العربيه مابتجبش اكتر من 160 كم/س؟؟؟؟؟؟؟؟؟؟؟؟؟

**tananybasha** · 24-05-2011 12:43 AM

مع احترامى الشديد لجميع الأراء الوارده
و باعتذر عن انقطاعى الفترة اللى فاتت بسبب الظروف اللى عندى
موضوع سحب الفيكترا الضعيف ده وهم
انا معايا 2000 سى سى مانيوال و باطلع بيها من بى ام 320 و 318 عادى
يمكن فى الأول بيطلع منى
عدت ال 60 باشوفه فى المرايه
المهم ان العربية تكون مظبوطه موتور و الات جر
الفكره و المهم
اى تحديد غير مبرر للسرعه ( فى حالة سلامة الموتور و الفتيس و مكوناتهم ) لا يمكن ان يخرج عن سببين
الماف / الماب
حساس الكرنك

تسارع العربية فى الأول بطئ
عايز تقفل عداد بعد كده قفله

صعب قوى تقارن عربية فيرنا او اكسنت وزنها اول عن اخر يوم ما تبقى مليانه طن
و عربية و هى فاضية طن و نص

عزم الألمانى بيطلع على كام لفه
و كامل القوة الحصانية بيطلع على كام
لو حسبتها هتلاقيه بيطلع على نص عدد لفات موتور اليابانى او الكورى

حضرتك من الأول رحت لواحد عك و اشتغلك زبون
لو خدت رجلك لغاية مقار
و كشفت كمبيوتر
كنت ريحت نفسك

**tananybasha** · 24-05-2011 12:45 AM

المشاركة الأصلية كتبت بواسطة a7medelfe2y

الاستاذ عمرو خد الكلام من ع لساني وفعلا اخرنا ااحنا الاتنين نفس السرعه والعربيه الي مضايقاه الاكسنت 1300 هههههههه وللاسف واحد صاحبي معاه اكسنت بس 1500 وكل شويه يقولي ماتيجي توريني الالماني ع الطريق وطبعا بيبهدلني ف التسارع وف السرعه لانه بيجيب 180 بسرعه جدا ربنا يباركله فيها بس دا مايمنعش بردوه ان فيه شويه غل وحقد وشر وحسد وضغينه وربنا يباركله فيها ابن المحظوظه.

لو مضايقك هاتهولى او هاته لتامر

المشاركة الأصلية كتبت بواسطة ahmed_lol2007

ياباشا السرعة ملهاش كبير
دلوقتى مبقيتش بزود عن 160 والحمد لله على كدة
مع العلم إن الموتور عندى 2000 سى سى كامة واحدة وفعلا الموتور دة عصبى جدا

كلامك صح قوى
و لو جربته كمان على مانيوال هتعرف انه غبى

**cool_man** · 26-05-2011 08:09 AM

ازيكم يا رجالة الاوبل...أولا انا جديد معاكم بس عاوز اقولكم انا راكب اوبل 98 ال1600 مانيوال اللي الناس بتقول مش عارف ايه عنها .العربيه بتقفل عداد معايا عادي جدا وعامله زي البطه لزقه ماشالله لا قوة الا بالله علي الاسفلت.هيا اه سحبها فالطلعه ومعدل تسارعها ابطأ من الكوري والياباني والبتنجناوي يمكن :p بس عند الغيار التالت اتفرج بئه غير انك راكب اوبل أمان .حد يقارن اكسنت ولا أي عربيه كوري أو يباني بألماني برضو !! مع العلم ان عربيتي عاوزه تتظبط وشاريها من قريب ولسه ما صينتش الموتور ولا الفتيس وكانت مرفوعه.الحمد لله والشكر لله

**A7medelfe2y** · 26-05-2011 03:44 PM

يا استاذنا حضرتك أول واحد يقول ان ممكن العربيه ال1600 كامه واحده تقفل عدادها ولو دا حصل يبقي ياريت تقولنا الموتور دا بتأكله ايه عشان الي عندي جنني خلاص ههههههههه/المهم الغيارات عندك اما تحرق عليها بتمشي كام مع كل غيار والrpmاخباره ايه -عايز رايك ياطناني باشا ف الموضوع دا...........

**فادى محمد** · 26-05-2011 03:54 PM

هو طناني اتكلم في نقطه مهمه جدا وهي ان الالماني اقصي عزم له تحصل عليه عند ار بي ام اقل من الياباني والكوري ..مثال.موتور الفيكترا بيطلع اقصي عزم له عند 2300 ار بي ام بينما اللانسر البومه اقصي عزم ليها بيظهر عند 5500 لفه ,حرق كده علي الغيار التالت هتلاحظ ان اول ما الار بي ام بيوصل ل2300 العربيه بتطير انما قبل كده انا معاك انها بتبقي تقيله بس هي دي طبليعه الالماني كله مواتير عزم وليست مواتير سرعه (سرعه تجميع) انما عندها القدره للوصول لسرعات عاليه بثبات بينما الياباني والكوري الاكسلراشن بتاعه سريع انما بعد كده بيبقي ريشه في الهوا ..

**bedo13** · 27-05-2011 05:58 AM

المشاركة الأصلية كتبت بواسطة tananybasha

حساس الكرنك
او
حساس الماب
كل اللى انت عملته ده ملوش لازمه
هو فايده بس ملوش علاقة بالكلام ده كله
الأماره
لما توصل السرعه القصوى
الأر بى ام ميعلاش عن 4500-5000 لو عملت ايه

الكلام ده في الاوتو بس
المانيوال يوصل للريدزون
عملتها بالفيكترا سي 1600مانيوال
بس في عوامل كتبر جدا تحكم عالحوار ده
اتجاه الهوا
البنزين
الحمولة
حالة فلتر الهوا والبنزين والبوجيهات
علب الشكمان
الفيكترا بي 1600 الموتور السود اخره 190-195 في احسن حالاته

**bedo13** · 27-05-2011 06:05 AM

معلش ياجماعة انا اختلف معاكو في نقطة العزم بيطلع امتى
هتلاقي في الكوري والياباني بيطلع بدري ٣٥٠٠دد تقريبا وده بيديها تسارع افضل انما منحنى العزم بينزل بدري عشان كده لو حملتها بتفرق كتير اوي عن وهيا فاضية
الالماني عموما بيطلع العزم متأخر شوية يعني ٤٠٠٠دد وده بيخلي الطلعة بطيءة بس منحنى العزم بنزل متأخر شوية عشان كده مش بيفرق الحمولة كتير
في نقطة تاني
المفروض منحنى العزم لما ينزل منحنى القوة يكون طالع بس طبعا بيكون في جاب في النص
تصميم العربيات الاوروبي بيقلل الجاب ده عشان كده بتلاقي التسارع بعد ٣٥٠٠دد افضل من الياباني والكوري لو نفس القوة

الموضوع: العربيه مابتجبش اكتر من 160 كم/س؟؟؟؟؟؟؟؟؟؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

العربيه مش بتجيب اكتر من 130 ع الصجراوي من غير تكييف ده طبيعي ؟

موتور الاسترا مخنوق و العربيه مش بتمشي اكتر من 40 كلم

ايه اكتر موقف شيبك وانت سايق العربيه (يعنى) حد كسر عليك او كنت هتخبط فى عربيه او شخص

طيب العربيه اللى عدت اكتر من 100 الف كيلو ايه نظام الصيانه الدوريه ليها ؟؟

العربية مابتجبش R فتيس اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة