مشكلة في الفرامل

**M.Moustafa** · 22-04-2008 12:53 PM

يا جماعة انا معايا عربية ميجان 2006 شاريها من السعودية وكنت عايش بيها في السعودية ونزلت بيها مصر بقالي 3 شهور العربية فعلا جميلة بس عندي مشكلة عملالي قلق اني من يوم ما اشتريتها والفرامل على طول بتصفر وبحس انها بتحك في الطنبورة ورحت بيها التوكيل في السعودية كتير قالولي مفهاش مشكلة وغيرولي الكاليبر بالكامل وتيل فرامل من نوع تاني ولسه عندي نفس المشكلة وبيقولولي الصفارة دي لان التيل فيه نحاس هل الكلام ده صح ولا غلط وهل حد غيري عنده المشكلة دي ولا انا الوحيد

**Abo_Lina** · 22-04-2008 01:03 PM

انا بتحصلي المشكلة دي ساعات خصوصا بعد الايام المممطرة بس بتروح بعد ما العربية تتتغسل و تتشحم كويس
غالبا بيبقى رمل او طين عالق بين التيل و الطنبورة

**M.Moustafa** · 22-04-2008 01:06 PM

الموضوع ده حاصل معايا على طول حتى دلوقتي العربية اول ما امشي بيها يبقى مفيش صوت بعد وقت قليل تبدا تصفر حتى في الصيف

**Sharky** · 22-04-2008 01:37 PM

الصوت دا بيبقى من التيل نفسه علشان فيه نحاس
و دا كان معايا برضه و لما غيرت التيل الصوت دا إختفى تماما
ممكن تروح التوكيل و يغيروهولك بتيل أحسن من إللى محطوط

**M.Moustafa** · 22-04-2008 01:39 PM

اللي عايز اقولهولك يا باشا اني لسه مغير التيل قبل ما اجي مصر والعربية يا دوب عملت 10 الاف كيلو ودي المرة التالتة اللي بغير فيها التيل ولسه نفس المشكلة

**Sharky** · 22-04-2008 01:41 PM

يبقى إحتمال تكون الطنابير فيها حاجة
رأى الشخصى روح لتوكيل العبور دول ناس محترمين جدا و هما حيقولوك المشكلة دى حلها تيل و لا طنابير لإن ممكن يكون التيل إللى إتركب هناك فى التوكيل مش كويس .

**M.Moustafa** · 22-04-2008 01:46 PM

المشكلة ان التوكيل مش بيقبل يدخل العربيات الخليجي ومش عارف اعمل ايه انا روحت عند فرنش موتورز فهل ده كويس ولا لاء وكمان سؤال انا لما روحت عند فرنش موتورز قالي ان المقصات عايزة تتغير وان المقص ب 450 جنيه فهل ده سعره فعلا؟ معلش انا عارف اني بتقل عليك

**Ahmed Selim** · 22-04-2008 01:51 PM

المشاركة الأصلية كتبت بواسطة sharky

الصوت دا بيبقى من التيل نفسه علشان فيه نحاس
و دا كان معايا برضه و لما غيرت التيل الصوت دا إختفى تماما
ممكن تروح التوكيل و يغيروهولك بتيل أحسن من إللى محطوط

المشكلة دى كانت معايا برضة فى التيل الأصلى اللى جاى فى العربية والتيل اللى بعده لما غيرته فى التوكيل
بعد كده وأنا رايح أعمل صيانة أشتكيت من الصوت ده و قالولى هنغيرلك التيل قاتلهم ده مكملش 10000 كم و بعدين أيه الفرق بينه و بين الجديد قالولى التيل اللى موجود دلوقتى نوع جديد و مفيهوش المشكلة دى وسألونى أذا كان معايا فاتورة التيل اللى راكب والحمدلله كانت معايا فغيروه ببلاش والمشكلة راحت

**M.Moustafa** · 22-04-2008 01:55 PM

الف شكر يا جماعة على الردود بس انا فعلا لسه جديد على موضوع الصيانة هنا في مصر وموضوع الفرامل والمقصات ده عاملي وجع دماغ لدرجة اني فكرت بجد ابيع العربية