الموضوع: تقرير عن اسبرينزا 516 موديل 2011

المشاركة الأصلية كتبت بواسطة elmanahry

محمود باشا سيادتك خطبت واحدة وتزوجت من اخرى مبروك عليك المهم ان عريسنا الاسكندرانى السكرة معانا فى قسم ال byd منورنا ومستمتعين بموضوعاته الجميلة

انا سعيد جدا ومش مصدق ا نى رجعت اشوف صورة حضرتك الجميلة فى موضوع حديث واستمتع من جديد بمداخلات وتعليقات سيادتك البديعة---ربنا يديم علينا نعمة وجودنا مع بعض ويارب كل يوم نزيد ولو عضو جديد ومينقصش مننا عضو واحد

استاذ محمود تحية طيبة من القلب وجزاك اللة كل الخير لسعيك الطيب والف مبروك على السيارة وانشاءالله ربنا يعطيك كل اللي تتمناة

المشاركة الأصلية كتبت بواسطة ozama22

استاذ محمود تحية طيبة من القلب وجزاك الله كل الخير لسعيك الطيب والف مبروك على السيارة وانشاءالله ربنا يعطيك كل اللي تتمناة

ربنا يخليك يا استاذ اسامة ويديم المحبة اللى بينا كلنا

عماد بك انا سعيد بتعليق حضرتك لانة حسسنى ان موضوعى جمع كل الحبايب زى زمان ربنا يكرمك--انا لم ولن انسى وقفتك جانبى ونصايحك اللى ياريتن فهمتها بدرى بس معلش الدنيا لسة مخلصتش --تخياتى يا باشا

عزيزى المقبل على الدخول فى المصيده برجليك ( المثل بيقللك ابعد عن الشر و غنيله)

ده تقرير انا كمان عن الاسبرانزا عموما بوجه عام

اقللك ليه الناس سعات بتقول على الاسبرانزا حلوة و دائما بتقول عليها وحشه للاسباب التالية:

1- فى الناس اللى جابت الاسبرانزا (مش كلهم عشان محدش يزعل ممكن نقول 35% بما فيهم سواقين التاكسى ) كان راكب عربية مستعملة من 128 لادا شاهين بولونيز او مستعمل يابانى قديم ووخدين على الاعطال المتكرره و التصليح عند ميكانيكى تحت البيت عشان كده تلاقيه بيخرج بره الضمان بدرى بدرى و يروح يغير حجات عجيبة فى عربية زيرة قال عشان يرح دماغه من الاخر يعنى تروح تجيب عربية زيرو و تروح تركبلها علطول من الاجنس مسعدين لانسر عند الميكانيى اللى جنب الاجنس - فطبعا لما يطلع الى عربية فيها كل الاوبش الخزعبلى اللى عامل المحمول الصينى اللى ممكن تلاقى فى اوبشن ميكرويف و كتشن ماشين بس من الاخر بيضرب بسرعة. فطبعا لازم العربية تطلع ممتازه لانه بيبص على الكماليات اكتر من الكغاءة --- يعنى نظرته للعربية مختلفة.

2- معظم الناس فى كل العربيات بتركب و تدور و خلاص يمكن ( ده نسبتها 5%) تسمع صوت مش عارفه ده ايه بس طول ما العربية يضرب فيها المارش و التكيف شغال و يروح يغير زيت وخلاص وهو مش عارف العيوب اللى فى عربيته و من سرقة التوكيل سايبة --- فطبعا العربية لازم تطلع حلوه ماهو علبان مش عارف الاصوات و الحركات اللى بتعملها عربيته ده عبارة عن ايه.

3- فى ناس راكبة عربيات قبل كده و فاهمه فى العربيات عشان كده لما يسمع الصوت يبقى عارف الصوت ده ايه و تاثيره ايه يقوم يروح للميكانيكى اللى تحت البيت --- لا طبعا يطلع على التوكيل و يفهمهم العيب ده من ايه ( دول نسبتهم 60%) --- هنا بقى الطامه الكبرى انت جاى عشان تغير حاجة فى الضمان يعنى انت اصبحت من مجرد واحد يجى زى الباشا تغير زيت و فلتر و تربط عفشه الى واحد بيطالب بحقة و تحولت من عميل الى عدو --- هنا تبداء المماطله و التزهيق و لطع العربية الى اخر اليوم لتزهيقك عشان تمشى و متجيش هنا تانى و تقعد تشتموا فى بعض و تشتكوا بعض و تخشوا فى حرب انت فيها الخسران عشان شرط الضمان اكيد سقط منك 3 الف او 5 الف ايهما اقرب ---
فتلاقى الناس بعتها علطول من ول سنة او تانى سنة بعد ما زهقت و تبعها باى سعر عشان كده تلاقى سعرها فى الارض بتاع اعاده البيع دوا نسبتهم من ال 60% نقول مثلا 50% و الباقى يكمل المشوار عشان صعبان عليه فلوسه اللى دفعها فى العربية هما دول اللى تلاقيهم عند حماية المستهلك و للاسف انا واحد منهم و يا رتنى كنت انضمن للباعوها من الاول ) بس الحمد لله قدر الله وما شاء فعل.

نيجى نلخص الاتى:
1- 35% مبسوط لانه خرج من الضمان بدرى و بيتعامل مع الميكانيى بطبيعته و ده مبسوط
2- 5% مش فاهم فى ميكانزم العربيات و ده مبسوط
3- 30% فاهم فى العربيات و لكنه تخلص منها بدرى بدرى و مش مبسوط
4- 30% فاهم فى العربيات ولكن فلوسه لسه ما بردتش و مكمل المشوار و مش مبسوط و فى الاخر بيبيع بخسارة اكتر من نمرة 3

نيجى بقة لتعليق الناس على ابو الفتوح .

1- حنلاقى ان 35% الاولى مش فدمغهم فمحدش بيعلق و ان علق فبيعلق مجاملة للعربية يقلك العربية ثابته و اوسعة و خلافه و غيرت كام حاجة بره و العربية تمام و ميجبش سيره ابو الفتوح خالص.
2- حنلاقى معظم اللى عمل يدافع عن التوكيل و محترم و كفائة و احس توكيل عل ظهر الخليقة و بيهاجم اى حد تانى باستامته و ده اللى بيقع فى فئة ال5%
3- انما بقة الناس اللى عملة تبين للناس عيوب العربية و التوكيل و ده نسبتها 60% ( عشان كده تلاقى نسبه النقد فى العربية اكتر من اللى بيمدح فيها) ده بتبقى متهضة و ده اللى بيبقى عملاء لتوكيلات تانية او حاقدين على السياره او ...... او ...... او ....... والناس كلهم تدهاهم بالهدية او تقعد تجمع بعضها و تهاجم الفئة ده بس فى الاخر اللى بينتصر الحق و الناس كلها بتعرف الحق عشان هما نسبتهم اكبر من ال5% .

ارجوا من اى حد بيسال عن الاسبرانزا او مقبل لشرائها ان يتمعن الاول و يترواى و يقراء كلامى الاول بتمعن ,, ثم يذهب فى مشوار لن يكلفه الكثير الى مركز حماية المستهلك باحمد عرابى فى المهندسين الدور الاول و هنا حيقابل الناس الغلابا ضحايا ابو الفتوح ال 60% او ممكن يقابل المكملين للاخر ودول ال30% الاخيرة و يسالهم و حيسمع هناك عجب العجاب و حيشوف ناس لهى عملاء و لا حاقده على السيارة و لا بتكره حد ناس دافعة فلوسها و بيتنصب عليها و فى الاخر بطلع هى اللى غلطانه.

تحياتى لك عزيزى المقبل هلى شراء السياره تمهل و تروى و ربنا يوفقك لما فيه خير

مفيش مالك سيارة فى مصر عاجبة اداء التوكيل الخاص بسيارتة------دى طبيعة المصرى كصاحب توكيل(يوفر ويماطل ويسوف ويلاوع) ودى طبيعة المواطن المصرى كعميل (ميعجبوش العجب ولا الصيام فى رجب) --- الصينى حلو لو اتعاملت معاة على انة هيونداى او دايو اما لو اتعاملت معاة على انة مرسيدس او باسات يبقى هتزعل وهتكتئب

ياجماعة انا عندى مشكلة بسمع صوت زنة من تانك البنزين اعمل اية ارجو الافادة انا معايا اسبرانزا516a