الموضوع: مشكلة في الفرامل

السلام عليكم.

موضوع الصفاره ده موضوع ابدي وموجود في أي تيل فرامل فيه نحاس وده عن تجربه في اكتر من عربيه سقتها لكن هو بيروح اوقات فعلاً بعد غسله محترمه للشاسيه وبيظهر تاني وا ما اعتقدش انها مشكله ليها تأثير على اداء الفرامل على الأقل عن تجربتي انا الشخصيه .

واضح ان حضرتك غيرت التيل اكتر من مره وبالتالي آن الأوان اننا نشوف الطنابير عامله ايه لئن لو التيل الأول هانقول كان فيه عيب وده كان في حالتي التيل التاني ممكن نقول هو كمان فيه عيب لكن التالت والرابع برضه فيه نفس العيب ! بيقى اكيد فيه سبب تاني .

عموما زي ما الاخوه نصحوا حضرتك اعمل زياره للوكيل سواء فرع المقطم او العبور والعبور اسهل شويه في موضوع الحجز والاماكن والسرعه هم هايكشفوا عليها وان شاء الله هيطمنوا حضرتك والأمور هاتتحسن كتير انا واثق وعلى فكره مافيش حاجه اسمها ماينفعش اعمل صيانه عشان العربيه خليجي دلوقتي مافيش اي مشاكل في الموضوع ده عن تجربه قديمه مع رينو والله .

تعليق أخير على وكيلها في السعوديه انا اتعاملت اكتر من مره مع الزاهد في جده مش هاقول وحشين اوي لكن هاقول وحشين لئن في حاجات كتير مش فاهمينها هناك في العربيه واي حاجه تقول عليها يغيروها بدون اي تفسير قد يكون ده لحالتهم الماديه ماعرفش ... الزاهد في السعوديه هو وكيل فلفو برضه وواخد باله منها اكتر كتير من الرينو لدرجة ان الفنيين اللي جوه لما كنت أسألهم عن اي تفاصيل في العربيه يقولولي آسفين اصل احنا متخصصين في الفلفو اكتر. انا بس عاوز اوصل لحضرتك ان زيارتك للوكيل هنا ان شاء الله هاتفرق كتير وهتطمن حضرتك وربنا الموفق.

آسف على الاطاله يا جماعه .