الموضوع: قرار توكيل شركة الامل

انا بعمل الصيانة في التوكيل كل 5000 كم وبغير زيت بره عادي
ولما بيسألني بقولة حطيط زيت 10000 وهاغيره الصيانة إلي جاية وعادي بعمل صيانة بدون زيت

انا كنت هناك يوم السبت
و بغير زيت برة من ساعة ما عملت صيانة 1000
ولما روحت وقالولى لازم الصيانة بزيت
قولتلهم مش تشوفى وشى تانى و اللى هعملة عمدكم هعملة برة -
هيبقى بضمير و ارخص
------------------
و من ضمن مساؤ التوكيل انة بيبيع بزمتين - معرفش ازاى مع ان دة توكيل مش محل قطع غير
يعنى على سبيل المثال
الكلبس فى القطامية 3 و فى الشرابية 4 جنية
فلتر هوا القطامية 31.5 و الشرابية 40 جنية
زجاج خلفى علشان غيرتة عندهم تقريبا 300 فى القطامية 380 فى الشرابية
و فى الشرابية اجى الساعة 2 الظهر علشان يتصلو بالصنايعى يجيى الساعة 4 عصرا
غير انو مدير الشرابية راجل قمة فى قلة الزوق
عرفتو لية كلة بيضغط على القطامية
ياريت التوكيل ياخد بالة - علشان باقى العملاء متعملش زى

المشاركة الأصلية كتبت بواسطة hamo81

انا بعمل الصيانة في التوكيل كل 5000 كم وبغير زيت بره عادي
ولما بيسألني بقولة حطيط زيت 10000 وهاغيره الصيانة إلي جاية وعادي بعمل صيانة بدون زيت

والله فكرة ؟ اقوله انه 10000 من بره ولا وايه ؟ لانه مش حينفع اقوله من عنده اكيد فيه جدول صيانه وكده ؟

المشاركة الأصلية كتبت بواسطة abo_mazen

وإيه اللي يعرفهم أصلا إن إنت غيرت زيت خارج التوكيل ؟؟؟..ها ..مش تخليك واعي كده ؟؟....

روح عادي جدا ..ولا كأن فيه حاجه حصلت ..ولو قالولك هو إنت غيرت زيت خارج التوكيل ..قولهم يعني إيه زيت أصلا ؟؟؟!!!!!

هههه انت ماخدش بالك يابو مازن باقولك العداد داخل علي 8000 كم واقعمل نفسي من بنها ازاي ؟ كل المسافه دي ومش مغير زيت ؟ محدش حيصدق

المشاركة الأصلية كتبت بواسطة almaestromomen

والله فكرة ؟ اقوله انه 10000 من بره ولا وايه ؟ لانه مش حينفع اقوله من عنده اكيد فيه جدول صيانه وكده ؟

وانت داخل وبيستلم العربية قوله هعمل الصيانة بدون تغيير زيت وعادي جدا
ميقدرش يجبرك أنك تغير زيت عنده وخاصة لو حاطط زيت 10000