اقتباس المشاركة الأصلية كتبت بواسطة ehabpopo مشاهدة المشاركة
محمود باشا ... ازاى تقول اننا نسيناك ... انت علامة مميزة من علامات قسم ال byd ... وفاكرينك طبعا ... بس يا رب ما تكونش انت اللى نسيتنا .... وما تحرمناش من رأيك ... وحواراتك الجميلة والمفيدة ... انا كدة هاحسد قسم اسبرانزا عليك يا باشا ... نورت بيتك يا محمود ... ماتتأخرش علينا تانى يا باشا ... يعنى مش لازم يكون عندك صيانة علشان تدخل تطمنا عليك وعلى العربية
مبروك صيانة ال 1000 يا محمود ... وعقبال صيانة ال 1000000 كم ... وربنا يعطيك خيرها ويكفيك شرها .... والله والله يا محمود العربية عند اخى الكبير ... وبركبها كتير ... وبعيدا عن التفاصيل اللى انت كتبتها عن التسارع وحساس البنزين والكلام ده ... انما اوبشن العربية اخر جمال واخر دلع ... وكمان العربية فى مجمالها تحس وانت راكبها برفاهية عالية وثبات وقوة وكمان قطع غيارها رخيصة مش غالية ... عربية حلوة بجد
انما ارجع واقول القلب ومايريد يا محمود ... وانت قلبك مع ال byd وانا عارف الاحساس دة ... لو تفتكر موضوعى بتاع خلف سور المخابرات .... انا ماكنتش ببالغ فية ... هههههههههههههههههه ...
وان شاء الله مش اخر عربية تشتريها ... وان شاء الله تشترى ال byd الاوتوماتيك ... ويمكن بعد 3 سنين يكون فية byd .. وتكون 4*4 ... ونشتريها سوى ...
واحشنى يا استاذ ايهاب انا عارف ان حضرتك حاسس باحساسى فى المشكلة اللى قابلتنى واللى نساهالى مشاركتكم الطيبة ليا بس واللة يا استاذ ايهاب كانت محنة لكن الحمد للة عدت وبدات اتقبل العربية واتعامل معاها ولقيتها ظريفة والدنيا ماشية بس القلب وما يريد واة من حكم القلب ---لكن انشاء اللة سوى فى 4*4 وشكرا لزوقك ويارب تكون عندك اخبار تطمن عن الدكتور مناهرى او استاذنا ابو جيسى الناس دى طيبة جدا ومن كتر طيبتهم بقلق عليهم لما يختفوا عننا شوية --ربنا يطمنا عليهم وعلى الجميع --انا بحس ان القسم دة هو بيت العيلة وان الناس الللى فية اهلى وبحس برابط غريب بيربطنى بيهم----سنتين وانا معاكم كل يوم يمكن من بعد الثورة ظروفى اتلغبطت شوية ومبقتش عارف اتواصل معاكم زى زمان بشكل يومى--لكن انشاء اللة من الاسبوع القادم معكم تانى--وربنا يديم المعروف