنابير بتحتاج للخرط بسرعة نسبياً بموديلات أخرى فقط؛ وطبعاً ملاحظة ممكن تكون غلط لأنى مش مالك للعربية ومسقتهاش.

بس كان نفسى الموضوع يظل فى هذا الإطار وفقط، يعنى مجرد وجهة نظر .

كمان إحنا كلنا فى المنتدى هنا أخوة مش أعداء يعنى محدش أحسن من حد إلا بعمله وعلمه وحسن أخلاقه مش بالعربية اللى راكبها، يعنى نختلف نتحاور نتناقش، نكره العربية أو نحبها بس مفيش غلط فى بعض عشان وجهة نظر شخصية فى عربية ..... مش كده العقل والدين بيقولوا كده.

وبعدين أنا فعلاً معجب بالعربية ومعجب جداً كمان؛ وده شى لا أخفيه ولا أدعيه ولا حتى أنكره، بس أنا اشتريت عربيتى بعد صلاة استخارة وده أكيد كان فيه خير مش كده، بس إعجابى بالبيرسونا أنا شايف إنه شئ عادى لأن ربنا أمرنا بغض النظر عن المحرمات بس ومتهيألى النظر للعربيات عامة والبيرسونا خاصة مش حرام .

أستاذنا أنا بصراحة فخور أنك شرفتنى بالرد عليك وأسف على الإطالة؛ وأسف إذا كان فى سؤ تفاهم أنا ـ والله العظيم ـ لم أقصده ممكن تعتبرها وجهة نظر واحد جاهل أو معجب جاهل برضه، وممكن نشيل المشاركة سبب المشكلة دى خالص ونفضها سيرة، بس أنا مش عارف إزاى لو تعرف قولى.

سلام يا باشا وشاكر على الرد وتشرفنى صداقتك.

أنا فوجئت من لحظات أنه تم وقف عضوين من زملائنا فى المنتدى هنا قاموا بالرد على المشاركة اللى عملتها على الموضوع ده.

فإنا مش عارف الوقف ده تم بسببى ولا إيه؟!

لو حد يعرف طريقة لإلغاء هذا الوقف يا ريت ميبخلش على ويقول لى إزاى.